MATHAYO 6:19 - Biblia Ilagho Jiboie Kwa Wandu Wose

¹⁹ “Msakekuwikia mali aha ndoenyi, andu soya na ngama rinonagha, na andu vitoi vibaragha na kuiwa;

MATHAYO 6:19 Referans Kwoze

WAEBRANIA 13:5

Msakekaia na irangi jelaka na pesa, ela mkato ni ivo veni muko navo; angu Mlungu waghambie, “Na jingi sichaakusowia, hata kukusigha anduangi.”

LUKA 12:21

Ni huwo koni kwa uo ukuwikiagha moni mali, useko na mali ingi kwa Mlungu anduangi.”

MAKATANISHO 16:16

Kupata hikima kwaboie, kwachumba dhahabu, na kutambukilwa kuchumba feza.

MAKATANISHO 11:4

Mali nderine fwaida ngelo ekabwa ni Mlungu, ela hachi yakiragha mundu na kifwa.

LUKA 18:22

Jesu uendasikira agho ukamzera, “Kwasighwa ilagho jimweri; uza vose kuko navo kuwiwaghie wakiwa, na oho kuchakaia na mali mlungunyi, sena kuche kuninughe.”

1 TIMOTHEO 6:17

Kuwilaghire awo wandu wiko na mali andenyi ya wurumwengu ughu wisakekukasa, hata wisakewika isuwirio jawo kwa mali riidagha, ela wijiwike kwa Mlungu, uo udinekagha vindo vose kwa wungi dipate kuboilwanya navo.

LUKA 12:33

Uzenyi ivo muko navo, mfunye makuwio, mkubonyere mmbeni vikuchu viserashukagha, mkuwikie mali mlungunyi andu risechaasia jingi, na vitoi viseiwagha, hata soya ingi isenonagha anduangi.

ZEFANIA 1:18

Ituku ijo, BWANA uchawonyera lubio lwake; feza na dhahabu rawo nderichaadima kuwikira. Ndoenyi kose kuchamerelwa ni modo ghwa machu ghake. Uchameria kula kilambo ghafla; uchameria kula umu ukaiagha ndoenyi.

LUKA 18:24

Nao iji Jesu wammbona seji wakaia na wasi, ukaghamba, “Kwakurie saki kwa wandu wiko na mali kungia kwa wuzuri ghwa Mlungu.

ZABURI 62:10

Mserumirie chia etumia ndighi, angu kukaia na isuwirio kwa chia esoka; mali rikachurikia msakerisuwiria.

ZABURI 39:6

Mdamu wadamara-mara sa kirerendi ukikuemeka duu. Wadatumbanya mali, usemanyagha nani uchaariwusa.

MATHAYO 19:21

Jesu ukamzera, “Iji kukunde kukaie kukatie putu, kughende kuuze mali rako rose, kuwineke wakiwa, na oho kuchakaia na mali mlungunyi, sena kuche kuninughe.”

AYUBU 31:24

“Jingi siwikie irumirio japo kwa mali, hata kukusaghika na dhahabu ielie.

MCHILI 2:26

Mundu ukam'boia Mlungu, uchamneka hikima na kumanya, na kuboilwa. Ela Mlungu wadamneka mkaung'a kazi ekwanya na kutumbanya, upate kumneka uo mundu um'boiagha. Iro naro ni maza ra duu, ni sa kulwa na mbeo.

KUFUMA 22:2

Kitoi chikawadwa nakio chikibara nyumba, nao chikabo hata chifo, bagha yake ndeichakotelwa kwa mndungi

AYUBU 24:16

Vitoi vadabara nyumba nakio; nadime wadaghukimbia mwengere na kukuvisa nyumbenyi.

MATHAYO 6:20

ela mkuwikie inyo mmbeni mali mlungunyi, andu soya na ngama risenonagha, na andu vitoi visebaragha na kuiwa anduangi.

LUKA 12:39

Ela manyenyi ngera mundu wa nyumba odemanya ni saa iao uchaachelwa ni vitoi, kumangu nderedimagha kuisigha nyumba yake ibaro anduangi.