MATHAYO 9:4 - Biblia Ilagho Jiboie Kwa Wandu Wose

⁴ Nao Jesu ukimanya maririkanyo ghawo ukaghamba, “Kwaki mgheshagha mawiwi ngolonyi konyu?

MATHAYO 9:4 Referans Kwoze

LUKA 6:8

Ela uo oreghimanyireghe maririkanyo ghawo, nao ukamzera uo mundu mkonu ghwake ghukelemere, “Choo aha imbiri.” Nao ukaghenda na kukaia kimusi aho.

MATHAYO 12:25

Nao Jesu ukimanya maghesho ghawo ukawizera, “Wuzuri ugho ghose ghuwaghanyikagha mafungu mafungu, ndeghudimagha kumanga anduangi; hata ndekuwadie muzi angu nyumba iwaghanyikagha cheni idimagha kumanga anduangi.

WUFUNUO 2:23

sena nichawibwagha wanughi wake. Na makanisa ghose ghichamanya angu ni ini nirizighanagha ngolo na maghesho gha wandu; nani nichamlipa kula umu onyu karakara na kazi rake.

JOHANE 16:30

Idana damanya kwaichi vilambo vose, hata ndekukunde mndungi ukukotie ilagho jingi anduangi; kwa huwu darumiria angu korefumieghe kwa Mlungu.”

LUKA 11:17

Ela Jesu ukighimanya maririkanyo ghawo ukawizera, “Kula wuzuri ghusesikiranagha ghoni ndeghuduagha, na kula kinyumba chiwaghikie chadaaghwa.

ZABURI 139:2

Oho kwaichi maza rose nibonyagha; kwaghimanya maghesho ghapo ghose.

ZABURI 44:21

ndekoremanyagha e kuichi ngasu rose ra ngolo ee Mlungu?

MABONYO GHA WADUMI 5:9

Nao Petro ukamzera, “Yakaia wada inyo kurumiriana mumtime Roho wa Bwana? Sikira, wandu wamrika mmigho weko mnyangonyi, nawo wichakuduka oho wori cha shighadi.”

JOHANE 16:19

Jesu oremanyireghe angu wakunda kumkotia, niko ukawizera, “Welee, mwaawuyakotiana kutambua kwaro agho naghora, ‘Kwa ngelo ndini ndemchaaniwona, sena kuida ngelo ndini mchaniwona?’

JOHANE 6:64

Elaima wamu wenyu ndemrumirie anduangi.” (Jesu oreghorieghe agho angu oremanyireghe kufuma imbiri ni weke ani wiserumiriagha na ni ani uchaamfunya.)

JOHANE 6:61

Jesu ukimanya moni angu wanughi wake werekoghe wikizughunukia malagho agho ukawizera, “Welee, agha ghaamkuwisha?

JOHANE 21:17

Jesu ukamkotia sena indo ja kadadu, “Wele Simoni mwana wa Johane, kwanikunde?” Petro ukangilwa ni wasi angu oremkotereghe indo ja kadadu, kwanikunde? Ukamzera, “Bwana oho kwavimanya vilambo vose, kwaichi angu nakukunde.” Jesu ukamzera, “Kuzighaneghee ng'ondi rapo.

LUKA 5:22

Nao iji Jesu waghimanya maririkanyo ghawo, ukawikotia, “Kwaki mririkanyagha huwo ngolonyi konyu?

MARKO 12:15

Dilipe angu disakelipa?” Ela Jesu ukimanya seji wiko waji-kuwi, ukawizera, “Kwaki munitimagha? Niredienyi pesa niiwone.”

MARKO 2:8

Shwa wori Jesu ukamanya maghesho ghawo sa iji wawuyaririkanya, ukawizera, “Kwaki mwaririkanya huwo ngolonyi konyu?

LUKA 7:40

Nao Jesu ukaghamba, “Simoni, neko na ilagho jekughoria.” Nao ukatumbulia, “Ghora Mwalimu.”

EZEKIELI 38:10

Bwana MLUNGU wakuzera huwu oho Gogu, “Ngelo iyo ikavika, kuchachelwa ni maghesho ghebonya mipango ya wuwiwi.