MATHAYO 7:21 - Biblia Ilagho Jiboie Kwa Wandu Wose

²¹ “Si kula mundu uniwangagha ‘Bwana, Bwana’ uchaangia kwa wuzuri ghwa Mlungu anduangi; ela ni uo ulubonyagha lukundo lwa Aba uko mlungunyi.

MATHAYO 7:21 Referans Kwoze

WAROMA 2:13

Angu si awa wiisikiragha Sharia wiko na hachi imbiri ya Mlungu anduangi, ela ni awa wikatishagha Sharia niwo wichaatalwa kukaia na hachi.

LUKA 6:46

“Kwaki muniwangagha Bwana, Bwana, msebonyagha agho nimghoriagha?

JAKOBO 1:22

Ela mkaie wabonyi wa ijo ilagho, msakekaia wasikiri waduu mkikukalia mmbeni.

LUKA 11:28

Ela uo ukaghamba, “Ela warasimilwa kuchumba awa wijisikiragha ilagho ja Mlungu na kujiwadia.”

TITO 1:16

Waghamba wei wamwichi Mlungu, ela waawuyamkana kwa mabonyo ghawo; ni wandu wizamie, wileghagha, wisefwanagha kwa kazi ingi ndicha.

WAEBRANIA 4:6

Idana kwa kukaia weko wamu wichaangia, na waja werezoeghe kuwusa ijo Ilagho Jiboie walemelo ni kungia angu wileghie kusikira,

JOHANE 6:40

Angu ijo ujikundagha Aba nijo iji: kula mundu ummbonagha Mwana na kurumiria kwake, ukaieghe na irangi ja kala na kala. Na ini nichamrukisha Ituku ja kutua mbai.”

WUFUNUO 3:5

Uo usimagha, ucharushwa nguwo ra chokwa woruwo, nani sichaajivuta irina jake andenyi ya icho chuo cha irangi anduangi; ela nichajirumiria imbiri ya Aba na imbiri ya weke malaika wake.

1 PETRO 4:2

eri kwa irangi jisigharikie, mseduo moyo kwa kunugha bea ra kidamu, ela mnughe lukundo lwa Mlungu.

WAEBRANIA 13:21

ndemkatishe kwa vilambo vose vicha, mpate kubonya lukundo lwake; ukibonya andenyi konyu icho chim'boiagha uo, kwa chia ya Jesu Kristo; kwake uo, ndeghukaie wubaa kwa kala na kala. Amen.

MATHAYO 12:50

Angu uo ose uchaabonya lukundo lwa Aba uko mlungunyi nuo mwanidu wa womi, mwanidu wa waka, na mao.”

WUFUNUO 22:14

Warasimilwa awo wioghoshagha nguwo rawo, eri wipate kukaia na hachi eghughendia ugho mudi ghwa irangi, na kungia mzinyi wikimaria mbengenyi.

JOHANE 3:5

Jesu ukamtumbulia, “Nakughoria loli, ngera mundu usevalo kwa machi na Roho, ndedimagha kungia kwa wuzuri ghwa Mlungu anduangi.

MATHAYO 18:3

ukawizera, “Namghoria loli, ngera mseghalukagha na kuwuya sa wanake watini, jingi ndemchaangia kwa wuzuri ghwa mlungunyi anduangi.

JOHANE 7:17

Mndungi ukakunda kubonya agho ughikundagha Mlungu, uchamanya ngera agho mafundisho nifundishagha gheefuma kwa Mlungu angu ngera ni gha nguma rapo reni.

WAROMA 12:2

Msakekufwananisha mmbeni na wurumwengu ughu, ela mghalulo kwa chia ya akili renyu kubonywa mbishi; mpate kumanya lukundo lwa Mlungu; niki chiboie, chirumirikiagha, na chiko chikatie.

MARKO 3:35

Angu uo ose ulubonyagha lukundo lwa Mlungu, nuo moni mwanidu wa womi, na mwanidu wa waka na mao.”

1 WATHESALONIKE 5:18

funyenyi chawucha kwa maza rose; angu huwo niko Mlungu ukunde konyu inyo muko andenyi ya Kristo Jesu.

WAEFESO 6:6

si ngelo wiko aeni wikimzighanira, sa kukunda kuwiboia wadamu anduangi; ela sa wadumiki wa Kristo, mkibonya lukundo lwa Mlungu kwa ngolo.

