MATHAYO 6:16 - Biblia Ilagho Jiboie Kwa Wandu Wose

¹⁶ “Na inyo iji mwakafunga tumu, msakekaia na mawushu gha wasi sa awo waji-kuwi. Angu awo wadakucha mawushu ghawo kwa wasi wipate kuwonwa ni wandu seji wafunga. Namghoria loli, wameria kupata mafungu ghawo.

MATHAYO 6:16 Referans Kwoze

NEHEMIA 1:4

Niendasikira malagho agho, ngasea kidombo na kulila. Nerelilieghe na kufunga tumu kwa matuku mengi, ngilomba Mlungu ngighamba,

DANIELI 9:3

Niko ngamghalukia BWANA Mlungu na kumlomba kwa kufunga ndighi; ngimlomba na kuvoya kwa kufunga tumu na kurwa nguwo ra magunia, na kusea kidombo ivunyi.

LUKA 18:12

Nadafunga tumu mando awi kwa njumwa, nadafunya ifungu ja ikumi ja mapato ghapo ghose.’

MARKO 2:18

Ngelo imu, wanughi wa Johane na Mafarisayo werekoghe wikifunga tumu. Wandu wamu wikacha, wikamkotia Jesu, “Welee, kwaki wanughi wa Johane na wa Mafarisayo wifungagha tumu, ela wanughi wako ndewifungagha anduangi?”

ZABURI 69:10

Iji nerelilieghe ngifunga tumu, neresholeloghe ni wandu.

ZABURI 35:13

Ela iji awo werekoghe wakongo, nererwaeghe nguwo ya igunia kwa wasi; ngakughoghomesha nimoni kwa kufunga tumu, ngilomba Mlungu kwa kughoghomesha chongo chapo laghenyi kwapo.

MABONYO GHA WADUMI 14:23

Hata wimeria kuwisaghuya waghosi kula ikanisa, wikilomba na kufunga tumu, wikawiwika kwa Bwana uo weremrumirieghe.

MATHAYO 6:5

“Idana iji mwakalomba, msakebonya sa awo waji-kuwi; angu awo wadakunda kulomba wikikaia kimusi sunagoginyi, na matanonyi gha chia wipate kuwonwa ni wandu. Namghoria loli, wameria kupata mafungu ghawo.

MATHAYO 6:2

Idana iji kwakafunya makuwio ghangi, kusakekuwonyera kumoni seji awo waji-kuwi wibonyagha sunagoginyi rawo, na chienyi; wikikunda kukaswa ni wandu. Namghoria loli, wameria kupata mafungu ghawo.

ESTA 4:16

“Ghenda kuwikwanye Wayahudi wose wiko Susa, wikufunye kufunga tumu na kulomba kwa wundu ghwapo, mseje hata kunywa kindo chingi kwa matuku adadu na vio varo. Wai wapo wa kazi chiaimweri nani dichabonya wokoni. Konyuma nichaghenda kwa mzuri hata ngera sharia yaleghie. Ikakaia ni kufwa, nifo.”

2 SAMUELI 12:16

Daudi ukakaia ukimvoya Mlungu kwa wundu ghwa uja mwana; ukangia chumbenyi, ukakaia ukilala andonyi na kufunga tumu kula kio.

ZABURI 109:24

Vitemberu vapo viateweleka kwa kufunga tumu; neesighwa maindi maduu.

1 WAZURI 21:27

Ahabu uendasikira malagho agho, ukarashua nguwo rake na kurwa nguwo ra magunia; ukafunga tumu na kulala magunienyi ukikusera nandighi.

2 WAKORINTHO 11:27

Nabonyere kazi kwa wasi, ngisowa dilo nakio mando malazi, kwa njala na kau, ngifunga tumu kalazi koni, kwa mbeo na zuna.

1 WAKORINTHO 7:5

Msakeimana mmbeni na mmbeni, isaakaia ngera moorumiriana kubonya huwo kwa ngelo; eri mpate wulalo ghokufunya kwa kulomba Mlungu, nyuma yaro mmburiane sena; Shetani usechepata wulalo ghomtima kwa kusowa kukumazira.

LUKA 2:37

Orekoghe na miaka mirongo wunyanya na inya, ukikaia muka ufulo ni mumi wake; nao orekoghe usefumagha Hekalunyi, ukitasa na kufunga tumu, na kulomba Mlungu kio na dime.

MALAKI 3:14

Inyo mwaghambie, ‘Ni duu kumdumikia BWANA. Eko fwaidaki ewadia malaghiro ghake na kughenda dikihea imbiri kwake kwa agho dighibonyere?

2 SAMUELI 12:21

Wabaa wake wikamzera, “Ni ilaghoki iji kwabonya? Iji mwana orekoghe mkongo, korefungieghe tumu kukimlilia, ela mwana uendafwa, kwawuka kukaja vindo.”

2 WAKORINTHO 6:5

kukabwa, kungirwa kifungonyi, kuzomelwa imbiri ya wandu; kudukishirwa kazi rilemere, dikicheresha na kukaia disejagha.

MABONYO GHA WADUMI 10:30

Nao Kornelio ukaghamba, “Nerekoghe ngilomba Mlungu saa ikenda ra dime nyumbenyi kwapo; kufuma iyo ngelo, idime ni ituku ja kana. Ngammbona mundu uko kimusi imbiri kwapo, urwae nguwo ring'alaa-ng'ala.

MATHAYO 6:1

“Mkulindie msakebonya wudumiki ghonyu mucha imbiri ya wandu mkikunda wimmbone; angu aho ndemchaapata mafungu ghangi kwa Ndeyo onyu uko mlungunyi anduangi.