MATHAYO 4:13 - Biblia Ilagho Jiboie Kwa Wandu Wose

¹³ Nao nderekaieghe Nazareti anduangi, ela ukaghenda Kafarnaumu, muzi ghuko mbai na mbai ya ndiwa ya Galilaya, mwanonyi ghwa isanga ja Zebluni na Naftali; ukakaia aho.

MATHAYO 4:13 Referans Kwoze

JOHANE 4:46

Jesu ukawuya sena Kana muzi ghwa Galilaya andu oreghalusireghe machi ghikawuya divei, na aho korekoghe na m'baa umu, mwana wake orekoghe mkongo aja Kafarnaumu.

MARKO 1:21

Wikavika muzi ghwa Kafarnaumu; hata iji javika ituku ja Sabato, Jesu ukangia andenyi ya sunagogi, ukafundisha.

MATHAYO 11:23

Na oho Kafarnaumu, kookunda kujoswa kuvike mlungunyi? Kuchaserwa hata jehanamunyi. Angu ngera weke mwakilimbiti werebonyeroghe kwako, wedebonyerwa Sodoma, kumangu muzi ugho ghwaduagha hata linu.

JOHANE 6:59

Jesu oreghighorieghe agho malagho andenyi ya sunagogi aja Kafarnaumu iji orekoghe ukifundisha.

JOHANE 6:24

Nao iji awo wandu wawona angu Jesu na wanughi wake ndewerekoghe aho, wikangia mashuonyi wikaghenda Kafarnaumu wikimlola Jesu.

JOHANE 6:17

wikajoka mashuonyi wikazoya kuruwuka cha Kafarnaumu. Kira chikasea imbiri Jesu usewivikie.

JOHANE 2:12

Nyuma ya agho, Jesu, na mae, na waruna, na wanughi wake, wikasea cha Kafarnaumu; wikakaia aho kwa matuku matini.

MATHAYO 17:24

Hata iji wavika Kafarnaumu, waja wandu wilombagha mchango ghwa Hekalu wikamkotia Petro, “Welee, Mwalimu onyu walipagha mchango ghwa Hekalu?”

LUKA 4:23

Nao ukawizera, “Kwa loli mchaghutumia mfwano ughu aighu kwapo: ‘Mghanga, kukuboise kumoni, agho disikire wei kwaghibonyere Kafarnaumu, ghibonye aha isangenyi jako wori.’”

MATHAYO 4:14

Madedo ghereghoreloghe ni mlodi Isaya ghipate kukatia ghighambagha,

MATHAYO 4:15

“Isanga ja Zebluni na isanga ja Naftali, kulangaya baharinyi, kimonu cha Jordani, Galilaya ya mbari zima!

MATHAYO 9:1

Niko Jesu ukangia ishuonyi, ukaruwuka ija ndiwa ukacha kwa muzi ghwake ghoni.

MARKO 2:1

Nyuma ya matuku ghamu, Jesu ukawuya sena Kafarnaumu, wandu wikasikira angu oko nyumbenyi.

LUKA 10:15

Na oho Kafarnaumu, kwaghamba kujoke kuvike mlungunyi? Kuchaserwa hata Andu kwa Wafu.”