MATHAYO 6:20 - Biblia Ilagho Jiboie Kwa Wandu Wose

²⁰ ela mkuwikie inyo mmbeni mali mlungunyi, andu soya na ngama risenonagha, na andu vitoi visebaragha na kuiwa anduangi.

MATHAYO 6:20 Referans Kwoze

LUKA 12:33

Uzenyi ivo muko navo, mfunye makuwio, mkubonyere mmbeni vikuchu viserashukagha, mkuwikie mali mlungunyi andu risechaasia jingi, na vitoi viseiwagha, hata soya ingi isenonagha anduangi.

MATHAYO 19:21

Jesu ukamzera, “Iji kukunde kukaie kukatie putu, kughende kuuze mali rako rose, kuwineke wakiwa, na oho kuchakaia na mali mlungunyi, sena kuche kuninughe.”

JAKOBO 2:5

Sikirienyi wanidu nimkunde: Welee, Mlungu nderewisaghueghe awo wiko wakiwa wa wurumwengu wipate kukaia Wazuri wa irumirio, na wandu wepata ifwa ja Wuzuri, ugho Mlungu uwilaghirie awo wimkundagha anguwada?

1 TIMOTHEO 6:19

Kwa chia ihi wichakubonyera weni msingi ghuboie ghwa ngelo richagha, eri wikupatire irangi ijo jiko irangi loli.

LUKA 18:22

Jesu uendasikira agho ukamzera, “Kwasighwa ilagho jimweri; uza vose kuko navo kuwiwaghie wakiwa, na oho kuchakaia na mali mlungunyi, sena kuche kuninughe.”

WUFUNUO 2:9

Naghumanya wasi ghwako, na wukiwa ghwako, (ela ko mzuri wa mali) na seji kughorelo kwa wuwiwi ni wandu awo wikuwangagha weni Wayahudi, nawo wiseko Wayahudi wangi; ela ni wandu wa sunagogi ya Shetani.

WAEBRANIA 11:26

Ukawona angu kusholelwa kwa wundu ghwa Kristo, ni mali mbaa kuchumba mali rose ra Misri; angu orekoghe ukisuwiria mafungu ghichagha.

1 TIMOTHEO 6:17

Kuwilaghire awo wandu wiko na mali andenyi ya wurumwengu ughu wisakekukasa, hata wisakewika isuwirio jawo kwa mali riidagha, ela wijiwike kwa Mlungu, uo udinekagha vindo vose kwa wungi dipate kuboilwanya navo.

1 PETRO 1:4

na kupata ifwa jisenonekagha, jiselushiro, jisesiagha, jiwikilo mlungunyi kwa wundu ghonyu

1 PETRO 5:4

Na iji Mlisha M'baa wa ng'ondi wawoneka, mchapata kirumbu cha wubaa chisesiagha anduangi.

ISAYA 33:6

BWANA uchakaia kumanga konyu ngelo renyu rose; uchakaia kukia konyu kwa wungi, hikima na kumanya; mali renyu richakaia ni uko kumuobua BWANA.

WAEBRANIA 10:34

Angu morekoghe na wughoma na wafungwa, mkarumiria kusokwa mali renyu kwa kuboilwa; kwa kukaia inyo mmbeni moremanyireghe angu moko na mali riboie kuchumba, riduagha.

MATHAYO 6:19

“Msakekuwikia mali aha ndoenyi, andu soya na ngama rinonagha, na andu vitoi vibaragha na kuiwa;

MARKO 10:21

Nao Jesu ukamzighana kwa lukundo, ukamzera, “Ola kwasowa wundu ghumweri: ghenda kuuze ivo vose kuko navo, kuwineke wakiwa, na oho kuchakaia na mali mlungunyi; konyuma kuche kuninughe.”