MIKA 1:7 - Biblia Ilagho Jiboie Kwa Wandu Wose

⁷ Milimu yake ya zoghori ichabarwa-barwa; kula kilambo cherenekeloghe malaya gha hekalunyi chichakorwa, na fwana raro rose richawuya kitungu cha tungasi. Samaria yakuzaisire agho malagho, kwa wundu ghwa iyo mizango yake mingi. Idana wamaiza wake wichaiduka, wiendebonya wumalaya ghwa hekalunyi andu kuzima.”

MIKA 1:7 Referans Kwoze

WUKUMBUSO 23:18

Kuserede pesa ringi Hekalunyi kwa BWANA Mlungu wako rafunywa ni ilaya ja waka angu ja womi wei richelipwa kwa wundu ghwa ighemi ijo jose; angu malaya agha ghose ghadamzamia BWANA Mlungu wako.

HOSEA 2:12

Nichainja mizabibu na mitini yake, iyo orekoghe ukighamba wei wakundwa wake wedemneka kwa wundu ghowidumikia. Nichaighalua mizabibu na matunda ghake ghiwue kireti.

WUFUNUO 18:3

angu mbari rose ramerie kunywa iyo divei ya bea rake riseelie, na wazuri wa ndoenyi wabonyere wulaki nao, na washami wa ndoenyi wapatire mali kwa wumalaya ghwake.”

HOSEA 8:6

Ni wufundi ghwa Muisraeli umu ubonyere ugho mlimu ghuseko mlungu putu. Njau ya dhahabu yawuyataswa Samaria ichabarwa-barwa.

WUFUNUO 18:9

Na awo wazuri wa ndoenyi werekoghe wikilaka na kubonya wumalaya nao, wichamlilia na kukema mchungu iji waghuwona mosi ghwa modo ghumkoragha;

JOELI 3:3

Wakabie kura aighu ya wandu wapo, wikauza wana wa womi kwa kupata malaya, na wai kwa kupata divei winyo.

HOSEA 2:5

Angu mae wabonyere wumalaya uo muka orewidukieghe kifunyi wabonyere malagho gha waya. Angu oreghambieghe, ‘Nichanughana na wakundwa wapo, awo wichaanineka mkate na machi, nguwo rapo ra sufu na ra kitani, mavuda na chofi.’

ISAYA 27:9

Kwa huwo, kaung'a ya wandu wa Israeli ichainjwa kwa chia iyo, na agha ghichakaia ni matunda gha kuinjirwa kaung'a yake iji magho gha milungu ya kighenyi ghainjwa na kusheghwa sa chokaa, na iji madhabahu ra mlungu ghwa waka Ashera, na iro refukira marumba rameria kuinjwa.

2 MALAGHO GHA NGELO 31:1

Nao iji Ndima yasia, wandu wose wa Israeli werekoghe aho, wikaghenda mizinyi ya Juda, wikachikanya nguro retasa vipande vipande, na kuinja fwana ra ghuja mlungu ghwa waka Ashera, na kunona andu kotasira mighondinyi, na madhabahu riko andenyi ya isanga ja Juda, na Benjamini, na Efraimu, na Manase, hata wikaritotesha rose. Niko wandu wose wa Israeli wikawuya mizinyi kwawo kula mundu andu kwake.

WUKUMBUSO 9:21

Niko ngawada chija kilambo cha kaung'a, iyo ngache moreibonyereghe, ngaikora na kuifasha ngaisha hata ikawuya idendere sa teri; ngaida andenyi ya kamoda kerekoghe kikisea kufuma mghondinyi.

WALAWI 26:30

Nichakunona andu konyu kwa ighu kotasira, na kughinona madhabahu ghenyu ghefukiria marumba; nicharikumba gharia ra mimbi yenyu aighu ya milimu yenyu ifue; nichazamilwa ni inyo.

1 SAMUELI 5:4

Ela ituku jinughie iji werewukieghe nakesho, wikammbona Dagoni ughue kiwushu-wushu andonyi imbiri ya Sanduku ya BWANA; chongo chake na mikonu yake vimerie kukenyuka aho kizingitinyi cha mnyango; na kilughadi chake chasigharika chiekeri.

ISAYA 2:18

Milimu yose ichasoweka putu.

ISAYA 23:17

Nyuma ya miaka mirongo mfungade, BWANA uchaghuchea muzi ghwa Tiro, nagho ghuchawuria kazi yake, na kubonya wumalaya na mawuzuri ghose gha wurumwengu ndoenyi kose.

EZEKIELI 6:6

Andu uko kose muko, mizi yenyu ichasighwa miduu, na andu konyu kotasira mighondinyi kuchanonwa, eri madhabahu renyu ripate kunonwa na kusaghiswa; na milimu yenyu kuchikanywa na kunonwa; madhabahu renyu refukiria marumba richachikanywa, na vilambo muvibonyere viinjo putu.

HOSEA 2:14

“Kwa huwo nichamghenja cha kireti sena, na oho nichadedanya nao kwa lukundo.

HOSEA 8:5

Naawuyazamilwa ni mlimu ghwa ngache ya dhahabu ghutaswagha ni wandu wa muzi ghwa Samaria, neeka na machu mabaa aighu yawo; ichadwa ngelo ing'ane wada ima witane nayo?