MATHAYO 7:15 - Biblia Ilagho Jiboie Kwa Wandu Wose

¹⁵ “Mkulindie na walodi wa tee. Awo wadacha wikiwoneka sa ng'ondi, ela kondenyi kwawo weeka sa vikwau vibirie.

MATHAYO 7:15 Referans Kwoze

1 JOHANE 4:1

Wakundwa, msakeirumiria kula Roho, ela muritime-time iro roho, mpate kuwona ngera ni ra Mlungu; angu walodi wa tee wengi wafumirikie, na kuwoneka wurumwengunyi.

MATHAYO 24:11

Wichawuka walodi wa tee wengi, nawo wichawilaghasha wandu wengi.

WAKOLOSAI 2:8

Manyenyi mndungi usakemlaghasha kwa mafundisho na makalio ghake gha duu, kwa kunugha mizango ya wandu, na mafundisho gha pepo, ghiseko gha Kristo anduangi.

WUFUNUO 19:20

Iyo nyamandu ikawadwa chiaimweri na uja mlodi wa tee, uo orebonyereghe weke mwakilimbiti imbiri ya iyo nyamandu; kwa awo, orewikalieghe awo wandu werepatireghe ija alama ya iyo nyamandu, na awo wereghutasireghe ugho mlimu ghwake. Awa wawi, werekumbiloghe wimoo andenyi ya ndiwa ya modo ghuakagha kwa kibiriti.

JUDA 1:4

Angu weko wandu wamu wikungirie kwa kiviso, nawo ni wandu werewikiloghe kokala kwa wundu ghwa kutanywa uku; wandu wisene kuobua kwa Mlungu, awo wighughaluagha ugho mvono ghwa Mlungu odu kukaia wuwiwi, na kumkana uo uko Mzuri ueka, na Bwana odu Jesu Kristo.

MIKA 3:11

Wabaa wa muzi wiatanya kwa kuhongwa; wakohani waro wiafundisha sharia kwa malipo; walodi waro wiafunya mawono wipate pesa; na ichia wiaghamba wei BWANA oko chiaimweri nawo wikighamba, “Ndediwonagha ilagho jingi, BWANA oko andwamweri nesi.”

2 PETRO 3:17

Kwa huwo inyo wakundwa, mkimanya maza iri kiimbiri, mkulindie msechelaghashwa ni ijo ikosa ja wandu wileghagha, mchelaghalwa ni uko kumanga konyu.

LUKA 6:26

Ni bugha konyu iji wandu wamkuma angu niko koni weke wawa wawo werebonyereghe kwa walodi wa tee.

2 TIMOTHEO 3:13

ingelo wawiwi na wandu wa kisha wichaachuria kubonya mawiwi kuchumba; wikikalia wandu nawo weni wikikalilwa.

2 TIMOTHEO 4:3

Angu matuku ghichacha ngelo wandu wisechaaghirumiria mafundisho gha loli, ela wikikaia wikunde kusikira malagho kunughana na bea rawo reni, wichakukwanyira weni walimu, awo wichaawineka mafundisho agho wighikunde;

WAFILIPI 3:2

Mkulindie na iro koshi, mkulindie na awo wibonyagha kiwiwi, mkulindie na awo wikudemaa-dema weni.

WAEFESO 4:14

eri diseduo wanake wekumbwa-kumbwa ii chia na ii chia, na kudukwa ni kula mbeo ya mafundisho kwa mikalo ya wandu, na kwa wuya ghwawo ghwa tee.

WAGALATIA 2:4

Ela kwa wundu ghwa awo wanidu wa tee werengiriloghe andenyi kwa kiviso, awo werengirieghe kuzighana wuhuru ghodu diko nagho kwa Kristo Jesu, eri widingire wuzumbenyi;

LUKA 12:15

Nao ukawizera, “Manyenyi mkulindie na iriso, angu irangi ja mundu ndejiko andenyi ya ugho wungi ghwa mali uko naro anduangi.”

EZEKIELI 22:27

Wabaa wa ugho muzi weeka sa vikwau virashuagha madiwo ghawo; wibwaghagha, na kutotesha wandu, eri wipate fwaida isefwane.

WUFUNUO 16:13

Nani ngawona roho idadu ra makakala riko sa vichula rikifuma momunyi kwa iyo choka, na momunyi kwa iyo nyamandu, na momunyi kwa uo mlodi wa tee.

