MATHAYO 5:10 - Biblia Ilagho Jiboie Kwa Wandu Wose

¹⁰ Warasimilwa awo witirirwagha kwa wundu ghobonya hachi, angu wuzuri gha Mlungu ni ghwawo.

MATHAYO 5:10 Referans Kwoze

JAKOBO 1:12

Mundu urumaghiagha matimo, ucharasimilwa; angu iji wasima ijo itimo, uchapata kirumbu cha irangi, icho Mlungu uwilaghirie awo wose wimkundagha.

2 WAKORINTHO 4:17

Angu matiriro agha gha ngelo ndini, ghaawuyadiboisira wubaa ghwa kala na kala kwa wungi, ghusedimagha kufwananishwa na kindo chingi anduangi;

MATHAYO 5:3

“Warasimilwa awa wimanyagha weko wakiwa rohonyi; angu wuzuri ghwa mlungunyi ni ghwawo.

LUKA 6:22

Mwarasimilwa inyo kasikira wandu wazamilwa ni inyo, na kumlegha, na kumsholia na kujinona irina jenyu, kwa wundu ghwa Mwana wa Mdamu.

2 TIMOTHEO 2:12

Dikarumaghia, dichabonya nguma andwamweri nao wori. Dikamlegha, nao moni uchadilegha.

WAFILIPI 1:28

msewiobuagha watangali wenyu kwa ilagho jingi. Ihi ni alama kwawo iko worinyi iwonyeragha kutota kwawo, ela konyu ni kukia nako kuafuma kwa Mlungu.

LUKA 21:12

Ela imbiri ya maza iri rose kuwoneka, wichammbwada inyo na kumtirira, wichamghenja mandunyi ya sunagogi, wipate kumngira kifungonyi, mchaghenjwa imbiri ya wazuri na awo wibonyagha nguma, kwa wundu ghwa irina japo.

JOHANE 15:20

Jikumbukenyi jija ilagho neremghorieghe, ‘Mdumiki ndekaiagha m'baa kuchumba bwana wake.’ Ngera werenitiririeghe ini, wichamtirira na inyo wori; ngera werejiwadieghe ilagho japo, wichajiwadia na jenyu wori.

WUFUNUO 2:10

Kusakeobua agho matiriro ghichaakuchea. Olenyi wamu wenyu mwalighisa kungirwa kifungonyi ni Ibilisi, upate kumtima; nenyo mchatirirwa matuku ikumi. Kukaie mloli hata kufwa, nani nichakuneka kirumbu cha irangi.

2 TIMOTHEO 3:11

kutirirwa kwapo, wasi ghwapo, maza rerenipatireghe aja Antiokia, Ikonio na Lustera; seji neretiriroghe ngirumaghia, ela hata huwo Bwana ukanivuvua.

MATHAYO 25:34

Niko mzuri uchawizera waja wiko kwa mkonu ghwake ghwa kiwomi, ‘Choonyi inyo mrasimilwagha ni Aba, mmbuse ifwa ja wuzuri moreboisiroghe kufuma wurumwengu ghwazoya kuumbwa.

ZABURI 37:12

Mmbiwi wadabonya mpango ghom'bonya mhachi kiwiwi, na kuja maghegho aighu yake.

MARKO 10:30

ima usepatagha kwa agha matuku mando ighana, nyumba, waruna wa womi na wa waka, weke mae, weke ndee, wana, na mbuwa, andwamweri na kutirirwa; sena kwa matuku ghichagha, uchapata irangi ja kala na kala.

LUKA 6:20

Nao Jesu ukawizighana wanughi wake ukaghamba, “Mwarasimilwa inyo muko wakiwa, angu wuzuri ghwa mlungunyi ni ghonyu.

MATHAYO 10:23

“Iji wandu wamtirira andenyi ya muzi ghumu, mughughendie muzi mzima. Namghoria loli, ndemchaameria mizi yose ya Israeli, imbiri Mwana wa Mdamu usechee.

1 JOHANE 3:12

si sa Kaini uo orekoghe wa Uja Mmbiwi, hata ukam'bwagha mruna. Na kwaki orem'bwaghagha? Ni angu mabonyo ghake gherekoghe ghizamie, na gha mruna gherekoghe gha hachi.

MABONYO GHA WADUMI 8:1

Na Sauli orekoghe ukirumiriana na kubwaghwa kwake. Ituku jija jeni, Ikanisa jerekoghe andenyi ya Jerusalemu, jikazoya kutirirwa nandighi loli-loli; na warumirii wikasaghisika Judea kose na Samaria, wikaasighwa wadumi weni.

MABONYO GHA WADUMI 5:40

wikawiwanga wadumi wingie, wikawikaba na kuwilaghira wiseghore ilagho jingi kwa irina ja Jesu, wikawisigha wighende.

ISAYA 66:5

Inyo msughusikiagha ilagho ja BWANA sikirenyi seji ughoragha, “Awo wanyinyu wizamilwagha ni inyo, na kummbinga kwa wundu gha irina japo waghambie, ‘Oke Mlungu ndewonyere wubaa ghwake dipate kummbona inyo mkiboilwa;’ ela sena niwo weni wichaafushwa waya.

MATHAYO 19:14

Jesu ukaghamba, “Wilekenyi wanake watini wiche kwapo, msakewighiria, angu wuzuri ghwa mlungunyi ni kwa wandu wiko sa awa.”

MARKO 10:14

Jesu iji wawona ilagho jija, ukawawa ni ngolo, ukawizera, “Wilekenyi wanake wiche kwapo, msakewikania, angu Wuzuri ghwa mlungunyi ni ghwa awo sa awa.

LUKA 22:29

na sa iji koni Aba uniwikie wuzuri, na ini wori nammbikia wuzuri,

JAKOBO 5:11

Ola isi dadawiwanga warasimilwa; kwa kukaia ni wandu werekoghe na irumaghio. Mwasikire malagho gha irumaghio ja Ayubu, nenyo mwawonie kutua kwa mpango ghwa Bwana aighu yake, na seji Bwana uko wa ishima na wughoma.