MIKA 1:12 - Biblia Ilagho Jiboie Kwa Wandu Wose

¹² Wandu wa Marothi waawuyawesera kupata mecha kwa bea mbaa; kwa kukaia BWANA wawiredia mawiwi kaavui na Jerusalemu.

MIKA 1:12 Referans Kwoze

JEREMIA 14:19

BWANA, loli koomlegha Juda putu? Koozamilwa putu ni wandu wa Jerusalemu? Kwaki kwadikaba huwu hata disedimagha diboo? Deresuwirieghe kupata sere, ela ndediwonie wucha ghungi deresuwirieghe ngelo eboa iche, ela dikaapata mashaka.

MIKA 1:9

Kushoghonoka kwa Samaria ndekudimagha kuboa; Juda walighisa kupatwa ni wasi ugho ghoni; wuwiwi ghwacha hata mbengenyi ra Jerusalemu, andu wandu wapo wikaiagha.”

AMOSI 3:6

Tarumbeta yadima kukabwa mzinyi nao wandu wilemo ni kuobua? Welee wuwiwi ghwadima kungia mzinyi ghuselaghirilo ni BWANA?

JEREMIA 8:15

Dailolie sere, ela ndedipatire wucha ghungi, dikazighanira ngelo eboiswa, ela dikaawona maza reobosha.

ISAYA 45:7

Ni ini nibonyagha mwengere, sena ni ini niumbagha kira; ni ini niredagha marasimio na bugha; Ini ne BWANA uo ubonyagha maza rose.

AYUBU 30:26

Ela iji neresuwirieghe mecha, neechapatwa ni mawiwi; na iji neresuwirieghe mwengere neechawona kira.

1 SAMUELI 4:13

Uendavika, ukamkua Eli uko kidombo kifumbinyi kwake achienyi ukilangaria, kwa kukaia orengiriloghe ni wowa kwa wundu ghwa Sanduku ya Mlungu. Uja mundu ungia mzinyi na kughora agho malagho ghabonyeka, wandu wose wikawoka kulila.

RUTHU 1:20

Naomi ukawizera, “Mseniwange Naomi, ela muniwange Mara; angu Uo-Uko-Aighu-Nandighi wanibonyere maza ribirie.