MATHAYO 8:29 - Biblia Ilagho Jiboie Kwa Wandu Wose

²⁹ Wikazoya kukema wikighamba, “Koko na ilaghoki nesi oho Mwana wa Mlungu? Wele kwaacha kuditirira ngelo edu isevikie?”

MATHAYO 8:29 Referans Kwoze

MARKO 1:24

ukighamba, “Isi dawadieki kwako, Jesu wa Nazareti? Kwaacha kuditotesha? Nakuichi oho nani; ni uja Mweli wa Mlungu.”

LUKA 4:34

“Aa! Kwakunde kudibonya wada oho Jesu wa Nazareti? Kwaacha kuditotesha? Ini nakuichi oho ko uja Mweli wa Mlungu.”

JAKOBO 2:19

Oho kwarumiria angu Mlungu ni umweri, kwabonya nicha. Hata pepo rarumiria, na kusughusika.

MARKO 5:7

ukakema na lwaka lubaa ukighamba, “Nawadieki kwako Jesu Mwana wa Mlungu Uko-Aighu-Nandighi? Nakuvoya kwa irina ja Mlungu, kusakenitirira!”

LUKA 8:28

Nao iji wammbona Jesu, ukakema na kughwa imbiri kwake, na kughamba kwa lwaka lubaa, “Kwakunde kunibonya wada Jesu Mwana wa Mlungu Uo-Uko-Aighu-Nandighi? Nakuvoya kusenitirire.”

2 PETRO 2:4

Mlungu nderewilekieghe awo weke malaika werebonyereghe kaung'a, ela orewikumbieghe jehanamunyi, na kuwingira andenyi ya vina viko ndenyi va kira; andu wawuyawikwa hata Ituku ja Kutanywa.

MATHAYO 4:3

Niko Mtimi ukamchea ukamzera, “Ikakaia oho ko Mwana wa Mlungu, ghizere magho agha ghiwuye mikate.”

JOHANE 2:4

Jesu ukamzera, “Ngamao agho ni ghaki? Ngelo yapo ndeivikie anduangi.”

LUKA 4:41

Na pepo nyingi rikawifuma wandu wengi rikikema na kughamba, “Oho ko Mwana wa Kristo!” Ela ukarikania na kurighiria kudeda, angu reremmanyireghe uo kukaia Kristo.

2 SAMUELI 16:10

Ela mzuri ukamzera, “Dekwanye wada inyo wana wa Seruia? Mwamanya wada ngera waadumwa ni BWANA uniewie? Nani udimagha kughiria isekaie huwo?”

JUDA 1:6

Na awo weke malaika wisererilindirieghe nguma rawo, ela werefumieghe andu werekoghe wikikaia, Mlungu orewifungieghe na minyororo ya kala na kala na kuwiwika andu kwa kira hata Ituku ibaa ja kutanywa.

MABONYO GHA WADUMI 16:17

Ukamnugha Paulo andwamweri nesi ukighora kwa lwaka lubaa, “Wandu awa ni wadumiki wa Mlungu Uko Aighu Na Ndighi, nawo wamchilia malagho gha kukia.”

MARKO 3:11

Na wandu werekoghe na pepo ra makakala iji wammbona, wikaghwa imbiri kwake wikikema na kughamba, “Oho ko Mwana wa Mlungu!”

1 WAZURI 17:18

Uja muka ukamzera Elija, “Kwaki kunibonyere huwu? Welee, koocha kwapo eri kumkumbuse Mlungu kaung'a yapo hata mwana wapo ufo?”

2 SAMUELI 19:22

Ela Daudi ukaghamba, “Neko na ilaghoki nenyo inyo wana wa Seruia? Idime mwawuya wamaiza wapo! Mndungi wadima kubwagha andenyi ya Israeli idime? Ini namanya kukaia ne mzuri wa Israeli.”

JOELI 3:4

“Mwawuyakunda kunilipa kwa wundu ghwa kilambo chimu? Ikakaia ni huwo, nichamlipa kwa shwa-shwa mabonyo ghenyu gheni m'bonyere.

WATANYI 11:12

Nao Jefitha ukaduma wandu kwa mzuri wa Waamoni ukamzera, “Ni ilaghoki kuko najo cha kwapo jakushekeria kubonye wuda na isanga japo?”

2 WAZURI 3:13

Elisha ukamzera mzuri wa Israeli, “Siwadie ilagho jingi jekubonyera. Ghenda kwa walodi wa ndeyo na mayo.” Mzuri wa Israeli ukamzera, “BWANA nuo wadiwanga wazuri wadadu, eri udingire mikonunyi kwa mzuri wa Moabu.”

2 MALAGHO GHA NGELO 35:21

Ela Neko ukaduma wandu kwa Josia ukighamba, “Wele mzuri wa Juda, dikwanywa niki oho nani? Ini siwuechalwa nakumoni idime, ela weko wandu niko nawo na wuda; na Mlungu wanilaghira nibonye shwa-shwa. Mlungu okwanye nani; kusakemtangala uchekutotesha.”

MATHAYO 8:30

Kaavui na aho korekoghe na nguwe nyingi rikilishwa.