MATHAYO 8:34 - Biblia Ilagho Jiboie Kwa Wandu Wose

³⁴ Niko aho wandu wose wa ghuja muzi wikafuma wikamghendia Jesu, hata iji wammbona, wikamvoya ufume isangenyi kwawo.

MATHAYO 8:34 Referans Kwoze

MABONYO GHA WADUMI 16:39

Niko wikacha na kuwilomba wughoma, wikawifunya jela, na kuwilomba wifume ghuja muzi.

LUKA 5:8

Ela iji Simoni Petro orewonieghe agho, ukamdungia Jesu ngokoro ukighamba, “Kaia kula nani, angu ne mundu wa kaung'a ee Bwana.”

AYUBU 21:14

Wandu wawiwi wadamzera Mlungu, ‘Fuma kodu! Ndedikunde kurimanya chia rako.

AYUBU 22:17

Ni wandu weremleghieghe Mlungu, wikarumiria kukaia ndedimagha kuwibonya ilagho jingi.

1 WAZURI 17:18

Uja muka ukamzera Elija, “Kwaki kunibonyere huwu? Welee, koocha kwapo eri kumkumbuse Mlungu kaung'a yapo hata mwana wapo ufo?”

LUKA 8:28

Nao iji wammbona Jesu, ukakema na kughwa imbiri kwake, na kughamba kwa lwaka lubaa, “Kwakunde kunibonya wada Jesu Mwana wa Mlungu Uo-Uko-Aighu-Nandighi? Nakuvoya kusenitirire.”

MATHAYO 8:29

Wikazoya kukema wikighamba, “Koko na ilaghoki nesi oho Mwana wa Mlungu? Wele kwaacha kuditirira ngelo edu isevikie?”

1 WAZURI 18:17

Nao iji Ahabu wammbona Elija ukaghamba, “Wele ni oho kumoni, msumbui Israeli?”

1 SAMUELI 16:4

Samueli ukabonya sa iji koni BWANA oremlaghirieghe; ukacha Bethlehemu. Wabaa wa muzi wikacha kummara wikisughusika, wikaghamba, “Kwaawuyacha kwa sere?”

WUKUMBUSO 5:25

Idana kwaki dikungiragha kifonyi? Ughu modo ghuko m'baa ghudimeria; dikachuria kulusikira lwaka lwa BWANA Mlungu odu, dichafwa.

AMOSI 7:12

Nao Amazia ukamzera Amosi, “Ee Mlodi, ghenda cha isanga ja Juda, kufunyeghe wulodi aho wikulipe.