MATHAYO 3:6 - Biblia Ilagho Jiboie Kwa Wandu Wose

⁶ wikihea kaung'a rawo, nao ukawibaputiza modenyi ghwa Jordani.

MATHAYO 3:6 Referans Kwoze

MABONYO GHA WADUMI 19:18

Na wengi wa awo wererumirieghe wikacha wikirumiria na kughora mabonyo ghawo worinyi.

1 JOHANE 1:9

Dikarumiria kaung'a redu, Mlungu ni mloli na mhachi; nao uchadifuya wughoma kaung'a redu, na kudielesha wuwiwi ghodu ghose.

WAEBRANIA 9:10

ela gheeka kwa wundu ghwa vindo, kunywa, na kuogha; naro ni sharia ra mumbi riwikilo hata ivike ngelo ebonya maghaluso.

MATHAYO 3:11

Ini nam'baputiza kwa machi kuwonyera angu mwahea. Ela uo uchagha nyuma yapo oko nandighi kunichumba ini; hata ini sifwane kumdukia vadu vake. Uo ucham'baputiza kwa Roho Mweli na modo.

WAEBRANIA 6:2

na ghwa mafundisho gha wubaputizo, na gha kuwikiria mikonu, na gha kuruka kufuma kwa wafu, na gha kutanywa kwa kala na kala.

WAKOLOSAI 2:12

Nenyo mwarikilo andwamweri nao kwa wubaputizo, na kwa ugho wubaputizo, mkarukanya andwamweri nao kwa chia ya irumirio, kwa uko kubonya kazi kwa Mlungu; uo oremrukishireghe Kristo kufuma kwa wafu.

1 WAKORINTHO 10:2

Na wose werebaputiziroghe andenyi ya iwingu, na andenyi ya bahari, wikaie wa Musa;

MABONYO GHA WADUMI 22:16

Idana kuweseraki? Wuka kubaputizo, kuoghosho kaung'a rako, kukijiwangia irina jake.’

MABONYO GHA WADUMI 11:16

Nao ngakumbuka ilagho ja Bwana seji oreghorieghe, ‘Johane orebaputizireghe kwa machi, ela inyo mchabaputizwa kwa Roho Mweli.’

MABONYO GHA WADUMI 1:5

Johane orebaputizireghe kwa machi, ela inyo mchabaputizwa kwa Roho Mweli kafwani.”

LUKA 3:16

Johane ukawitumbulia wose ukawizera, “Ini nam'baputiza kwa machi, ela umu oko uchagha uko nandighi kunichumba ini, nisefwane hata kufungua kamba ra vadu vake; uo ucham'baputiza kwa Roho Mweli na modo.

MARKO 1:5

Niko wikamghendia wandu wose wa isanga ja Judea na wa Jerusalemu wose, wikirumiria na kuhea kaung'a rawo; nao ukawibaputiza modenyi ghwa Jordani.

DANIELI 9:4

Ngamlomba BWANA Mlungu wapo, ngarumiria makosa gha wandu wapo ngighamba, “Ee BWANA, ko Mlungu m'baa oobolwa; kwadakatisha malaghano na lukundo lukatie kwa awo wikunde kuiwadia memu yako.

EZEKIELI 36:25

Nani nichamnyinyiria machi ghielie aighu konyu, nenyo mchaela kufuma kwa wuchafu ghonyu, na wutasi milimu ghonyu ghose.

MAKATANISHO 28:13

U mundu uvisagha makosa ghake ndepatagha mecha, ela uhu ughirumiriagha na kughisigha uchafuilwa wughoma ni Mlungu.

ZABURI 32:5

Niko ngairumiria kaung'a yapo kwako, hata serechivisireghe kiwiwi chapo anduangi; nereghirumirieghe makosa ghapo imbiri kwako, kukanifuya wughoma kaung'a rapo rose.

JOSHUA 7:19

Joshua ukamzera, “Mwana wapo, kwa wundu ghwa ishima ja BWANA wa Israeli, nighorie loli; kwabonyere wada? Kusenivise ilagho jingi.”

MITALO 5:7

ucharumiria kaung'a yake uibonyere na kuilipia ikosa jake ukichuria mirongo iwi kwa ighana na kumneka uo mundu umkosere.

WALAWI 26:40

“Ela wikahea mawiwi ghawo, na mawiwi gha weke ndee, na kuja kunikalia winikalie na kunimenya,

WALAWI 16:21

nao uchawikiria mikonu yake aighu ya chongo cha ija mburi, na kurumiria mawiwi ghose gha wandu wa Israeli, na makosa ghawo ghose na kaung'a rawo rose. Na kwa chia iyo, uchawikiria iro kaung'a aighu ya chongo cha ija mburi, na kuighenja noko cha kireti kwa mkonu ghwa mndumu wasaghulwa, nao uchailekeria noko cha kireti.

1 PETRO 3:21

Ilagho ijo, jafwanana na wubaputizo ghwa idana ghumkiragha inyo; si sa kuja kuinja wuchafu ghwa mumbi anduangi, ela ni kuja kubonya malaghiro kwa Mlungu kwa nia ielie, kwa chia ya kuruka kwake Jesu Kristo;

JAKOBO 5:16

Kwa huwo rumirianenyi kaung'a renyu mmbeni na mmbeni, na kulombiana; mlombiane, mpate kuboiswa. Malombi gha mundu wa hachi ghabonyagha kazi kwa ndighi nyingi.

EZRA 10:1

Nao iji Ezra orekoghe ukilomba na kuhea, ukilila na kughwa imbiri ya Hekalu, izungu ibaa ja wandu wa Israeli womi na waka na wanake, wikamkwanyikia wikilila nandighi kwa kuwawa.

LUKA 1:16

nao uchawighalusa wengi wa wana wa Israeli, wimghalukie Bwana Mlungu wawo.