MATHAYO 3:4 - Biblia Ilagho Jiboie Kwa Wandu Wose

⁴ Johane orerwaeghe nguwo ibonyero kwa mafuri gha ngamila, ukakufunga mkowa ghwa mrongo kiwonunyi kwake. Vindo vake verekoghe zighe na wuki ghwa kireti.

MATHAYO 3:4 Referans Kwoze

2 WAZURI 1:8

Wikatumbulia, “Ni mundu urwae mrongo ghwa nyamandu, uko na mkowa ghwa mrongo kiwonunyi kwake.” Mzuri ukaghamba, “Uo ni Elija, Mtishbi.”

WALAWI 11:22

Iri mwadima kuja: zighe, na vichuku varo; mwaparangia na vichuku varo; na weke mwapazi na vichuku varo.

MARKO 1:6

Johane orekoghe urwae nguwo ibonyero kwa mafuri gha ngamila, na mkowa ghwa mrongo kiwonunyi kwake. Vindo vake verekoghe zighe na wuki ghwa kireti.

MATHAYO 11:8

Angu morefumieghe kwendazighana kii? Ni kumzighana mundu urwae nicha? Olenyi awo wirwae nguwo ndicha weko nyumbenyi kwa wazuri.

ZEKARIA 13:4

Ngelo iyo ikavika, kula mlodi uchafushwa waya ni mawono ghake. Ndechaarwa ikoti ja mafuri, eri ukalie wandu,

LUKA 1:17

Uchaghenda imbiri kwake kwa roho nandighi ra Elija upate kurighalusa ngolo ra weke ndee, riwighalukie wana wawo. Na awo wisesikiragha wiinughe hikima ya wahachi, na kuwika wandu tayari kwa wundu ghwa Bwana.”

MALAKI 4:5

“Olenyi nichamduma mlodi Elija imbiri ijo ituku ibaa ja BWANA jeobosha jisechee.

WUFUNUO 11:3

Nani nichawineka ndighi washahidi wapo wawi, wipate kuchila ilagho ja Mlungu matuku elfu na maghana awi na mirongo irandadu, wikirwa nguwo ra magunia.”

MATHAYO 11:18

Angu Johane orechieghe ukifunga usejagha hata usenywagha, nawo wikaghamba, ‘Ooka na pepo.’

WUKUMBUSO 32:13

“Orewisighieghe wibonye nguma masanga ghiko ighu, wikaja vindo va mbuwenyi. Werepatireghe wuki amaghonyi, na mizeituni ikazoghua nicha andoenyi ra magho.

ISAYA 20:2

Ngelo iyo, BWANA oreghorieghe na Isaya mwana wa Amozi ukighamba, “Ghenda kuinje iyo nguwo ya igunia iko kiwonunyi kwako na vadu viko maghunyi kwako.” Isaya ukasikira, ukaghenda duu sena usena vadu maghunyi kwake.