MIKA 4:12 - Biblia Ilagho Jiboie Kwa Wandu Wose

¹² Ela mbari iri nderimanyagha maghesho gha BWANA. Ndewiwuetambukilwa wei weetumbanywa chiaimweri wipate kukabwa, seji viro viredwagha vipate kusheghwa.

MIKA 4:12 Referans Kwoze

ISAYA 55:8

BWANA waghamba, “Maririkanyo ghapo ndeghiko sa ghenyu, hata chia rapo nderiko sa chia renyu anduangi.

JEREMIA 29:11

Angu naichi mipango niko nayo cha konyu, ni mipango ya sere, iseko ya wuwiwi, nipate kumneka isuwirio ngelo ra kutua.

LUKA 3:17

Na lungo lwake loko mkonunyi kwake upate kuinja makanda ghose na kungira ngano nganyenyi kwake, ela makanda uchaghikora kwa modo ghuserimikagha anduangi.”

ISAYA 21:10

Agho nighisikire kufuma kwa BWANA wa majeshi, Uo Mlungu wa Israeli, niamghoria inyo ee wandu wapo Israeli, mchanilo na kuelwa sa viro.

ZABURI 147:19

Wadaghora ilagho jake kwa Jakobo, sharia na mafundisho ghake kwa wandu wa Israeli.

ZABURI 147:20

Ndebonyere huwo kwa mbari ingi zima, ndewiichi sharia rake. BWANA ndekaso.

ISAYA 10:7

Ela maghesho na mipango ya mzuri wa Ashuru ni wuzima, ndewueghesha huwo kungi; kwa kukaia nia yake ni kutotesha iro mbari ra wandu kwa wungi.

ISAYA 29:7

Niko aho izungu ja majeshi gha iro mbari rawuyalwa na Jerusalemu, wose wichalaghaya kara kara na ndodo, ee, sa agho mawono gha nakio.

JEREMIA 51:20

BWANA waghamba, “Babuloni, oho ko nyondo yapo na iswagha ja wuda, nichakutumia kwa kubara-bara mbari ra wandu vipande vipande, na kutotesha mawuzuri.

JOELI 3:2

Nicharikwanya mbari zima, na kusea nawo cha Vololo Etanya. Nichawitanya aho kwa wundu ghwa maza rose wiwibonyere wandu wapo. Wawisasarie wandu wa Israeli aghadi ya masanga gha kighenyi, na kujiwagha isanga japo Israeli.

JEREMIA 51:33

Wandu wa Babuloni wichawadilwa sa viro awazenyi vakachanwa; ngelo yake ekuwida yalighisa, ini BWANA wa majeshi, Mlungu wa Israeli, naghamba.”