MATHAYO 4:4 - Biblia Ilagho Jiboie Kwa Wandu Wose

⁴ Jesu ukamtumbulia, “Yaandikilo andenyi ya Maandiko Ghielie, ‘Mdamu ndechakaia moyo kwa mkate ghoni anduangi, ela ni kwa kula ilagho jighorwagha ni Mlungu.’”

MATHAYO 4:4 Referans Kwoze

WUKUMBUSO 8:3

Ukamfundisha kuida andenyi ya maza rikurie kwa kumsigha mkaie njala, ima ukamneka mana muje, iyo msereiichighi, hata na weke ndeyo wori; eri mpate kumanya angu mdamu ndekaiagha moyo kwa vindo veni anduangi, ela wadakaia moyo kwa kula ilagho jidedwagha ni BWANA.

LUKA 4:4

Jesu ukamzera, “Yaandikilo ‘Mdamu ndechaakaia moyo kwa mkate ghoni anduangi.’”

JOHANE 6:63

Uja Roho nuo unekagha irangi, ela mumbi ndeghudimagha ilagho jingi anduangi. Malagho namghoria ni Roho na irangi.

WAROMA 15:4

Angu ijo jose jereandikiloghe kala, jedeandikwa jikaie mafundisho kodu; dipate kukaia na isuwirio kwa chia ya kurumaghia na kukumbwa ngolo ni agho Maandiko.

WAEFESO 6:17

Sena wusenyi kukia sa kofia ya chuma, na Ilagho ja Mlungu sa lufu lwa Roho.

KUFUMA 16:15

Iji Waisraeli wereviwonieghe, wikakotiana weni na weni, “Niki chija?” angu ndewerevimanyireghe anduangi. Musa ukawizera, “Ni mkate ugho BWANA wamneka muje.

LUKA 4:8

Jesu ukamzera, “Yaandikilo, ‘Kuchamtasa Bwana Mlungu wako, sena kuchamdumikia uo moni uekeri.’”

KUFUMA 16:35

Wandu wa Israeli wikaja ija mana kwa miaka mirongo ina hata wikavika wandunyi, wikaija hata wikavika mpakenyi ghwa isanga ja Kanaani.

KUFUMA 16:8

Musa ukawizera, “Ni BWANA uchaamneka nyama reja nakenyi, na mikate emghudisha nakesho, angu wasikira mazughunuko ghenyu mwam'bonyera. Isi deko kii? Ndemuwuedizughunukia isi, ela mwaawuyamzughunukia BWANA.”

MATHAYO 4:10

Niko Jesu ukamzera, “Ghenda noko Shetani! Yaandikilo, ‘Kumtase Bwana Mlungu wako, na kumdumikia uo moni uekeri.’”

MATHAYO 4:7

Jesu ukamzera, “Sena yaandikilo, ‘Kusakemtima Bwana Mlungu wako.’”

LUKA 4:12

Jesu ukatumbulia, “Yaghorelo, ‘Kusakemtima Bwana Mlungu wako.’”

KUFUMA 23:15

Mori ghwa Abibu, ugho korefumieghe Misri, kunibonyere Ndima ya Mikate Isewadie Chachu, seji nerekulaghirieghe. Kuseje mkate ghungi ghuko na chachu ngelo ya ndima iyo kwa matuku mfungade. Mndungi useche kunitasa usedwae mafunyo.

MATHAYO 15:11

icho chimngiagha mundu momunyi kwake, sicho chingi chimlushagha anduangi; ela icho chimfumagha momunyi kwake, nicho cheni chimlushagha mundu.”

MARKO 7:20

Nao ukaghamba, “Icho chimfumagha mundu, nicho cheni chimlushagha.

JOHANE 15:26

“Ela iji wacha uja Mtesia, uo nichaamduma konyu kufuma kwa Aba, nao nuo Roho wa loli ufumagha kwa Aba, Uo uchanishuhudia ini.