MIKA 3:8 - Biblia Ilagho Jiboie Kwa Wandu Wose

⁸ Ela ini neechulwa ni Roho na kudima kwa BWANA, nao wadanineka maghesho gha hachi, na ndighi rewighoria wandu wa Israeli kaung'a rawo.

MIKA 3:8 Referans Kwoze

ISAYA 58:1

BWANA waghamba, “Ghora kwa lwaka lubaa, kusakeleka; wusira lwaka lwako sa tarumbeta, kuwighorie wandu wapo ikosa jawo, na kivalwa cha Israeli kuchighorie kaung'a rawo.

1 WAKORINTHO 2:4

Madedo ghapo na kuchila kwapo ndekorekoghe kwa hikima eshingira wandu anduangi; ela korekoghe kowonyera kwa Roho, na kwa kudima.

EZEKIELI 43:10

BWANA ukachuria kughora, “Na oho mwana wa mdamu, kuwighorie wandu wa Israeli maza ra Hekalu, sena wikufundishe mchoro ghwaro wimanye seji ifwane; wipate kufushwa waya ni agho mabonyo ghawo ghizamie.

EZEKIELI 16:2

“Mwana wa mdamu, kughumanyishe muzi ghwa Jerusalemu wuchafu ghwake,

AYUBU 32:18

Neko na malagho mengi; sidimagha kukuwadia niseghore.

MATHAYO 7:29

angu userefundishireghe sa walimu wa Sharia, ela orefundishireghe kwa nguma.

EZEKIELI 22:2

“Mwana wa mdamu, welee, kuchatanya, kuchaghutanya muzi ghwa wabwaghi? Haya, kughumanyishe wuchafu ghwake ghose ughubonyere.

EZEKIELI 20:4

“Kuchawitanya wandu awa ee mwana wa mdamu? Basi bonya huwo, kuwibonye witambukilo ni wuchafu ghwa weke ndee.

EZEKIELI 3:14

Roho wa Mlungu ukaniwusira na kunidwa noko, ngaghenda naturukia na kusumbuka rohonyi kwapo, ngisikira wulemeri ghwa ndighi ra BWANA.

JEREMIA 20:9

Ngaghamba, “Sichaamghora BWANA angu kughora kwa irina jake,” jiaghaluka ngolonyi kwapo seji ni modo ghuakagha, ghwarughilwa andenyi ya maindi ghapo; nani nalemwa ni kijighiria sidimagha kujikania.

JEREMIA 1:18

Ola idime nakubonya oho kukaie sa muzi ghuwadie ngome; sa nguro ya chuma na sa wurigha ghwa shaba. Isanga jose jichakutangala, na wazuri wa Juda, na wabaa wake, na wakohani wake, na wandu wose wa iji isanga.

JEREMIA 6:11

Kwa huwo nachulwa ni machu gha BWANA; Ilagho ja BWANA janisira ndighi kujiwadia.” BWANA ukanizera, “Dia agho machu ghapo kwa wana chienyi, na wokoni andenyi ya makwanyiko gha wandu wa irika. Womi wilowue na waka wilowolo wichadwalwa chiaimweri, na waghosi na awo wighosere nandighi; hata ungi ndechaasighwa.

MARKO 3:17

Jakobo na Johane mruna, Wana wa Zebedayo (ukawiwanga Boanerge, kutambua kwaro ni “Wana wa Lukuwa”).

ISAYA 61:1

Roho wa Bwana MLUNGU oko aighu kwapo, kwa kukaia BWANA orenishingieghe mavuda, nipate kuwiredia wandu wikorongelo malagho mecha; wanidumie niwirighite awa wifue ngolo, na kuwitangazira wuhuru ghwawo awo wandu widwalo wunyika; na awo wiko kifungonyi, malagho gha kufungulwa kwawo.

ISAYA 61:2

Wanidumie kueresha mwaka ghorumirilwa ni BWANA, na ituku ja Mlungu jeluya lugho, upate kuwihoresha awo wose wiko na wasi,

KILILO CHA JEREMIA 2:14

Walodi wako weeduakughoria tee; machilo ghawo gheeduakukalia kwa kuleghafunukua kaung'a yako. Wikakubonya kugheshe wei ndekune haja ehea.

EZEKIELI 23:36

BWANA ukanizera, “Mwana wa mdamu, welee, kuchamtanya Ohola na Oholiba? Basi kuwighorie wuchafu ghawo.