MATHAYO 9:8 - Biblia Ilagho Jiboie Kwa Wandu Wose

⁸ Wandu wose izungunyi iji waghiwona agho, wikaobua na kumkasa Mlungu uo orewinekieghe wadamu iro nguma.

MATHAYO 9:8 Referans Kwoze

LUKA 7:16

Wikangilwa ni wowa wose wikamkasa Mlungu wikighamba, “Mlodi m'baa wawuka aghadi kodu!” sena “Mlungu wawivikia wandu wake.”

MATHAYO 15:31

Wandu wose wikashinika iji wammbona uja kituri ukideda, watighini wikighenda, na wakelemeri waboiswa; wikamkasa Mlungu wa Israeli.

MABONYO GHA WADUMI 4:21

Nawo wiendawizera malagho ghewikumba wowa, wikawifungua. Wikasowa chia ingi ewitirira, angu wandu wose werekoghe wikimkasa Mlungu kwa iro maza rerebonyekieghe.

LUKA 23:47

Uja m'baa wa masikari uendawona agho gherebonyekieghe, ukamkasa Mlungu ukighamba, “Kwa loli mundu uhu orekoghe mhachi.”

LUKA 17:15

Hata iji werekoghe wikighenda wikaeleshwa. Umu wawo iji wawona angu waboiswa, ukawuya ukimkasa Mlungu kwa lwaka lubaa;

MARKO 2:12

Nao ahoeni ukawuka, ukaghuduka wuli ghwake, ukafuma imbiri ya wose, hata wikashinika, wikamkasa Mlungu wikighamba, “Na jingi ndediwonie huwu anduangi.”

WAGALATIA 1:24

Nawo wikamkasa Mlungu kwa wundu ghwapo.

JOHANE 15:8

Aba uchakaswa mkava matunda mengi, nenyo mchawoneka kukaia moko wanughi wapo.

LUKA 13:13

Ukammbikiria mikonu yake, na shwa wori ukaghoroka na kumkasa Mlungu.

MABONYO GHA WADUMI 11:18

Wiendasikira agho wikanyama kima. Wikamkasa Mlungu wikighamba, “Mlungu wawinekie wandu wa mbari zima wori kuhea kovikia kupata irangi.”

MABONYO GHA WADUMI 21:20

Nawo iji wasikira wikamkasa Mlungu. Niko wikamzera, “Kwawona mwanidu seji maelfu gha Wayahudi wirumirie; na wose waawuyafunga ndighi kuiwadia Sharia;

MARKO 7:37

Wandu wikashinika nandighi loli-loli, wikighamba, “Wadabonya maza rose nicha: wadabonya hata wifue madu wisikire, na vituri widede.”

MATHAYO 28:18

Jesu ukawichea ukawizera, “Namerie kunekwa nguma rose mlungunyi na ndoenyi.

MATHAYO 12:23

Izungu jose ja wandu wikashinika na kughamba, “Kewada uhu suo Mwana wa Daudi?”

MATHAYO 5:16

Huwo koni suti mwengere ghonyu ghulangale imbiri ya wandu, eri wikiwona mabonyo ghenyu, wimkase Ndeyo onyu uko mlungunyi.

MATHAYO 9:7

Nao uja mkelemeri wa kupooza ukawuka ukaghenda nyumbenyi kwake.

LUKA 2:20

Na walisha wikawuya wikimkasa Mlungu kwa agho ghose wereghisikireghe na kughiwona sa iji koni wereghoreloghe.

LUKA 17:18

Ndewonekie ungi owuya na kumkasa Mlungu, ela uhu mghenyi moni?”

LUKA 18:43

Nao shwa wori ukawona, ukamnugha ukimneka Mlungu wubaa; na wandu wose iji werewonieghe agho wikamkasa Mlungu.

2 WAKORINTHO 9:13

Kwa chia ya kutimwa kwaro wudumiki ughu, wichamkasa Mlungu wikiwona seji mwawuyasikira, kwa kujirumiria ijo Ilagho Jiboie ja Kristo; na kwa wundu ghwa iyo ngolo enyu ndicha efunya, kwa wundu ghwawo na kwa wazima wose;

1 PETRO 2:12

Mkaie na tabia ndicha aghadi ya wandu wa mbari zima; eri wikakaghora aighu yenyu wei mo wabonyi kiwiwi, wiriwone kazi renyu riboie, na kumkasa Mlungu ijo Ituku uchagha.