MATHAYO 9:2 - Biblia Ilagho Jiboie Kwa Wandu Wose

² Nao wandu wamu wikamredia mkelemeri wa kupooza walala wulinyi. Jesu uendawona irumirio jawo ukamzera uja mkelemeri, “Kaia na ngolo mwanwapo, kaung'a rako ralekwa.”

MATHAYO 9:2 Referans Kwoze

MATHAYO 9:22

Nao Jesu ukaghaluka ukammbona ukamzera, “Mwai, kaia na ngolo, irumirio jako jakuboisa.” Nao uja muka ukaboa saa ija cheni.

JAKOBO 2:18

Ela mndumu wadima kughamba, “Oho kwawadie irumirio, nani moni neko na mabonyo.” Niwonyere irumirio jako kuseko na mabonyo, nani nikuwonyere irumirio japo kwa mabonyo ghapo.

MABONYO GHA WADUMI 19:12

hata vitambaa na nguwo rake orekoghe ukirwa verekoghe vikidwailwa wakongo nawo wikaboa, na awo werekoghe na pepo rizamie rikawifuma.

JOHANE 21:5

Jesu ukawikotia, “Wanake, mwawada samaki ringi?” Wikatumbulia, “Hata!”

MATHAYO 8:10

Jesu uendasikira agho, ukashinika ukawizera wandu werekoghe wikimnugha, “Namghoria loli, jingi siwonie mndungi kwa Israeli uko na irumirio sa iji anduangi.

MATHAYO 4:24

Na sare yake ikaera isanga jose ja Siria, wandu wikamredia wakongo wa mbari rose werekoghe wikisirimika kwa pepo na kuzimia, andwamweri na wakelemeri. Jesu ukawiboisa wose.

WAROMA 5:11

Hata si ijo jeni jiekeri anduangi, ela daboilwa andenyi ya Mlungu wori kwa chia ya Bwana odu Jesu Kristo uo udipatanishire na Mlungu.

MABONYO GHA WADUMI 14:9

Ukasikira Paulo ukighora, na Paulo ukamkuya meso ghake, nao ukimmbona seji uko na irumirio jeboiswa,

JOHANE 16:33

Namghoria malagho agha, mpate kukaia na sere andenyi kwapo; mchakaia na wasi wurumwengunyi, ela kaienyi na ngolo, ini naghusima wurumwengu.”

MATHAYO 9:6

Ela nakunda mmanye angu Mwana wa Mdamu wawadie nguma relekia wandu kaung'a wurumwengunyi.” Niko ukamzera uja mkelemeri, “Wuka kughuduke wuli ghwako kwende nyumbenyi kwako.”

MATHAYO 8:16

Luma lwa kenyi yaro, wikamredia wakongo wengi werekoghe na pepo; nao ukariwinga iro roho mbiwi kwa kughora koni, na wakongo wose ukawiboisa.

ISAYA 44:22

Namerie kuinja makosa ghako sa iwingu, na kaung'a rako sa ikungughu; wuya kwapo, kwa kukaia namerie kukukombua.”

JOHANE 2:25

Hata nderekundieghe mndungi umghorie maza ra wandu anduangi, angu oremanyireghe rose riko andenyi ya mdamu.

MARKO 5:34

Jesu ukamzera, “Mwai, irumirio jako jakuboisa. Ghenda na sere, kuboo putu wukongo ghwako.”

MARKO 1:32

Luma lwa kenyi iruwa jiendaswa, wikamredia wakongo wose na awo werekoghe na pepo.

MCHILI 9:7

Ghenda kuje vindo vako kukaie na kuboilwa; kunyo divei yako kukaie na iseko, angu Mlungu wakurumirie.

MATHAYO 6:12

Kudilekie makosa ghedu, sa iji koni isi diwilekie awa widikosere;

MATHAYO 9:5

Iji jiangue kughora ni jiao? Ni kughamba ‘Kwalekwa kaung'a rako’ angu ni kughamba, ‘Wuka kwende?’

MATHAYO 14:27

Ahoeni Jesu ukadedanya nawo ukighamba, “Kaienyi na ngolo ni ini moni msakeobua.”

MARKO 6:50

angu wose weremmbonieghe, wererashukiloghe ni ngolo. Ela ahoeni ukadeda nawo ukiwizera, “Kaienyi na ngolo, ni ini moni, msakeobua.”

MARKO 10:49

Jesu ukadunga maghu, ukaghamba, “Mmbangenyi.” Nao wikammbanga uja mundu ufue meso wikamzera, “Kaia na ngolo; wuka wakuwanga.”

MABONYO GHA WADUMI 23:11

Icho kio, Bwana ukakaia kimusi kaavui na Paulo ukaghamba, “Kaia na ngolo, sa iji koni kunishuhudie Jerusalemu, huwo koni ni suti kunishuhudie Roma.”