MATHAYO 6:13 - Biblia Ilagho Jiboie Kwa Wandu Wose

¹³ Kusakedikumba matimonyi, Ela kudikire na uja Mmbiwi.’

MATHAYO 6:13 Referans Kwoze

1 WAKORINTHO 10:13

Ndekuwadie itimo jingi jimpatire, iseeka ni ijo jeni jiwipatagha wandu wose. Mlungu ni mloli, nao ndechaamsigha mtimo kuchumba ndighi renyu; ela chiaimweri na jija itimo, uchaboisa chia ejifuma, eri mdime kujirumaghia.

JOHANE 17:15

Silombagha kuwifunye wurumwengunyi, ela nalomba kuwilindie na uja Mmbiwi.

MATHAYO 26:41

Chereshenyi mlombe msengie mtimonyi, ija roho loli yakunde, ela mumbi ghwakaia mnyonge.”

WUFUNUO 19:1

Nyuma ya agha, neresikireghe seji ni izungu ibaa ja wandu widedagha kwa lwaka lubaa mlungunyi jikighamba, “Haleluya! Kukia, na wubaa, na kudima, ni kwa Mlungu odu;

2 WATHESALONIKE 3:3

Ela Bwana ni mloli, nao uchamneka ndighi na kumlindia na uja Mmbiwi.

MATHAYO 6:10

Wuzuri ghwako ghuche, Lukundo lwako lubonyeke, ndoenyi sa iji luko mlungunyi.

JEREMIA 15:21

Nichakukira kufuma mikonunyi ya wandu wawiwi, na kukukombua kufuma kwa wakorongi.”

2 PETRO 2:9

Kwa huwo, Bwana waichi kuwivuvua na matimo awo wimuobuagha Mlungu, na kuwiwika wakosi wifungie hata Ituku ja Kutanywa;

1 WATHESALONIKE 1:10

na kummbesera Mwana wake kufuma mlungunyi uo oremrukishireghe kufuma kwa wafu; uo Jesu udikiragha na agho machu gha Mlungu ghichagha.

ZABURI 47:7

Mlungu ni mzuri wa ndoenyi kose, m'borienyi makaso kwa Zaburi.

1 MALAGHO GHA NGELO 29:11

Oho koko m'baa na wa ndighi, wa wubaa kukumikie wa kiwuzuri.

WUFUNUO 21:4

Uchawiaghia mbori rose mesonyi kwawo, na kifwa chingi ndechichaakaia sena anduangi, hata wasi, hata kukema, hata kuwawa kungi; angu maza ra imbiri rameria kuida.”

ZABURI 10:16

BWANA ni mzuri kwa kala na kala, watasi milimu wichatota isangenyi kwake.

WUFUNUO 3:10

Kwa kukaia kwajiwadie ijo ilagho ja kurumaghia luma kwapo, nani nichakulindia ngelo iyo ighucheagha wurumwengu ghose kuwitima awo wikaiagha ndoenyi.

1 JOHANE 3:8

Mundu ubonyagha kaung'a ni wa Ibilisi, angu Ibilisi wadabonya kaung'a kufuma kuzoya. Kwa wundu ugho, Mwana wa Mlungu orewonekieghe worinyi, upate kurinona kazi ra Ibilisi.

1 PETRO 5:8

Kaienyi na akili mchereshe. M'maiza onyu, uo Ibilisi, waawuyamara-mara sa shimba irurumagha ikimlola mndungi ipate kumja.

ZABURI 41:13

BWANA uo Mlungu wa Israeli ndekaso, kwa kala hata kwa kala. Amen! Amen!

1 MALAGHO GHA NGELO 16:36

BWANA, uo Mlungu wa Israeli ndekaso! Ndekaso kwa kala na kala! Niko wandu wose wikaghamba, “Amen!” nawo wikamkasa BWANA.

1 MALAGHO GHA NGELO 4:10

Jabeshi ukammbanga Mlungu wa Israeli ukighamba, “Nirasimie kunichurie isanga; nifungishe ndighi, na kunilindia nisepato ni ilagho jingi jizamie.” Mlungu ukamneka icho orelombieghe.

WUKUMBUSO 8:16

Wamnekie mana kireti; vindo viserejiloghe ni weke ndeyo. Ukamfundisha kwa maza rikatie, ukamtima eri upate kum'bonyera mecha kutuonyi.

KUFUMA 15:18

BWANA uchabonya nguma kwa kala na kala.”

KUZOYA 22:1

Nao nyuma ya maza iro, Mlungu ukamtima Abrahamu ukaghamba, “Abrahamu!” Nao ukadika, “Neko aha.”

WAGALATIA 1:4

uo orekufunyireghe moni kwa wundu ghwa kaung'a redu, upate kudikira na ngelo rizamie ra matuku agha, karakara na lukundo lwa Mlungu Aba odu;

2 WAKORINTHO 1:20

Angu malaghiro ghose gha Mlungu gheeka na “Hee” andenyi kwake. Kwa wundu ughu, niko isi dighoragha Amen kwa irina ja Jesu Kristo, kwa wubaa ghwa Mlungu.