1 PETRO 2:15

Angu ni lukundo lwa Mlungu kwa inyo kubonya nicha, muwinyamirishe wandu wakelu wisemanyagha.

MATHAYO 25:21

Bwana wake ukamzera, ‘Mdumiki mucha oho, sena wa loli; korekoghe mloli kwa iro riko ndini, nichakuwika aighu ya iro riko mbaa. Ngia kuboilo andwamweri na bwana wako.’

1 WATHESALONIKE 4:3

Mlungu waawuyakunda wueli ghonyu: kukaia, mkutanye na wulaki.

WAKOLOSAI 4:12

Epafra mumzenyu, nao ni mdumiki wa Kristo Jesu, wamroghua. Wawuyamlombia nandighi ngelo rose, mkaie wandu mzoghue mmangishiro, muichi putu ulo lukundo lose lwa Mlungu.

LUKA 13:25

Iji mundu wa nyumba wawuka na kughurugha mnyango, inyo mchakaia kimusi shighadi na kukongoda mnyango mkighamba, ‘Bwana dirughuye.’ Nao uchamtumbulia, ‘Simmanyire andu mfumagha anduangi.’

MABONYO GHA WADUMI 14:22

Wikiwimangisha awo warumirii, na kuwifungisha ndighi widuo andenyi ya ijo irumirio wikighamba, “Ni suti dighungie Wuzuri ghwa Mlungu kwa chia ya wasi mungi.”

LUKA 18:25

Kwaangue ngamila kuida ilanga ja siziano, kuchumba mundu uko na mali kungia kwa wuzuri ghwa Mlungu.”

MARKO 9:47

Na ngera iriso jako jakukuwisha, jikuo! Ni nicha oho kungie kwa Wuzuri ghwa Mlungu kifondo, kuchumba kukaia na meso awi na kukumbwa jehanamunyi.

MATHAYO 19:24

Sena namzera, kwaangue ngamila kuida ilanga ja siziano, kuchumba mundu uko na mali kungia kwa wuzuri ghwa mlungunyi.”

MATHAYO 18:35

Ni huwo koni Aba uko mlungunyi ndechaamleka inyo, ngera mselekanagha mmbeni na mmbeni kwa ngolo renyu rose.”

JOHANE 15:23

Uo uzamilwagha ni ini, wadazamilwa ni Aba wori.

MATHAYO 26:42

Nao ukaghenda sena indo ja kawi ukalomba, “Aba ikakaia ndeidimikagha ichi kikombe chiniide, lukundo lwako lubonyeke.”

MATHAYO 16:17

Jesu ukaghamba, “Kwarasimilwa oho Simoni mwana wa Jona, angu si mdamu ungi wakutambushira wuloli ughu anduangi, ela ni Aba uko mlungunyi wakufunukuya.

WUFUNUO 2:27

nao ucharibonyera nguma kwa mzata ghwa chuma, na kuribara seji kuwonagha nyungu ra wongo rikibarwa; nichamneka ndighi iro seji koni ini moni nerepatireghe kufuma kwa Aba,

JOHANE 14:7

Ikakaia muniichi, wokoni na Aba mwamwichi. Kufuma idana mwammanya, sena mwameria kummbona.”

JOHANE 5:17

Jesu ukawizera, “Aba wadabonya kazi matuku ghose, kwa huwu na ini suti nibonye kazi.”

MATHAYO 26:39

Nao ukaghenda imbiri katini, ukaghwa kiwushu-wushu ukalomba, “Aba ngera kudimika kikombe ichi cha wasi ndechiniide; ela isekaie seji nikundagha ini, ela ikaie seji kukundagha oho.”

MATHAYO 18:10

“Mkulindie msemmenye ungi wa awa watini; angu namghoria, weke malaika wawo aho mlungunyi ngelo rose wadaghuzighana wushu ghwa Aba uko mlungunyi. [

MATHAYO 18:19

Sena namghoria inyo, ngera wawi wenyu wapatana ndoenyi kulomba ilagho jingi, Aba wa mlungunyi uchawibonyera ilagho ijo.

MATHAYO 25:10

Ela iji werefumieghe kwendaghua, uja bwana arusi ukacha, na waja werekoghe tayari wikangianya nao cha karamunyi ya arusi, mnyango ghukarughwa.