MATHAYO 3:7 - Biblia Ilagho Jiboie Kwa Wandu Wose

⁷ Nao iji Johane wawiwona Mafarisayo wengi na Masadukayo wikimchea uwibaputize ukawizera, “Inyo kivalwa cha choka! Nani umfundire mughikimbie agho makabo ghichagha?

MATHAYO 3:7 Referans Kwoze

MATHAYO 12:34

Inyo kivalwa cha choka! Mdima wada kughora malagho mecha mkikaia wawiwi? Angu mundu wadadeda ghaja gheni ghachua ngolonyi.

1 WATHESALONIKE 1:10

na kummbesera Mwana wake kufuma mlungunyi uo oremrukishireghe kufuma kwa wafu; uo Jesu udikiragha na agho machu gha Mlungu ghichagha.

WAROMA 1:18

Angu machu gha Mlungu ghafunukulwa kufuma mlungunyi aighu ya kumlegha Mlungu kose, na wuwiwi ghwa wandu awo wiifinikiragha loli kwa wuwiwi ghwawo.

MATHAYO 23:33

Inyo choka, kivalwa cha choka ra wusungu! Mchakimbia wada msepato ni uko kutanywa kwa jehanamu?

WAROMA 5:9

Idana angu dabonywa kukaia na hachi kwa bagha yake, kuchumba na ndighi, Uo uchadikira na machu gha Mlungu.

MATHAYO 22:23

Ituku jija jeni Masadukayo wamu (awa wighambagha ndekuko kuruka kungi kwa wafu anduangi) wikamchea Jesu wikamkotia,

MATHAYO 16:6

Jesu ukawizera, “Manyenyi mkulindie na chachu ya Mafarisayo na ya Masadukayo!”

1 JOHANE 3:10

Kwa ilagho iji, wana wa Mlungu wawoneka worinyi, na wana wa Ibilisi wori. Uo ose usebonyagha hachi, si wa Mlungu anduangi; hata uo usemkunde mruna.

JOHANE 9:40

Mafarisayo wamu werekoghe kaavui wikasikira agho malagho wikamkotia, “Welee, na isi wori deeka vitungure?”

JEREMIA 51:6

Kimbienyi mfume Babuloni, kula mundu ndekire irangi jake; msechebwaghwa andenyi ya ikabo jake; angu ihi niyo ngelo yapo ini BWANA elipia kisasi, agho malipo ghimfwanagha kulipilwa.

JEREMIA 6:10

Nani ngaghamba, “Malaghiro agha nimzera angu nimghoria ani udimagha kusikira? Ola madu ghawo ghafindikikie, ndeghidimagha kusikira; hata ilagho ja BWANA kwawo jakaia sa madukano, ndejikundikie kwawo; hata ndejiwiboiagha anduangi.

WAEBRANIA 11:7

Kwa irumirio, Nuhu uendawonyerwa ni Mlungu ndengwa ya maza richagha, risewonekie kande, ukasikira; nao ukaagha safina ewikira wandu wa nyumba yake. Kwa chia ihi, ukaghutanya wurumwengu, nao ukawuya mundu wa ifwa ja hachi ipatikagha kwa irumirio.

MABONYO GHA WADUMI 26:5

Wamanyire kwa ngelo ndacha, iji wikunde kushuhudia; kukaia, kunughana na mawiko ghikurie gha dini yedu, ini ne Mfarisayo.

MABONYO GHA WADUMI 20:31

Kwa huwu muke nicha, mkimanya kwa miaka idadu kio na dime sereleghieghe kumfundisha kula umu onyu kwa kudikwa ni mbori.

MABONYO GHA WADUMI 15:5

Ela wandu wamu wa dini ya Mafarisayo wirumirie, wikawuka na kughamba, “Suti wandu wa mbari zima wishamisho, na kulaghirwa angu wiiwadie Sharia ya Musa.”

