MATHAYO 5:12 - Biblia Ilagho Jiboie Kwa Wandu Wose

¹² Boilonyi, mkaie na iseko ibaa; angu mafungu ghenyu ni mabaa aho mlungunyi; angu huwo niko werewitiririeghe walodi werekoghe imbiri konyu.

MATHAYO 5:12 Referans Kwoze

LUKA 6:23

Boilonyi ngelo iyo, mchumbe chumbe kwa kuboilwa, angu mwawikilwa mafungu mabaa uko mlungunyi. Angu huwo niko weke wawa wawo werewibonyereghe walodi.

JAKOBO 1:2

Wanidu, mkapatwa ni matimo mazima-mazima, mughitale kukaia ni kuboilwa konyu,

WAKOLOSAI 3:24

mkimanya angu mchapata ifwa kufuma kwa Bwana kukaia mafungu ghenyu, angu mwaawuyamdumikia Bwana Kristo.

1 PETRO 4:13

Ela boilonyi kwa kukaia mwakaia wangara wa matiriro gha Kristo; eri mpate kuboilwa na kuzuma ngelo ya kufunukulwa kwa wubaa ghwake.

WAKOLOSAI 1:24

Idana naboilwa andenyi ya matiriro ghapo kwa wundu ghonyu, nani naawuyakatisha kwa mumbi ghwapo agho matiriro gha Kristo ghisigharikie kwa wundu ghwa mumbi ghwake, najo ni ikanisa.

WAROMA 5:3

Hata si ijo jeni jiekeri anduangi, ela daboilwa andenyi ya matiriro ghedu, dikimanya angu matiriro ghadareda irumaghio,

RUTHU 2:12

BWANA ndekulipe kwa wundu ghwa agho ghose kubonyere; ukulipe malipo ghikatie kufuma kwa BWANA Mlungu wa Israeli, uo kwacha kukusaghika nao.”

ZABURI 58:11

Wandu wichaghamba, “Loli mhachi uchanekwa mafungu ghake; loli oko Mlungu utanyagha ndoenyi.”

ISAYA 3:10

Wizerenyi wahachi kukaia maza rawo richakaia nicha, angu wichaja matunda gha mabonyo ghawo.

MAKATANISHO 11:18

Mundu mmbiwi wadapata mafungu gha mikalo yake, ela uo ubonyagha hachi oko na loli epata mafungu mecha.

2 MALAGHO GHA NGELO 36:16

Ela wikakaia wikiwiseka wadumwa wa Mlungu kwa lumenyo, wikamenya malagho ghake na walodi wake; hata BWANA ukajokwa ni machu nandighi aighu ya wandu wake, na wutesia ghungi ghukasoweka.

MATHAYO 16:27

Angu Mwana wa Mdamu uchacha na wubaa ghwa Ndee andwamweri na weke malaika wake, nao uchamlipa kula mundu kunughana na mabonyo ghake.

WAEBRANIA 11:6

Na kuseko na irumirio, ndeidimikagha kum'boia Mlungu anduangi. Angu mundu uo ose umsoghoderagha Mlungu, ni suti urumirie kukaia oko; nao wawikatishiragha awo wimlolagha uo.

1 WATHESALONIKE 2:15

awo werem'bwaghieghe uo Bwana Jesu, na awo walodi, wikadiwinga isi. Nawo wadazamia Mlungu, na kuwitangala wandu wose,

WAFILIPI 2:17

Hata ngera niafunywa sa kizongona cha kunywa, na kudilwa aighu ya kizongona cha irumirio jenyu, nichaboilwa na kuzuma andwamweri nenyo mmbose.

1 WAZURI 18:13

Wele bwana wapo, ndekughorelo jingi seji ini mdumiki wako nerebonyereghe ingelo Jezebeli orekoghe ukiwibwagha walodi wa BWANA; seji nerewivisireghe walodi wa BWANA ighana jimweri, ngawivisa mbangenyi mirongo-misanu mirongo-misanu, na kuwijisha vindo na machi?

2 WAKORINTHO 4:17

Angu matiriro agha gha ngelo ndini, ghaawuyadiboisira wubaa ghwa kala na kala kwa wungi, ghusedimagha kufwananishwa na kindo chingi anduangi;

MABONYO GHA WADUMI 5:41

Niko wikafuma mwandunyi wikiboilwa, angu watalwa kukaia wifwane kusowelwa ishima kwa wundu ghwa irina ijo.

MATHAYO 6:16

“Na inyo iji mwakafunga tumu, msakekaia na mawushu gha wasi sa awo waji-kuwi. Angu awo wadakucha mawushu ghawo kwa wasi wipate kuwonwa ni wandu seji wafunga. Namghoria loli, wameria kupata mafungu ghawo.

1 WAKORINTHO 3:8

Uo uwagha na uo udungagha machi, weekatana; na kula umu uchapata mafungu ghake karakara na kazi yake.

