MIKA 4:13 - Biblia Ilagho Jiboie Kwa Wandu Wose

¹³ BWANA waghamba, “Wandu wa Jerusalemu, ghendenyi muwikabe wamaiza wenyu. Nicham'bonya mkaie na ndighi sa njau iko na mbembe ra chuma, na kochokocho ra shaba. Mcharifasha-fasha mbari ra wandu wengi; na iro mali wiripatire kwa kusoka, mchanifunyira ini BWANA wa wurumwengu ghose.”

MIKA 4:13 Referans Kwoze

DANIELI 2:44

Matuku gha awo wazuri, Mlungu wa mlungunyi uchawika wuzuri ghusechaanonwa jingi, hata nguma raro nderichaasighilwa mndungi. Wuzuri ugho ghuchachikanya-chikanya agha mawuzuri ghose, na kughimeria; nagho ghuchadua kwa kala na kala.

ISAYA 23:18

Biashara rake na mafungu ghake ghupatagha ghichawikwa wakfu kwa BWANA. Ndeghichaawikwa akiba angu kungirwa malinyi, ela mali yaro ichatumilwa kureda vindo kwa wungi, na nguwo riboie kwa awo wimuobuagha BWANA.

ISAYA 18:7

Ngelo iyo, awo wandu walacha widendere wichareda manosi kwa BWANA wa majeshi; awo wandu wiobolwagha kula na kaavui; iyo mbari ya wandu wiwadie ndighi, isimagha, na isanga jake jiwaghilo ni meda, wichamredia manosi Mghondinyi ghwa Sioni, andu irina ja BWANA wa majeshi jitaswagha.

1 WAKORINTHO 16:2

Kula Ituku ja Njumwa, kula umu onyu ukuwikie kilambo chimu na kuchitumbanya seji koni wapata; eri msechewuyachanga ingelo nacha.

ZEKARIA 6:5

Ukanitumbulia, “Iri ni mbeo inya ra mlungunyi rafuma kummbona Bwana wa ndoenyi kose.”

ZEKARIA 4:14

Niko ukaghamba, “Awa ni waja wandu wawi wishingilo mavuda wipate kumdumikia BWANA wa ndoenyi kose.”

JEREMIA 51:33

Wandu wa Babuloni wichawadilwa sa viro awazenyi vakachanwa; ngelo yake ekuwida yalighisa, ini BWANA wa majeshi, Mlungu wa Israeli, naghamba.”

ZABURI 68:29

Wazuri wichakuredia manosi, kwa wundu ghwa Hekalu yako iko Jerusalemu.

JOSHUA 6:19

Feza yose na dhahabu, na vilambo va shaba na chuma vichakaia wakfu kwa BWANA; vichawikwa andenyi ya mali ra BWANA.”

ISAYA 5:28

Mawanu ghawo ghakalie, na ndana rawo rafungilo; kochokocho ra farasi rawo rakurie sa magho, na magurudumu gha magare ghawo ghiamara sa kikulughulu.

ZABURI 72:10

Wazuri wa Tarshishi, na awo wa visiwa, ndewimlipe kodi; na wazuri wa Sheba na Seba ndewimredie manosi.

WUKUMBUSO 33:25

Mbenge ra mizi yake rederughwagha na vuma, matuku ghose odekaiagha banana.”

ISAYA 21:10

Agho nighisikire kufuma kwa BWANA wa majeshi, Uo Mlungu wa Israeli, niamghoria inyo ee wandu wapo Israeli, mchanilo na kuelwa sa viro.

JEREMIA 51:20

BWANA waghamba, “Babuloni, oho ko nyondo yapo na iswagha ja wuda, nichakutumia kwa kubara-bara mbari ra wandu vipande vipande, na kutotesha mawuzuri.

HOSEA 10:11

“Israeli orekoghe sa ng'ombe ya irika ifundishiro kufasha ngano. Ela nawonie nimngirie ghongolo ya singo yake ighokie, nipate kumfundisha kazi rikurie. Juda uchachimba na ighembe, na Israeli uchabara malowa.

HABAKUKI 3:12

Koreidieghe aghadi ya ndoenyi kwa machu; kukarifasha-fasha iro mbari ra wandu kwa lubio lubaa.

ZABURI 24:1

Wurumwengu na vose viko andenyi yaro ni va BWANA ndoenyi na vose vikaiagha andenyi yaro ni vake.

MIKA 5:7

Masighariko gha Waisraeli wichakaia sa mami gharedwa ni BWANA kwa wundu ghwa mbari nyingi, sa mshushure aighu ya miwalwa. Nawo wichamsuwiria Mlungu uekeri.

ZEKARIA 12:3

Ituku ijo jikavika, nichaibonya Jerusalemu ikaie sa igho jilemere kwa wundu ghwa wandu wose; mbari ya wandu wangi wichaatima kujiwusira, wichashoghonoka nandighi. Na mbari ra wandu wose wurumwengunyi wichacha kulwa nayo.

ZEKARIA 12:6

“Ituku ijo, nichavibonya vichuku va Juda vikaie sa modo ghuhiagha msidunyi angu mbuwenyi rakaia tayari kukuwidwa; wichawitotesha wandu wa mbari rose riko mbai mbai. Wandu wa Jerusalemu wichasigharika banana andenyi ya muzi.