MABONYO GHA WADUMI 5:17

Niko Mkohani M'baa andwamweri na wandu wake, wa ifungu ja Masadukayo, wikawadwa ni iriso ibaa;

JOHANE 8:44

Inyo mo wana wa ndeyo uja Mmbiwi, na bea rake niro reni mkundagha kuribonya. Uo orekoghe m'bwaghi kufuma kuzoya, hata na jingi ndekaiagha na loli, angu ndekuwadie loli ingi andenyi kwake anduangi. Iji waghora tee, wadaghora kikwake cheni: angu uo moni ni mtee, na ndee wa tee rose.

JOHANE 1:24

Wandu awo weredumiloghe ni Mafarisayo.

LUKA 18:11

Uja Mfarisayo ukakaia kimusi ukalomba ngolonyi kwake ukighamba, ‘Nakufunyira chawucha ee Mlungu, kwa kukaia ini siko sa wandu wazima, wa lwafuo, wawiwi, walaki, na hata sa uhu mmbwadi wushuru.

LUKA 16:14

Nao iji Mafarisayo wereghisikireghe agho, nawo ni wandu wikundagha mali, wikamseka kwa lumenyo.

LUKA 7:30

Ela Mafarisayo na walimu wa Sharia wereleghieghe ugho mpango ghwa Mlungu, kwa wundu ghwawo, wikalegha kubaputizwa ni Johane.

MARKO 12:18

Niko wikamchea Masadukayo, awa wighambagha ndekuko kuruka kungi kwa wafu anduangi, wikamkotia ikoto,

MARKO 12:13

Nao Mafarisayo wamu na Wanjama wa Herode wikadumwa wimdeghe Jesu kwa madedo ghake.

MARKO 8:15

Jesu ukawilaghira ukighamba, “Zighanenyi mkulindie na chachu ya Mafarisayo na ya Herode.”

MATHAYO 22:34

Ela iji Mafarisayo wasikira angu wawinyamirisha Masadukayo, wikakwana chia imweri.

MATHAYO 22:15

Nao Mafarisayo wikafuma wikaghenda kubonya njama seji widimagha kumdegha Jesu wimmbwade kwa madedo ghake.

MATHAYO 12:24

Ela iji Mafarisayo wasikira agho wikaghamba, “Mundu uhu wadariwinga pepo tu kwa ndighi ra Beelizebuli m'baa wa pepo.”

MATHAYO 5:20

Nani namzera, ngera hachi yenyu isechumbagha iyo ya walimu wa Sharia na Mafarisayo, ndemchaadima jingi kungia kwa Wuzuri ghwa Mlungu anduangi.

ISAYA 59:5

Mwakaia sa wandu wikongodagha maghi gha choka na kuluka midambo-dambo ya mbughi-mbughi; uo mundu ujagha agho maghi wadafwa; na mndungi ukabara ijo ighi, choka yadafuma.

KUZOYA 3:15

Nichawika wumaiza aghadi yako na uo muka, na aghadi ya kivalwa chako na kivalwa chake. Uo uchachibara chongo chako, na oho kuchamluma ghimbe yake.”

WAEBRANIA 6:18

eri kwa chia ya agho malagho awi, ilaghiro na ighemi, agho isedimikagha Mlungu ughore tee, isi dikusaghikie nao, didime kukaia na ngolo mbaa ejiwada ijo isuwirio jiwikilo imbiri kodu.

MATHAYO 15:12

Nao ahoeni wanughi wake wikamghendia wikamzera, “Keni kwamanya angu Mafarisayo wazamilwa wiendasikira agho malagho kwaghora?”

MAKATANISHO 28:4

Awandu wisighie sharia wadakasa wandu wizamie, ela awa wiiwadie sharia wadasimana nawo.

MATHAYO 16:1

Nao Mafarisayo na Masadukayo wikamchea Jesu, wikamdegha kwa kumlomba ubonye mwakilimbiti ufumagha mlungunyi.