MATHAYO 9:35 - Biblia Ilagho Jiboie Kwa Wandu Wose

³⁵ Nao Jesu ukaghenda mizi yose mibaa na mitini, ukifundisha andenyi ya sunagogi rawo na kujichila Ilagho Jiboie ja wuzuri ghwa Mlungu; ukaboisa makongo na manyonge gha mbari rose.

MATHAYO 9:35 Referans Kwoze

MABONYO GHA WADUMI 10:38

Seji Mlungu oremshingieghe Jesu wa Nazareti mavuda kwa Roho Mweli, na kwa ndighi; nao ukamara-mara ukibonya nicha, na kuwiboisa wose werekorongeloghe ni uja Mmbiwi, angu Mlungu orekoghe andwamweri nao.

MARKO 6:56

Na kula andu oreghendieghe, mizinyi angu mbuwenyi, wikawika wakongo masokonyi, wikimvoya wimuadade hata kidambi cha nguwo yake. Na awo weremuadadireghe, wikaboa.

MATHAYO 11:5

Vitungure vawuyawona, wakelemeri wawuyaghenda, awa wiko na sima waawuyaeleshwa, awa wifue madu waawuyasikira, wafu waawuyarukishwa, na wakiwa wachililwa Ilagho Jiboie.

LUKA 13:22

Nao Jesu ukaghenda chia yake, ukaida aghadi ya mizi mibaa na mitini, ukifundisha na kuchuria kughenda cha Jerusalemu.

MABONYO GHA WADUMI 2:22

“Sikirenyi malagho agha inyo wandu wa Israeli: Jesu wa Nazareti, ni mundu oremanyishiroghe worinyi konyu ni Mlungu kwa mabonyo gha ndighi, alama na mashiniko Mlungu oreribonyereghe kwa kumtumia aghadi konyu sa iji koni mwawuyamanya.

MARKO 6:6

Ukashinika kwa awo kusowekelwa ni irumirio. Nao Jesu ukamara-mara mzinyi, ukifundisha.

MATHAYO 11:1

Nao iji Jesu wameria kuwilaghira wanughi wake ikumi na wawi, ukafuma aho ukaghenda kufundisha na kuchila kwa mizi yawo.

MATHAYO 10:1

Jesu ukawiwanga wanughi wake ikumi na wawi, ukawineka ndighi rewinga roho ra makakala na kuboisa makongo gha mbari rose.

MARKO 1:14

Nyuma ya Johane kuwadwa na kungirwa kifungonyi, Jesu oreghendieghe Galilaya, ukichila Ilagho Jiboie ja Mlungu,