LUKA 6:35

Ela wikundenyi wamaiza wenyu, na kuwibonyera nicha; mkopeshe, ela msesuwirie kuwunjirwa kindo chingi; niko mafungu ghenyu ghichaakaia mabaa, sena mchakaia wana wa Uo-Uko-Aighu-Nandighi; angu uo moni ni mucha hata kwa awo wisewadie chawucha ingi na kwa wachoyo.

KUZOYA 15:1

Nyuma ya maza iro, BWANA ukamchea Abramu kwa mawono ukamzera, “Kusakeobua Abramu, ini nuo ngao yako, na ifungu jako jichakaia ibaa na ndighi.”

NEHEMIA 9:26

“Ela hata huwo saki, wandu wako wikalegha kukusikira; wikaighalukia sharia yako nambai. Wikawibwagha walodi awo werewiwonyereghe, wikiwighoria wikughalukie oho. Wikakumenya oho ngelo kwa ngelo.

MABONYO GHA WADUMI 16:25

Ela sa kio ghadi, Paulo na Sila werekoghe wikilomba Mlungu na kum'boria chumbo; na wafungwa wikakaia wikisikiria.

LUKA 13:34

“Ee Jerusalemu, Jerusalemu, kubwaghagha walodi na kuwilasa na magho awa widumwagha kwako, ni kalinga neretimieghe kuwikwanya wana wako sa iji nguku ikwanyagha vana vake aisi ya mawawa ghake kukalegha!

JEREMIA 2:30

Nawinekie wana wako adhabu, ela ndewicheetala kukuboisa weni. Mwawibwaghie walodi wenyu mmbeni, karakara na shimba ifondiagha.

ZABURI 19:11

Ghanifundisha ini mdumiki wako; ngaghiwadia nichapata mafungu mabaa.

2 MALAGHO GHA NGELO 16:10

Niko Asa ukajokwa ni machu aighu ya mlodi, ukamfunganya na vilingo va mudi, na kumngira jela, angu orekoghe na machu mabaa kwa wundu ghwa ilagho ijo. Ngelo iyo cheni, Asa ukawikoronga wandu wamu na ndighi.

1 WAZURI 18:4

hata iji Jezebeli orekoghe ukiwibwagha walodi wa BWANA, Obadia orewivisireghe walodi ighana mbangenyi kwa kuwiwagha vipughi viwi va mirongo-misanu mirongo-misanu; ukakaia ukiwineka vindo na machi.)

JEREMIA 26:8

Jeremia uendameria kughora malagho ghose orelaghiriloghe ni BWANA kwa wandu wose, wakohani, na walodi, na wandu wose, wikammbwada wikighamba, “Kuchafwa!

1 WAZURI 22:8

Ahabu ukamzera Jehoshafati, “Wasigharika mundu umweri okotia, nao ni Mikaia mwana wa Imla; ela wadanizamia angu jingi usenilodiagha mecha, ela wadanilodera mawiwi toe.” Jehoshafati ukaghamba, “Ii hata, kuseghore huwo.”

1 WAZURI 21:20

Ahabu uendammbona Elija ukamzera, “Kwaniwada nga m'maiza wapo?” Elija ukatumbulia, “Ee, nakuwada; oho kwamerie kukufunya kubonya mawiwi imbiri ya BWANA.

WAEBRANIA 11:26

Ukawona angu kusholelwa kwa wundu ghwa Kristo, ni mali mbaa kuchumba mali rose ra Misri; angu orekoghe ukisuwiria mafungu ghichagha.

2 WAZURI 1:9

Nao mzuri ukaduma m'baa wa ijeshi na wandu mirongo misanu wimrede Elija. Ukajoka kwa Elija ukamkua uko kidombo koighu mghondinyi, ukamzera, “Ee mundu wa Mlungu, mzuri waghamba kusee.”

1 WAZURI 19:2

Niko Jezebeli ukaduma momu kwa Elija ukighamba, “Naghema milungu inibwaghe ngera kesho ngelo sa ihi nisekubonyere agho kuwibonyere walodi wa Baali.”

JEREMIA 37:14

Nani ngatumbulia, “Iro ni tee, siwuyewikimbia cha kwa Wababuloni kungi.” Ela Irija nderemsikireghe, ukammbwada Jeremia na kumreda kwa wabaa.

WAFILIPI 1:29

Angu inyo mwanekelo, si uko kurumiria Kristo koni anduangi, ela hata na kutirirwa wori kwa wundu ghwake;

WAEBRANIA 10:34

Angu morekoghe na wughoma na wafungwa, mkarumiria kusokwa mali renyu kwa kuboilwa; kwa kukaia inyo mmbeni moremanyireghe angu moko na mali riboie kuchumba, riduagha.

WAEBRANIA 11:33

wandu awo kwa irumirio, weresimieghe mawuzuri, wikawika hachi, wikapata malaghiro, wikafunga memu ya shimba,

JAKOBO 5:10

Wanidu wadenyi mfwano ghwa walodi, awo werekoghe wikighora kwa irina ja Bwana, ghukaie fwana ya matiriro na kurumaghia konyu.