MIKA 5:13 - Biblia Ilagho Jiboie Kwa Wandu Wose

¹³ Nichainona milimu yako na nguro rako ra magho retasa; hata ndekuchaatasa kilambo chingi kuchibonyere anduangi.

MIKA 5:13 Referans Kwoze

EZEKIELI 6:9

Wichanikumbuka ahoeni weredwaloghe wunyika aghadi ya iro mbari ra wandu, nyuma ya kuwikaba kwa wundu ghwa iro ngolo rawo risene wuloli riwishekerie kunilegha, na meso ghawo ghichue bea kwa wundu ghotasa milimu. Wichakuzamia weni kwa wundu ghwa agho mawiwi ghawo wereghibonyereghe, chiaimweri na maza ra wuchafu rose wiribonyere.

EZEKIELI 36:25

Nani nichamnyinyiria machi ghielie aighu konyu, nenyo mchaela kufuma kwa wuchafu ghonyu, na wutasi milimu ghonyu ghose.

ZEKARIA 13:2

Ngelo iyo, nichainja marina gha milimu isangenyi, na mndungi ndechaaikumbuka sena anduangi. Nichainja mundu uo ose ukuwangagha mlodi, na kuimeria bea etasa milimu.

HOSEA 14:8

Wandu wa Israeli ndewichaaidumikia milimu sena, nichatumbulia malombi ghawo na kuwilindia; nichawifinikira sa mudi ghupambie, na kuwirasimia kwa kula kindo kicha.”

HOSEA 14:3

Ashuru ndechaadikira, hata farasi ra wuda nderichaaditesia. Ndediwuyaaghora sena kwa milimu, iyo kazi ya mikonu yedu, wei ni milungu yedu. Ee BWANA, kuwiwonie wughoma awo wisewadie weke ndee.”

EZEKIELI 37:23

Ndewichaakulusha na milimu yawo hata kukunona na vilambo vizamie sena, angu makosa ghangi ghawo; ela nichawikira na uko kuwuya nyuma kwawo kose, uko werenibonyereghe nako kaung'a. Nichawielesha wikaie wandu wapo, nani nikaie Mlungu wawo.

ISAYA 2:8

Isanga jawo jeechulwa ni milimu, nawo waghoghomia kazi ra mikonu yawo; vilambo wivibonyere weni.

WUFUNUO 9:20

Awo wandu weresigharikieghe wisebwaghilo ni agho makabo, ndewereherieghe na kurisigha kazi ra mikonu yawo na kutasa pepo, na milimu ya dhahabu, feza, shaba, magho na ya midi; iyo isedimagha kuwona angu kusikira, hata kughenda anduangi.

WATANYI 18:17

na awo wandu wasanu wereghendieghe kujizighana isanga wikajoka na kungia, wikashoa ugho mlimu ghuboisiro na feza, naivera, na iyo milimu mizima ngelo mkohani orekwanyeghe kimusi na waja wandu maghana arandadu wiwadie maswagha.

ISAYA 2:18

Milimu yose ichasoweka putu.

HOSEA 10:2

Wandu wiko na ngolo ra mikalo suti wipato ni wasi kwa wundu ghwa wuwiwi ghwawo. BWANA ucharichikanya madhabahu rawo, na kurinona nguro rawo retasa.

NAHUMU 1:14

BWANA wafunya itangazo huwu aighu yako ee Ashuru, “Ndekuchaakaia na kivalwa chewika irina jako. Nichainona milimu iko andenyi ya hekalu yako. Nichakubonyera kaburi angu isefwane kukaie moyo.”

ZEFANIA 1:4

“Nichawikaba wandu wa Juda na wandu wa Jerusalemu. Nichatotesha wutasi ghwa Baali chiaimweri na wakohani waro wetasa milimu.

ISAYA 27:9

Kwa huwo, kaung'a ya wandu wa Israeli ichainjwa kwa chia iyo, na agha ghichakaia ni matunda gha kuinjirwa kaung'a yake iji magho gha milungu ya kighenyi ghainjwa na kusheghwa sa chokaa, na iji madhabahu ra mlungu ghwa waka Ashera, na iro refukira marumba rameria kuinjwa.

EZEKIELI 16:41

Wichakora nyumba rako na kukutanya imbiri ya waka wengi; nani nichakusighisha ugho wumalaya ghwako, hata ndekuchaafunya malipo ghangi kwa wakundwa wako sena.