MATHAYO 3:2 - Biblia Ilagho Jiboie Kwa Wandu Wose

² ukighamba, “Heenyi angu wuzuri ghwa Mlungu ghwavika kaavui.”

MATHAYO 3:2 Referans Kwoze

MATHAYO 4:17

Nao kufuma aho Jesu ukazoya kuchila ukighamba, “Heenyi, angu Wuzuri ghwa Mlungu ghwavika kaavui.”

MARKO 1:15

ukighamba, “Ngelo yakatia na wuzuri ghwa Mlungu ghwavika kaavui; heenyi mjirumirie Ilagho Jiboie.”

DANIELI 2:44

Matuku gha awo wazuri, Mlungu wa mlungunyi uchawika wuzuri ghusechaanonwa jingi, hata nguma raro nderichaasighilwa mndungi. Wuzuri ugho ghuchachikanya-chikanya agha mawuzuri ghose, na kughimeria; nagho ghuchadua kwa kala na kala.

LUKA 24:47

Mbari rose ripate kuchililwa kuhea na kulekwa kaung'a rawo kwa irina jake kuzoya Jerusalemu.

MATHAYO 6:10

Wuzuri ghwako ghuche, Lukundo lwako lubonyeke, ndoenyi sa iji luko mlungunyi.

2 WAKORINTHO 7:10

Angu kuwawa komzighana Mlungu kwadareda kuhea hata kuvikia kukia, nako ndekuvaviragha, ela kuwawa kwa wurumwengu kwadareda kifwa.

MATHAYO 10:7

Nenyo mkighenda chilenyi, ‘Wuzuri ghwa Mlungu ghwavika kaavui.’

MABONYO GHA WADUMI 3:19

Kwa huwu heenyi mghaluke, eri kaung'a renyu ripate kufutwa na matuku ghedeghedeshwa ghiche kufuma kwa Bwana;

LUKA 15:10

Namghoria, huwo koni koko na kuboilwa kwa weke malaika wa Mlungu, kwa wundu ghwa mkaung'a umweri uheagha.”

LUKA 13:3

Namzera si huwo kungi; ela hata inyo ngera mseheagha, mchatota wokoni mmbose.

LUKA 11:20

Ela ikakaia naawuyariwinga kwa ndighi ra Mlungu, aho loli Wuzuri ghwa Mlungu ghwameria kumchea.

2 PETRO 3:9

Bwana ndemukagha kukatisha ilaghiro jake seji wamu wigheshagha wei umuka; ela waawuyarumaghia kwa wundu ghonyu. Ndewuekunda mndungi utote, ela ookunda wandu wose wivikie kuhea.

MABONYO GHA WADUMI 17:30

Ngelo ra kusowa kumanya, Mlungu nderetalieghe anduangi; ela idana, walaghira wandu wose andu kose, wihee mawiwi ghawo.

MABONYO GHA WADUMI 11:18

Wiendasikira agho wikanyama kima. Wikamkasa Mlungu wikighamba, “Mlungu wawinekie wandu wa mbari zima wori kuhea kovikia kupata irangi.”

MABONYO GHA WADUMI 2:38

Petro ukawizera, “Heenyi m'baputizo kula umu onyu kwa irina ja Jesu Kristo mpate kulekwa kwa kaung'a renyu, nenyo mchapata inosi ja Roho Mweli.

LUKA 6:20

Nao Jesu ukawizighana wanughi wake ukaghamba, “Mwarasimilwa inyo muko wakiwa, angu wuzuri ghwa mlungunyi ni ghonyu.

MATHAYO 13:52

Nao ukawizera, “Niko huwu, kula mwalimu wa Sharia uwuyagha mnughi wa wuzuri ghwa mlungunyi, oofwanana na mundu wa nyumba, ufunyagha kwa mali rake vilambo viwishi na va kala.”

MATHAYO 13:47

“Sena wuzuri ghwa mlungunyi ghwafwanana na nyavu erekumbiloghe baharinyi, ikawada mbari rose ra samaki.

MATHAYO 13:33

Jesu ukawighoria wandu mfwano mzima sena, “Wuzuri ghwa mlungunyi ghoofwanana na chachu ereranganyiroghe ni muka umu andenyi ya vipimo vidadu va mufu, nagho ghose ghukawurushwa.”

MATHAYO 12:41

Wandu wa Nineve wichawuka aighu ya kivalwa ichi kutanyonyi, nawo wichachitanya kivalwa ichi kukaia chakosere, angu Wanineve wereherieghe kwa wundu ghwa machilo gha Jona; na aha jeko ilagho ibaa kuchumba Jona.

2 TIMOTHEO 2:25

na kuwiwonyera kwa wumboa awo wimtangalagha. Kewada Mlungu uchawineka kuhea na kuvikia kuimanya ija loli;

WAKOLOSAI 1:13

Nao wadikirie kufuma kwa iro ndighi ra kira, ukadibarisha na kudingira andenyi ya wuzuri ghwa Mwana wake mkundwa;

MABONYO GHA WADUMI 20:21

ngiwishuhudia Wayahudi na Wagriki wori angu wihee kwa Mlungu na kurumiria kwake Bwana odu Jesu Kristo.

LUKA 15:7

Namghoria huwo koni, kuchakaia na kuboilwa mlungunyi kwa wundu ghwa mkaung'a uheagha, kuchumba wandu wa hachi mirongo ikenda na ikenda wiseko na wundu ghwa kuhea anduangi.

LUKA 13:5

Namzera si huwo kungi; ela hata na inyo ngera mseheagha, mchatota wokoni mmbose.”

