MATHAYO 27:45 - Biblia Ilagho Jiboie Kwa Wandu Wose

⁴⁵ Nao kufuma saa irandadu, kira chikasea isanga jose, hata saa ikenda.

MATHAYO 27:45 Referans Kwoze

AMOSI 8:9

Ngelo ichacha, nani nichabonya iruwa jineng'ene dime ghadi, na kubonya ndoe isere kira nadime.

ISAYA 50:3

Nadaredia mawingunyi wuchilu, hata kukaie sa mundu urwae nguwo ra magunia.”

WUFUNUO 9:2

Nayo ikarughua icho kina cha abuso, ghukajoka mosi kufuma kwa icho kina, sa mosi ghwa iwiwi ibaa; iruwa na mbeonyi kukatuwirwa kira ni ugho mosi ghorefumieghe kinenyi.

MARKO 15:25

Erekoghe saa idadu nakesho iji weremsulubishagha.

WUFUNUO 8:12

Uo malaika wa kana ukaikaba tarumbeta yake, ifungu ja kadadu ja iruwa, na ja mori, na ja nyerinyeri jikakabwa, hata ifungu ja kadadu ja miengere yaro jikawuya kira; na ifungu ja kadadu ja dime hata ja kio ndejeredimieghe kufunya miengere yaro anduangi.

JOHANE 19:14

Erekoghe sa saa ya karandadu, najo ni Ituku ja Kukutumbanya kwa Pasaka; Pilato ukawizera Wayahudi, “Mzighanenyi Mzuri onyu.”

MABONYO GHA WADUMI 3:1

Ituku jimu, Petro na Johane werekoghe wikijoka kughenda Hekalunyi ngelo ya kulomba saa ikenda.