MIKA 1:5 - Biblia Ilagho Jiboie Kwa Wandu Wose

⁵ Agha ghose ghaawuyacha angu wandu wa Israeli wibonyere kaung'a, na kumlegha Mlungu. Nani uko mkosa ima Israeli kaleghagha Mlungu? Welee, si Samaria cheni? Nani uko mkosi otasa milimu andenyi ya Juda? Welee, si Jerusalemu cheni?

MIKA 1:5 Referans Kwoze

AMOSI 8:14

Awo wandu wighemagha kwa milimu ya Samaria, wikighamba, ‘Kwa mlungu ghwa Dani’ angu ‘Kwa mlungu ghwa Beer-sheba’ wandu awo wichaghwa hata ndewiichaawuka sena.”

JEREMIA 2:19

Mawiwi ghako gheni ghichakuneka adhabu, na kuwuya nyuma kwako kuchakukemia. Zighana kuwone kukaia ni ilagho iwiwi sena jibirie ja oho kunisigha ini BWANA Mlungu wako; ndekuwadie ghuja wundu ghwa kuniobua ini andenyi kwako.”

KILILO CHA JEREMIA 5:16

Vilambo vose derekukasagha navo vasirie. Ni bugha kodu angu dibonyere kaung'a.

JEREMIA 6:19

Sikirenyi ee ndoenyi, nichareda mawiwi aighu ya wandu awa, nagho ni malipo gha mipango yawo; kwa kukaia ndeweresikireghe malagho ghapo, wikailegha sharia yapo.

JEREMIA 4:18

Ni chia rako na mabonyo ghako gheni ee Juda, ghakuredia agha, iji nijo ikabo jako. Jabirie, najo jangia kondenyi ngolonyi kwako.”

JEREMIA 2:17

Agha malagho ndekookuredia kumoni ee Israeli, kwa wundu ghwa kunisigha ini BWANA Mlungu wako, ingelo nerekoghe ngikughenja chienyi?

1 WAZURI 13:32

Malagho ughighorie kwa irina ja BWANA aighu ya madhabahu ghiko Betheli, na aighu ya iro nyumba retasira riaghilo mghondinyi andenyi ya mizi ya Samaria, kwa loli ghichakatia.”

AMOSI 6:1

Ni bugha konyu inyo mkaiagha kwa raha Sioni na kwa inyo mmbonagha kukaia moko nicha Samaria; inyo wandu wabaa wa iyo mbari mbaa ya Israeli wesuwirilwa ni wandu wa Israeli.

HOSEA 7:1

“Ingelo nawuyakunda kuwiboisa wandu wapo Israeli, niko kaung'a rawo rifunukukagha na mabonyo ghawo kuwoneka. Waawuyakaliana weni na weni; waawuyabara nyumba na kuiwa, na kusoka wandu vilambo chienyi.

JEREMIA 5:25

Mawiwi ghenyu ghainjire na kuwika ivo vindo viboie kula nenyo.

2 MALAGHO GHA NGELO 34:3

Mwaka ghwa wunyanya ghwa kubonya nguma kwake, orezoeghe kumlola Mlungu wa ndee Daudi uko mwana wokoni; na mwaka ghwa ikumi na iwi, ukazoya kuielesha Juda na Jerusalemu kwa kuinja andu kotasira mighondinyi, na fwana ra mlungu ghwa waka Ashera, na fwana rewacha na rechana.

2 MALAGHO GHA NGELO 34:4

Ukafunya momu madhabahu ra weke Baali rivuchulo, na madhabahu refukiria marumba rerekoghe naighu yaro rikainjwa, na fwana ra Ashera na fwana riwachilo na iro richanilo, rikabarwa na kusheghwa hata rikawuya teri; nayo ikadilwa aighu ya makaburi gha awo wandu werekoghe wikirifunyira vizongona.

ISAYA 7:9

Muzi m'baa ghwa Israeli ni Samaria, na m'baa waro ni Mzuri Peka mwana wa Remalia. Kukalegha kurumiria, loli ndekuchaamanga.’”

AMOSI 7:9

Aho andu wandu wa kivalwa cha Isaaka weretasiragha kuchatoteshwa. Andu kwa Wueli kwa Israeli kuchanoneka. Nicharimeria nguma ra Mzuri Jeroboamu.”

MIKA 1:13

Inyo wandu mkaiagha Lakishi, funganyenyi farasi na magare. Mwasungie kaung'a ra Israeli, mkashekeria wandu wa Jerusalemu wibonye kaung'a.

1 WAZURI 11:7

Solomoni ukaagha aighu mghondinyi mashariki ya Jerusalemu andu kotasira ugho mlungu Kemoshi wuchafu ghwa Wamoabu, na mlungu Moleki wuchafu ghwa Waamoni.

1 WAZURI 16:24

Ukaghua mghondi ghwa Samaria kwa Shemeri kwa vibelele va feza elfu irandadu. Omri ukaagha ngome aighu yaro; ukaghuwanga Samaria kunughana na irina ja Shemeri, mundu wa imbiri wa ugho mghondi.

JEREMIA 23:13

Nawonie ilagho jizamie na ndighi, kwa walodi wa Samaria; walodere kwa irina ja Baali, na kuwilaghasha wandu wapo Israeli.

JEREMIA 23:14

Ela kwa walodi wa Jerusalemu, nawonie ilagho jizamie kuchumba; awo waawuyalaka na kughora tee. Wabonyi kiwiwi waawuyawifungisha ndighi, hata mndungi ndewueghaluka usighe wuwiwi ghwake anduangi; wose weewuya kwapo sa Sodoma, na wandu wikaiagha andenyi yaro sa Gomora.”

EZEKIELI 16:46

Mwanyinyu wa waka m'baa ni Samaria, uo orekoghe cha kaskazinyi yako na mizi yake; na mwanyinyu wa waka mtini, uo orekoghe cha kusinyi chiaimweri na mizi yake ni Sodoma.