MATHAYO 7:2 - Biblia Ilagho Jiboie Kwa Wandu Wose

² angu sa iji koni muwitanyagha wazima, nikokoni na inyo mchaatanywa ni Mlungu; na icho kipimo mpimiagha nacho wambenyu, nicho cheni chichaatumilwa kumpimia inyo.

MATHAYO 7:2 Referans Kwoze

JAKOBO 2:13

Angu kutanya ndekuwadie wughoma, kwa uo usene wughoma; ela sena, wughoma ghwasima kutanya.

MARKO 4:24

Nao ukawizera, “Sikirienyi nicha agha: chija kipimo mpimiagha nacho wambenyu, nicho cheni mchaapimilwa ni Mlungu, sena mchachurilwa.

LUKA 6:38

nekenyi wandu, nenyo mchanekwa kipimo kicha, chichandirilo na kusughuswa, hata chidike-dike; niko wichaamneka huwo. Angu kipimo mpimagha, nicho cheni mchaapimilwa.”

OBADIA 1:15

“Ituku jalighisa ja ini BWANA kutanya mbari rose. Oho Edomu, kuchabonyerwa agho korebonyereghe. Kuchalipwa agheni kubonyere.

WUFUNUO 18:6

M'bonyerenyi sa iji koni uo orebonyereghe, na kumlipa mando awi kwa wundu ghwa mabonyo ghake; mranganyirenyi ngwaro yake, irudie mando awi, kuchumba seji orebonyereghe.

2 WAKORINTHO 9:6

Ilagho ni iji: uhu uwagha kwa wutini uchakuwida kwa wutini; na uhu uwagha kwa wungi, uchakuwida kwa wungi.

WATANYI 1:7

Adonibezeki ukaghamba, “Wazuri mirongo mfungade widumbulo vala vawo va maghosi na mano ghawo gha maghosi, werekoghe wikishoa makombo aisi ya meza yapo. Mlungu wanibonyera sa iji koni nerebonyereghe.” Nao wikamreda Jerusalemu, ukafuya aho.

JEREMIA 51:24

BWANA waghamba, “Nichamlipa Babuloni na wandu waro ugho wuwiwi ghose wereghubonyereghe Jerusalemu imbiri ya meso ghako.

1 SAMUELI 15:33

Samueli ukaghamba, “Sa iji koni lufu lwako loreshekerieghe waka wengi kusowekelwa ni wana wawo, huwo koni mayo uchakusowa aghadi ya waka wambao.” Nao Samueli ukamdema Agagi vipande-vipande madhabahunyi imbiri ya BWANA aho Gilgali.

ZABURI 109:17

Orekundeghe kuwasira njowe; ndewado ni njowe moni! Nderekundeghe kurasimia; mndungi usemrasimie!

ISAYA 33:1

Ni bugha kwako oho kunonagha kusenonelo; oho kukaliagha, kusekalilo. Kukameria kunona, kuchanonwa. Kukameria kukalia, kuchakalilwa.

JEREMIA 34:17

Kwa huwo ini BWANA naghora huwu, Mwalemelo ni kunisikira muereshe wuhuru kula mundu kwa mruna na kwa mmbao; olenyi ini namueresha wuhuru ghobwaghwa wudenyi na ghowadwa ni saka izamie, na ghwa njala. Nichabonya mbari rose ra ndoenyi rimshinikie.

MATHAYO 6:14

“Angu mkawilekia wandu makosa ghawo, na Ndeyo onyu uko mlungunyi uchamlekia inyo wori.

KUFUMA 21:24

iriso kwa iriso, ighegho kwa ighegho; mkonu kwa mkonu, kughu kwa kughu;

WATANYI 5:27

Ukaturukia, ukaghwa, ukazimia maghunyi kwake; ukatima kuwuka kwa maghu ghake, ukaghwa; na andu oreghueghe, ukafuya ahoeni.

2 SAMUELI 21:5

Nao Wagibeoni wikamzera mzuri, “U mundu udibwaghie na kudibonyera mpango ghoditotesha, eri disekaie na wulalo ghungi andenyi ya isanga ja Israeli,