ZABURI 47:2

Angu BWANA, Uo-Uko-Aighu-Nandighi ni wa kuobolwa; ni mzuri m'baa ndoenyi kose.

MITALO 5:22

Machi agha ghereda njowe, ndeghingie kifunyi kwako, na kughuvimbisha mumbi ghwako, na via vako veva vizame!’ Niko uo muka ucharumiria ‘Amen, Amen.’

WUFUNUO 2:10

Kusakeobua agho matiriro ghichaakuchea. Olenyi wamu wenyu mwalighisa kungirwa kifungonyi ni Ibilisi, upate kumtima; nenyo mchatirirwa matuku ikumi. Kukaie mloli hata kufwa, nani nichakuneka kirumbu cha irangi.

WUFUNUO 1:18

uo uko moyo. Nerefueghe, nani hoku neko moyo kwa kala na kala; nani nawadie mifunguo ya kifwa na Andu kwa Wafu.

MATHAYO 5:37

Ela kukaghora ‘Ee’ angu ‘Hata,’ ikaie wokoni. Angu ijo jose jichumbagha agho jadafuma kwa uja Mmbiwi.

DANIELI 4:25

Kuchawingwa kufuma kwa wadamu, na oho kuchakaianya na nyamandu ra isakenyi; kuchaja nyasi sa ng'ombe, na oho kuchakabwa ni mami kwa mishushure ifumagha mlungunyi. Miaka mfungade ichaida, hata kwamanya kukaia Uo Uko Aighu na Ndighi wabonyagha nguma aighu ya mawuzuri gha wadamu, nao wadamneka uo ose umkundagha.

MAKATANISHO 30:8

Kuniinjire putu kughora tee; na kusenibonye mkiwa hata kusenifughishe; kunineke vindo vinikatagha,

WUKUMBUSO 8:2

Kumbuka iyo chia yose BWANA Mlungu oremghenjereghe kireti miaka mirongo ina ukimlongoza na kumtima ngera mchaiwadia memu yake angu ngera ndemchaaiwadia.

1 WAKORINTHO 14:16

Ikakaia si huwo-lee, kukafunya chawucha kwa roho, mundu mzima userumirie uchadikia wada “Amen” kwa uko kufunya chawucha kwako, ngera usemanyire agho kughoragha?

MATHAYO 28:20

mkiwifundisha kughiwadia agho ghose neremlaghirieghe. Nani olenyi neko andwamweri nenyo hata kukatia kwa ngelo.”

DANIELI 7:18

Ela waeli wa Uo-Uko-Aighu-Nandighi wichapata ugho wuzuri, na kukaia nagho kwa kala na kala.’

ZABURI 106:48

Mkasenyi BWANA, uo Mlungu wa Israeli; mkasenyi idana na kwa kala na kala. Kula mundu ndeghambe, “Amen!” BWANA ndekaso!

ZABURI 89:52

BWANA ndekaso kwa kala na kala! Amen, Amen.

ZABURI 72:19

Irina jake ndejikaso kwa kala na kala, ndoenyi kose kuchuo wubaa ghwake. Amen, Amen.

1 WAZURI 1:36

Nao Benaia mwana wa Jehoiada ukamtumbulia mzuri ukaghamba, “Ndeikaie wokoni! BWANA Mlungu wako ndebonye wokoni.

WUFUNUO 19:4

Na waja waghosi mirongo iwi na bana, na rija nyamandu riko moyo inya rikaghwa kijimijimi na kumtasa Mlungu, uo uko kidombo aighu ya kifumbi cha nguma wikighamba, “Amen, Mlungu ndekaso.”

WUFUNUO 5:13

Nao ngasikira kula kindo chiumbilo chiko mlungunyi, na ndoenyi, na andoenyi na kosi, na andenyi ya bahari, vilambo vose viko vikighamba, “Kwa uo useagha kidombo aighu ya kifumbi cha nguma, na kwa Mwana wa Ng'ondi, ndeghikaie makaso, ishima, wubaa, na kudima kwa kala na kala.”

WUFUNUO 3:14

“Na uo malaika wa ikanisa ja Laodikea, kumuandikie huwu:” “Agha ni malagho gha uo Amen, uo mloli, na mshahidi wa loli, uko kuzoya kwa kuumba kwa Mlungu.

WAEBRANIA 11:36

Wazima weresekeloghe na kukabwa na viboko, hata kufungwa na minyororo, na kungirwa kifungonyi.

1 TIMOTHEO 1:17

Idana kwa uo Mzuri wa ngelo rose, useidagha, usewonekagha, Mlungu uekeri, ndejikaie ishima na wubaa kwa kala na kala. Amen.

JEREMIA 28:6

“Amen! BWANA ndebonye woruwo, ubonye malagho gha wulodi ghwako ghikaie gha loli; vilambo va Hekalu ya BWANA vipate kuwunjwa kufuma Babuloni chiaimweri na wandu wose widwalo wunyika.

ZABURI 22:28

BWANA nuo mzuri; nao wadaribonyera nguma mbari rose ra wandu.