WAEFESO 5:6

Msakekalilwa ni mndungi kwa madedo maduu, angu kwa wundu ghwa maza iri, machu gha Mlungu ghawichea awo wisesikiragha.

MABONYO GHA WADUMI 13:40

Kwa huwo mkulindie msechechelwa ni jija ilagho jighorelo ni walodi:

JOHANE 10:12

Mundu wa mafungu, nao si mlisha ungi, na ng'ondi riseko mali yake, iji wawona kikwau chikicha wadakimbia na kurisigha ng'ondi. Na kikwau chadariwada ng'ondi na kurisaghisa.

MATHAYO 16:11

Kwaki msetambukilwagha angu siwueghora maza ra mikate? Mkulindie na chachu ya Mafarisayo na Masadukayo.”

MATHAYO 16:6

Jesu ukawizera, “Manyenyi mkulindie na chachu ya Mafarisayo na ya Masadukayo!”

MATHAYO 10:17

Mkulindie na wadamu, angu wichamghenja mandunyi nawo wichamkaba na viboko andenyi ya sunagogi rawo.

ZEKARIA 13:4

Ngelo iyo ikavika, kula mlodi uchafushwa waya ni mawono ghake. Ndechaarwa ikoti ja mafuri, eri ukalie wandu,

EZEKIELI 22:25

Wabaa wa isanga jawo weeka sa shimba irurumagha ikirashua madiwo ghake; wabwaghie wandu na kuwusa mali na vilambo vawo va zoghori mbaa, na kusigha waka wifuilo ni womi wengi isangenyi jawo.

EZEKIELI 13:22

Kwa kukaia mwam'bwaghie ngolo mhachi kwa tee renyu, ini nisem'bwaghie ngolo; na kumkumba ngolo mmbiwi useghaluke na kughusigha wuwiwi ghwake ukire irangi jake.

EZEKIELI 13:16

Awo walodi wa Israeli werefunyagha wulodi aighu ya Jerusalemu, na kuwona mawono gha sere kwa wundu ghwaro, ingelo sere ingi iseko, ndewiko. Ini Bwana MLUNGU naghamba.

JEREMIA 29:32

nichamkaba Shemaia Mnehelami na kivalwa chake chose; ndechaakaia na mndungi odua moyo aghadi ya awa wandu, na kuwona iro maza ndicha nichaawibonyera wandu wapo, kwa kukaia wadeda malagho ghewibonya winileghe.’”

JEREMIA 29:21

“BWANA wa majeshi, uo Mlungu wa Israeli waghamba huwu aighu ya Ahabu mwana wa Kolaia na Zedekia mwana wa Maaseia, awo wawuyamfunyira wulodi ghwa tee kwa irina jake: ‘Ola nichawingira mikonunyi kwa Nebukadnezari, mzuri wa Babuloni, nao uchawibwagha imbiri konyu.

WUFUNUO 17:6

Nani neremmbonieghe uo muka uwongerelo ni bagha ya waeli, na ya wandu werebwaghiloghe kwa wundu ghwa kumshuhudia Jesu. Hata iji neremmbonieghe, ngashinika na ndighi.

MABONYO GHA WADUMI 13:6

Iji waida kisiwa chose hata kuvika Pafo, wikamkua msawi umu aho Myahudi, mlodi wa tee uwangwagha Bar-Jesu.

1 WAZURI 13:18

Niko uja mlodi wa kala ufumie Betheli ukamzera “Ini wori ne mlodi sa oho; malaika wadedanya nani kwa ilagho ja BWANA ukinizera nikudo nyumbenyi kwapo kuje vindo.” Ela odemkalia.

DANIELI 11:34

Ingelo wibwaghwagha, wichakaia wikipata wutesia mtini; na wengi wichawinugha ighu-ighu tu.

MATHAYO 7:14

Ela mnyango ni msuse, na chia eghenda iranginyi ni ya wasi; nayo ni wandu watini wiiwonagha iyo chia.

WUFUNUO 20:10

Na uo Ibilisi orewikalieghe, orekumbiloghe andenyi ya ndiwa ya modo ghwa kibiriti andu ija nyamandu na uo mlodi wa tee werekoghe; nawo wichatirirwa kio na dime kwa kala na kala.