MATHAYO 27:46 - Biblia Ilagho Jiboie Kwa Wandu Wose

⁴⁶ Iendavika saa ikenda, Jesu ukakema kwa lwaka lubaa, “Eli, Eli, lama sabakithani?” Kutambua kwaro, “Mlungu wapo, Mlungu wapo, kwaki kwanisigha?”

MATHAYO 27:46 Referans Kwoze

ZABURI 22:1

Mlungu wapo, Mlungu wapo, kwaki kwanisigha? Kwaki kwakaia kula kuruma kwapo huwu kusenitesiagha?

WAEBRANIA 5:7

Matuku gha Jesu ukikaia mumbinyi, oremlombieghe Mlungu uo udimagha kumkira na kifwa, kwa lwaka lubaa lwa kuvoya na kudikwa ni mbori, nao ukasikirwa angu orekoghe na kuja kuobua kwa Mlungu.

ISAYA 53:10

BWANA waghamba, “Erekoghe ni lukundo lwapo kumvonua, na kumngira wasinyi; ingelo orekufunyagha uo moni kizongona kwa wundu ghwa kaung'a, nao uchawona kivalwa chake, na kudua moyo matuku mengi, lukundo lwapo luchakatishwa kwa chia yake uo;

MARKO 15:34

Nao saa ikenda, Jesu ukakema na lwaka lubaa, “Eloi, Eloi, lama sabakithani!” kutambua kwaro, “Mlungu wapo, Mlungu wapo, kwaki kwanisigha?”

ZABURI 71:11

Waghamba, “Mlungu wamsighie; dimnughe dimmbwade angu ndena mndungi omkira.”

LUKA 23:46

Nao Jesu ukikema na lwaka lubaa ukaghamba, “Aba, naiwika roho yapo mikonunyi kwako.” Umeria kughora huwo ukameria moyo.

KILILO CHA JEREMIA 1:12

Muzi ghwaawuyakema, “Nizighanenyi inyo mmbose muidagha! Ndekuwadie mndungi upatire wasi sa ghwapo; wasi ghuredelo ni BWANA ngelo ya machu ghake ghibirie.

MATHAYO 27:47

Niko wandu wamu werekoghe kimusi aho, iji wasikira agho wikaghamba, “Mundu uhu waawuyammbanga Elija.”