MATHAYO 6:5 - Biblia Ilagho Jiboie Kwa Wandu Wose

⁵ “Idana iji mwakalomba, msakebonya sa awo waji-kuwi; angu awo wadakunda kulomba wikikaia kimusi sunagoginyi, na matanonyi gha chia wipate kuwonwa ni wandu. Namghoria loli, wameria kupata mafungu ghawo.

MATHAYO 6:5 Referans Kwoze

MATHAYO 6:2

Idana iji kwakafunya makuwio ghangi, kusakekuwonyera kumoni seji awo waji-kuwi wibonyagha sunagoginyi rawo, na chienyi; wikikunda kukaswa ni wandu. Namghoria loli, wameria kupata mafungu ghawo.

LUKA 18:13

Ela uja mmbwadi wushuru ukakaia kula koni, nao nderekundieghe hata kuwusira meso ghake cha mlungunyi, ela ukakukaba-kaba moni laghenyi kwake ukighamba, ‘Ee Mlungu, kunifue wughoma ini mundu wa kaung'a.’”

MARKO 11:25

Nenyo iji mwakaia kimusi mkilomba, fuenyi wughoma ikakaia mkosane ilagho jingi na mndungi, niko na Ndeyo onyu uko mlungunyi uchamleka inyo makosa ghenyu. [

JEREMIA 29:12

Niko aho mchaniwanga, mchacha na kunilomba; nani nichasikira.

ISAYA 1:15

Mkaghorua mikonu yenyu kunilomba, sichaamzighana; hata mkalomba malombi mengi, sichaaghisikira anduangi; kwa kukaia mikonu yenyu eechua bagha.

LUKA 20:47

nawo wawija waka wakiwa, na ichia wialomba malombi mengi gha mikalo. Awo wichapata kutanywa kubaa.”

JAKOBO 4:6

Ela wanekagha mvono ghuchumbie, kwa huwu Maandiko ghaghamba, “Mlungu wawitangala wang'eti, ela wawineka mvono awo wikuseragha.”

LUKA 18:1

Niko Jesu ukawighoria wanughi wake mfwano ughu ghuwonyeragha kukaia yawifwana kufunga ndighi kulomba Mlungu, hata wisefo ngolo.

DANIELI 6:10

Nao iji Danieli wamanya kukaia ija sharia yameria kungirwa sahihi, ukaghenda nyumbenyi kwake ukajoka gorofenyi ukarughua madirisha ghake kulangaya cha Jerusalemu, ukadunga ngokoro mando adadu kwa ituku, ukalomba na kufunya chawucha kwa Mlungu wake sa iji koni orekoghe ukibonya.

WAEFESO 6:18

Lombenyi kwa Roho tuli tuli; kwa kulomba na kuvoya kose, mkicheresha aighu ya agho kwa kurumaghia kose, na kuvoya kwa wundu ghwa waeli wose.

LUKA 11:43

Ni bugha konyu inyo Mafarisayo, angu mwakunda vifumbi va ishima andenyi ya sunagogi, na kurogholwa sokonyi.

MATHAYO 21:22

Na ijo jose mlombagha, ngera mwakaia na irumirio mchajipata.”

ZABURI 55:17

Nadamlalamikia BWANA ngilila, nakenyi na nakesho na dimeghadi, nao wadanisikira.

ZABURI 5:2

Sikira lwaka lwa kililo chapo, ee Mzuri wapo, na Mlungu wapo; angu ni oho nawuyakulomba.

1 WATHESALONIKE 5:17

lombenyi tulituli,

JOHANE 16:24

Jingi ndemlombie kilambo chingi kwa irina japo. Lombenyi, nenyo mchapata; kuboilwa konyu kukate.

MARKO 12:38

Nao Jesu ukifundisha, ukaghamba, “Manyenyi walimu wa Sharia, awa wikundagha kusela na nguwo ndacha, na kurogholwa masokonyi,

MATHAYO 9:38

Mlombenyi Bwana wa mvono uwidume wabonyi kazi kwa mvono ghwake.”

MATHAYO 23:13

“Ni bugha konyu inyo walimu wa Sharia na Mafarisayo, waji-kuwi! Angu mwaghurugha mnyango ghwa Wuzuri ghwa mlungunyi; inyo mmbeni ndemngiagha, na awo wikundagha kungia mwawighiria. [

MAKATANISHO 16:5

BWANA wadazamilwa ni kula mundu ukujosagha moni; kwa loli ndechaasowa ikabo.

MATHAYO 23:6

wakunda malalo gha ishima karamunyi, na vifumbi va imbiri sunagoginyi,

MAKATANISHO 15:8

Vizongona va mmbiwi vadamzamia BWANA, ela ilombi ja mundu mucha jadam'boia.

MATHAYO 6:16

“Na inyo iji mwakafunga tumu, msakekaia na mawushu gha wasi sa awo waji-kuwi. Angu awo wadakucha mawushu ghawo kwa wasi wipate kuwonwa ni wandu seji wafunga. Namghoria loli, wameria kupata mafungu ghawo.

MATHAYO 6:1

“Mkulindie msakebonya wudumiki ghonyu mucha imbiri ya wandu mkikunda wimmbone; angu aho ndemchaapata mafungu ghangi kwa Ndeyo onyu uko mlungunyi anduangi.

MATHAYO 23:5

Mabonyo ghawo ghose wadabonya wikikunda kuwonwa ni wandu, angu waghibonya mafindikio ghawo na hemu ra nguwo rawo rikaie mbaa;

LUKA 6:24

Ela ni bugha konyu inyo muko na mali, angu mwameria kupata wuhoreshi ghonyu.