Biblia Todo Logo
Bib sou entènèt

- Piblisite -




MIKA 2:3 - Biblia Ilagho Jiboie Kwa Wandu Wose

3 Kwa huwo BWANA waghamba, “Ola naawuyabonya mipango ereda wuwiwi aighu yenyu, msechaadima kughufufunuka. Mchakuwona mmbeni mkikaia wasinyi; nenyo ndemchaaghenda kwa lukaso sena anduangi.

Gade chapit la Kopi




MIKA 2:3
29 Referans Kwoze  

Kwa huwo kunyama kima niko kuchaakaia suku ngelo iyo, kwa kukaia ni ngelo mbiwi.


Wandu wose wawiwi wisigharikie wa mbari ihi, wichakaia na bea efwa kuchumba kukaia moyo, andu kose niwiwingie wiendekaia;” waghamba BWANA wa majeshi.


Idana kuwizere wandu wa Juda na wandu wa Jerusalemu, ‘BWANA waghora huwu: Ola nam'bonyera mpango ghom'bonya kiwiwi. Kula umu onyu ndewuye urisighe chia rake mbiwi, boisenyi mighendo yenyu na mabonyo ghenyu.’


Angu kutanya ndekuwadie wughoma, kwa uo usene wughoma; ela sena, wughoma ghwasima kutanya.


Daawuyadumikishwa kwa ndighi; dasirilo, ela ndedinekwagha kuhora kungi.


BWANA wabonya sa iji koni oreghorieghe. Waditotesha kuseko wughoma sa iji koni oreghambieghe.


mkiitumia nicha ngelo muko nayo, angu matuku agha ghazamie.


awo werekungirieghe ndengonyi ya kufwa kwa wundu ghwapo; nani nawifunyira chawucha, hata si ini moni niekeri anduangi, ela na makanisa ghose gha wandu wa mbari zima ghafunya chawucha.


Ni bugha kwa wandu wilalagha wilave kwa kubonya mipango izamie. Ndoe ikaela, wichaikatisha mipango iyo iji wapata wulalo.


Mundu ukimbiagha na iseghe, ndechaakirwa ni iseghe jake; na uo uko na ndighi, uchateweleka; hata uo uko na kudima ndechaakukira moni anduangi.


Idana ini Nebukadnezari, nadamkasa, na kumkuma, na kumneka ishima Mzuri wa mlungunyi; angu kazi rake rose ni ra loli, na chia rake ni ra hachi. Wandu wose wighendagha kwa kukukasa, oko na ndighi ra kuwisera.”


“Wazighanire kaung'a rapo ukarifunga rose chiaimweri; warifungie singonyi kwapo, nani ngawuya mnyonge; BWANA wanifunyire kwa wamaiza wapo, nani seredimieghe kulwa nawo.


Azaria mwana wa Hoshaia, na Johanani mwana wa Karea, na wandu wose wikudukie wikanizera, “Kuaghora tee. BWANA Mlungu odu ndekudumie kudizere diseghende Misri kukaia aho;


Jehudi uendashoma karatasi idadu inya huwu, mzuri ukachiwada chuo na kuchirashua na kandagha katini ukachikumba modonyi ghwa maka, hata chikahia putu chikasia.


Kwa huwo ini BWANA naghora huwu, Mwalemelo ni kunisikira muereshe wuhuru kula mundu kwa mruna na kwa mmbao; olenyi ini namueresha wuhuru ghobwaghwa wudenyi na ghowadwa ni saka izamie, na ghwa njala. Nichabonya mbari rose ra ndoenyi rimshinikie.


Neremghorieghe Zedekia mzuri wa Juda malagho agho gheni ngimzera, “Mkungire singo renyu andenyi ya ghongolo ya mzuri wa Babuloni, mumdumkie chiaimweri na wandu wake, nenyo mchakaia moyo.


Awo wighambagha, “Ndeshashire kubonya agho ughorie, dipate kuriwona kazi rake; kidali cha Mweli wa Israeli ndechikatie, eri dipate kuchimanya.”


BWANA ukaghamba, “Waka wa Jerusalemu wakukasa, wikighenda na singo righorokie, wikizighana na meso ghiko na bea, wikighenda wikukasire, na njugha rikideda maghunyi kwawo,


kwa wundu ugho, kuchawidumikia wamaiza wako, awo BWANA uchaawiduma kulwa na oho, kuko njala, na kau, kuko duu, sena kwasowekelwa ni vilambo vose. Nao uchakukoronga nandighi, hata umerie kukutotesha putu.


Inyo wandu wa Israeli, sikirienyi ijo ilagho BWANA waghora aighu yenyu; aighu ya mbari yose oreijosereghe kufuma isanga ja Misri:


“Ni inyo mmbeni neremmanyireghe aghadi ya mbari rose ra ndoenyi; kwa wundu ugho, nichamkaba kwa wundu ghwa makosa ghenyu ghose.”


Uchawitotesha wang'eti, na awo wisekagha kwa lumenyo uchawinyamira, na wose wichereshagha kwa kubonya wuwiwi uchawiinja putu.


Swiv nou:

Piblisite


Piblisite