LUKA 9:2

Ukawiduma kuchila Wuzuri ghwa Mlungu na kuboisa wakongo.

MARKO 6:12

Wikafuma, wikachila wandu wihee.

MARKO 1:4

Johane M'baputizi orechieghe kireti, ukichilia wandu wihee na kubaputizwa, wipate kulekwa kaung'a rawo.

MATHAYO 5:10

Warasimilwa awo witirirwagha kwa wundu ghobonya hachi, angu wuzuri gha Mlungu ni ghwawo.

MATHAYO 5:3

“Warasimilwa awa wimanyagha weko wakiwa rohonyi; angu wuzuri ghwa mlungunyi ni ghwawo.

EZEKIELI 33:11

Wizere, Sa iji koni ini Bwana MLUNGU nikaigha moyo, naghamba, Siboilwagha ni kifwa cha mundu mmbiwi, ela neekunda uo mmbiwi ughaluke na kurisigha chia rake mbiwi ukaie moyo. Ghalukenyi msighe chia renyu mbiwi, ee wandu wa Israeli; ado mfuyaki wandu wa Israeli?

AYUBU 42:6

Nakumenya ini moni, na kuhea ngisea kidombo aterinyi na ivunyi.”

WUFUNUO 2:21

Neremnekieghe ngelo upate kuhea, ela waawuyalegha kuhea wulaki ghwake.

MATHAYO 13:31

Nao Jesu ukawighoria wandu mfwano ghumu, “Wuzuri ghwa mlungunyi ghoofwanana na ndembe ya haradali mndumu oreiwaeghe mbuwenyi kwake.

MATHAYO 13:11

Jesu ukawitumbulia, “Inyo mwanekelo kurimanya ngasu ra wuzuri ghwa mlungunyi, ela awo ndewinekelo anduangi.

MATHAYO 6:33

Wulalo ghwa agho, lolenyi kande wuzuri ghwa Mlungu na hachi yake, na vilambo vose mchanekwa.

WUFUNUO 2:5

Idana kummbuka ni hao kughue kuhee kupate kubonya iro kazi ra imbiri. Si huwo, kusaahea, nichacha kwako na kuchiinja kinara chako cha taa andu kwaro.

WAEBRANIA 6:1

Kwa huwo, ndedighende imbiri, divikie kukaia wandu wikatie; dikisigha agho mafundisho gha imbiri gha Kristo. Diseaghe msingi sena ghorihea kazi rifue, na ghwa irumirio kwa Mlungu,

MABONYO GHA WADUMI 26:20

ela imbiri nerewonieghe awo werekoghe Dameshki, konyuma ngawighoria aho Jerusalemu, isanga ja Judea kose, na iro mbari zima wori; angu wihee na kumghalukia Mlungu na kubonya mabonyo ghifwananagha na kuhea kwawo.

MATHAYO 22:2

“Wuzuri ghwa mlungunyi ghwafanana na mzuri umu orem'bonyereghe mwana wake karamu ya arusi;

MATHAYO 25:1

“Niko wuzuri ghwa Mlungu ghuchaafwanana na wai ikumi, werewusireghe taa rawo, wikafuma kwendammara bwana arusi.

MATHAYO 23:13

“Ni bugha konyu inyo walimu wa Sharia na Mafarisayo, waji-kuwi! Angu mwaghurugha mnyango ghwa Wuzuri ghwa mlungunyi; inyo mmbeni ndemngiagha, na awo wikundagha kungia mwawighiria. [

MATHAYO 20:1

“Angu wuzuri ghwa mlungunyi ghwafanana na mundu wa nyumba uko na mbuwa ya mizabibu, orefumieghe nakesho kuandika wandu wa kibarua.

MATHAYO 18:23

Niko huwu wuzuri ghwa mlungunyi ghwafanana na mzuri umu orekundieghe kulawua mitalo ya wadumiki wake.

MATHAYO 11:20

Niko Jesu ukazoya kuirasha ija mizi weke mwakilimbiti wengi wibonyero kwawo, angu wandu waro wereleghieghe kuhea.

1 WAZURI 8:47

wikaghaluka na kuhea wikivoya kwa ngolo wiko ahoeni wikiwona seji wibonyere kaung'a na wuwiwi.

LUKA 21:31

Woruwo koni, iji mwawona maza iri rikikaia, manyenyi angu Wuzuri ghwa Mlungu ghoko kaavui.

LUKA 16:30

Nao ukaghamba, ‘Ai hata aba Abrahamu, ela ngera umu wadawighendia kufuma kwa wafu wichahea.’

MATHAYO 25:14

“Angu ichakaia karakara na mundu umu orekundieghe kudamba, ukawiwanga wadumiki wake ukawineka mali rake;

MATHAYO 13:24

Jesu ukawighoria wandu mfwano mzima, “Wuzuri ghwa mlungunyi ghwafanana na mundu orewaeghe mbeu ndicha mbuwenyi kwake.

MATHAYO 4:23

Nao Jesu ukaghenda Galilaya kose ukifundisha andenyi ya sunagogi rawo, ukichila Ilagho Jiboie ja Wuzuri ghwa Mlungu. Ukaboisa kula mbari ya makongo na saka rerekoghe kwa wandu.

LUKA 1:16

nao uchawighalusa wengi wa wana wa Israeli, wimghalukie Bwana Mlungu wawo.

AYUBU 39:12

Kwadima kuisuwiria ikukwanyira makuwido ghako, na kureda viro vako andu kuvichaniagha?