MATHAYO 28:18 - Biblia Ilagho Jiboie Kwa Wandu Wose

¹⁸ Jesu ukawichea ukawizera, “Namerie kunekwa nguma rose mlungunyi na ndoenyi.

MATHAYO 28:18 Referans Kwoze

JOHANE 3:35

Uja Aba wamkunde Mwana, nao wamnekie vilambo vose.

1 PETRO 3:22

uo umerie kughenda mlungunyi, nao oko chia ya mkonu ghwa kiwomi ghwa Mlungu; ukiwibonyera nguma weke malaika, na awo wibonyagha nguma na kudima.

MATHAYO 11:27

Aba waninekie vilambo vose. Hata ndekuwadie ungi ummanyagha Mwana ela Aba, sena ndekuwadie mndungi ummanyagha Aba ela Mwana, na uo ose Mwana uchaakunda kumfunukuya.

WAEBRANIA 2:8

kukaviwika vilambo vose aisi ya maghu ghake vipate kumsikira.” Idana kwa kuviwika vilambo vose aisi yake, vipate kumsikira, ndesighie kilambo chingi usechiwikie aisi yake anduangi. Seji iko, daduagha disewonie vilambo vose vawikwa aisi yake.

1 WAKORINTHO 15:27

Angu, “Mlungu wavibonyere vilambo vose vikaie aisi ya maghu ghake.” Ela iji yaghoreka “Vilambo vose vawikilo aisi maghunyi kwake,” jawonyera worinyi kukaia uo uvibonyagha vilambo vose vikaie maghunyi kwa Kristo, ndetalilo andenyi ya ivo vilambo anduangi.

JOHANE 17:2

Angu koremnekieghe nguma aighu ya wadamu wose, uwineke irangi ja kala na kala waja koremnekieghe.

JOHANE 13:3

Jesu moni ukimanya angu uja Aba wamnekie vilambo vose mikonunyi kwake, na angu orefumieghe kwa Mlungu, sena uaghenda kwa Mlungu;

WAEBRANIA 1:2

Ela agha matuku gha kutua, waghora nesi kwa chia ya Mwana wake; uo oremmbikieghe ukaie mundu wa ifwa ja vilambo vose, na kwa chia yake wori, oreghuumbieghe wurumwengu.

WAKOLOSAI 2:10

nenyo mwachulwa ni irangi andenyi kwake, uo uko chongo aighu ya nguma rose na kudima.

LUKA 10:22

Nanekelo vilambo vose ni Aba; hata ndekuwadie mndungi ummanyagha Mwana nani, ela Aba moni, sena mndungi ndemmanyagha Aba nani, ela Mwana moni, na uo ose Mwana uchaamsaghua umfunukuye.”

WUFUNUO 19:16

Oko na irina jiandikilo ijohonyi kwake na barenyi kwake, MZURI WA WAZURI, na BWANA WA WEKE BWANA.

WAROMA 14:9

Kwa wundu ughu Kristo orefueghe na kukaia moyo sena; eri ukaie Bwana wa awo wifue na wa awo wiko moyo wori.

WUFUNUO 17:14

Nawo wichalwa na uo Mwana wa Ng'ondi chiaimweri na awo wikwanye, werewangiloghe wikasaghulwa, nawo ni waloli; na uo Mwana wa Ng'ondi uchawisima, angu uo ni Bwana wa weke bwana na Mzuri wa wazuri.”

WUFUNUO 11:15

Niko uo malaika wa mfungade ukaikaba tarumbeta yake, kukakaia na chwaka mbaa mlungunyi rikighamba, “Wuzuri ghwa wurumwengu ghwawuya wuzuri ghwa Bwana odu na ghwa Kristo wake, nao uchabonya nguma kwa kala na kala.”

MATHAYO 26:64

Jesu ukamzera, “Oho kwaghamba. Nani namghoria angu kufuma idana mchammbona Mwana wa Mdamu wasea kidombo chia ya mkonu ghwa kiwomi ghwa Uo Uwadie Ndighi, sena ukicha aighu ya mawingu gha mlungunyi.”

ZABURI 89:27

Nicham'bonya ukaie mwana wapo wa womi wa imbiri, na mzuri m'baa kuchumba wazuri wose wa ndoenyi.

MABONYO GHA WADUMI 2:36

“Kwa huwu Waisraeli wose ndewimanye loli, uhu Jesu moremsulubishireghe, Mlungu wam'bonya ukaie Bwana na Kristo wori.”

MABONYO GHA WADUMI 10:36

Inyo mwamanya ijo ilagho orewighenjereghe Waisraeli, ukichila Ilagho Jiboie ja sere kwa chia ya Jesu Kristo (uo nuo Bwana wa wose).

ZABURI 89:19

Kala, koreghorieghe na wadumiki wako wa loli kwa mawono kukaghamba: “Namteserie mndumu uko ing'oni ja wuda; namjosere mndumu nimsaghue kufuma kwa wandu.

MATHAYO 16:28

Namghoria loli, weko wandu aha wisechaafwa anduangi hata wameria kummbona Mwana wa Mdamu ukicha kwa Wuzuri ghwake.”

MAKATANISHO 8:15

Ni ini niwitesiagha wazuri kubonya nguma, na wabonyi nguma kudunga sharia ra hachi.

JOHANE 3:31

Uo uchagha kufuma aighu ni m'baa kuchumba wose, uo ufumagha ndoenyi ni wa ndoenyi, nao wadadeda ra ndoenyi; ela uo ufumagha mlungunyi oko aighu ya wose.