MATHAYO 27:54 - Biblia Ilagho Jiboie Kwa Wandu Wose

⁵⁴ Uja m'baa a masikari, na waja wose werekwanyeghe wikimlindia Jesu, wiendawona ugho msughusiko ghwa ndoe na agho ghose gherebonyekieghe, wikashinika na kughamba, “Loli uhu orekoghe Mwana wa Mlungu.”

MATHAYO 27:54 Referans Kwoze

MARKO 15:39

Na uja m'baa wa masikari ukikaia kimusi ahoeni, iji wawona sa iji orekoghe ukimeria moyo, ukaghamba, “Ni loli mundu uhu orekoghe Mwana wa Mlungu!”

MATHAYO 27:36

niko wikasea kidombo aho wikimlindia.

MATHAYO 27:43

Wamrumirie Mlungu, na kukuwanga ‘Mwana wa Mlungu.’ Oke Mlungu ndemkire idana ngera loli wamkunde.”

MABONYO GHA WADUMI 27:43

Ela m'baa wa masikari ukikunda kumkira Paulo, ukawikania. Ukafunya momu waja widimagha kuogelia, wirame machinyi kande, wizoe kuogelia cha ndoe iomie;

MABONYO GHA WADUMI 27:1

Nao iji yachawoneka angu didambe cha Italia, wikammbika Paulo na wafungwa wazima mikonunyi kwa Julio, m'baa wa masikari gha ijeshi jiwangwagha “Ijeshi ja Augusto.”

MABONYO GHA WADUMI 23:23

Nao m'baa wa majeshi ukawiwanga wabaa wa masikari wawi ukaghamba, “Saa idadu ra kio mmbike nicha masikari maghana awi, wandu wa farasi mirongo mfungade, na wandu maghana awi wa mafumu; wighende hata Kaisaria.

MABONYO GHA WADUMI 21:32

Shwa wori ukawada masikari na wabaa wawo, ukasea na iseghe cha wandunyi; wandu wiendammbona m'baa wa majeshi andwamweri na masikari, wikasigha kumkaba Paulo.

MATHAYO 8:5

Nao iji Jesu orekoghe ukingia muzi ghwa Kafarnaumu, m'baa umu Mroma ukamghendia ukimlomba wutesia,

MATHAYO 4:3

Niko Mtimi ukamchea ukamzera, “Ikakaia oho ko Mwana wa Mlungu, ghizere magho agha ghiwuye mikate.”

WUFUNUO 11:13

Ngelo ija cheni, korekoghe na msughusiko m'baa ghwa ndoe, na ifungu ja ikumi ja muzi jikaghwa; wandu elfu mfungade wikabwaghwa ni ugho msughusiko; na awo weresigharikieghe, wikakambwa ni chongo na ndighi, na kuobua, nawo wikamneka wubaa Mlungu wa mlungunyi.

WAROMA 1:4

na kwa chia ya wueli ghwake ghwa wulungu, orewonyeroghe kukaia Mwana wa Mlungu kwa ndighi mbaa, kwa uko kurukishwa kwake kufuma kwa wafu, uo Jesu Kristo Bwana odu.

MABONYO GHA WADUMI 23:17

Paulo ukammbanga m'baa wa masikari ukaghamba, “Mghenje uhu mdawana kwa m'baa wa majeshi; oko na ilagho ukunde kumghoria.”

MABONYO GHA WADUMI 10:1

Korekoghe na mndumu andenyi ya muzi ghwa Kaisaria uwangwagha Kornelio, m'baa wa ijeshi jiwangwagha, “Ijeshi ja Kiitalia.”

MABONYO GHA WADUMI 2:37

Nao iji wereghisikireghe agho, wikadungwa ngolonyi kwawo wikamzera Petro na wadumi wambao, “Dibonya wada wanidu?”

JOHANE 19:7

Wayahudi wikamtumbulia, “Isi deko na sharia, na kunughana na sharia iyo yamfwana ufo, angu orekubonyereghe moni kukaia Mwana wa Mlungu.”

LUKA 22:70

Niko aho wose wikaghamba, “Huwo ni kughamba oho ko Mwana wa Mlungu?” Ukawitumbulia, “Inyo mwaghamba angu ini nuo moni.”

MATHAYO 27:40

wikighamba, “Haya, oho kuinonagha Hekalu na kuiagha kwa matuku adadu, kukukire kumoni! Ngera loli ko Mwana wa Mlungu, oke sea msalabenyi.”

MATHAYO 26:63

Ela Jesu ukanyama kima. Mkohani M'baa ukamzera, “Nakughemesha kwa irina ja Mlungu uko moyo, kudighorie ngera oho nuo Kristo Mwana wa Mlungu.”

MATHAYO 27:51

Niko aho pazia ya Hekalu ikarashuka vibelele viwi kufuma aighu hata andoenyi; ndoe ikasughusika, na magho ghikabarika;