MATHAYO 26:41 - Biblia Ilagho Jiboie Kwa Wandu Wose

⁴¹ Chereshenyi mlombe msengie mtimonyi, ija roho loli yakunde, ela mumbi ghwakaia mnyonge.”

MATHAYO 26:41 Referans Kwoze

LUKA 22:46

Nao ukawizera, “Kwaki mlalagha? Wukenyi mlombe msengie matimonyi.”

MARKO 14:38

Chereshenyi, mlombe msengie matimonyi. Roho yakunde loli, ela mumbi ghwakaia mnyonge.”

WAEFESO 6:18

Lombenyi kwa Roho tuli tuli; kwa kulomba na kuvoya kose, mkicheresha aighu ya agho kwa kurumaghia kose, na kuvoya kwa wundu ghwa waeli wose.

MATHAYO 6:13

Kusakedikumba matimonyi, Ela kudikire na uja Mmbiwi.’

LUKA 21:36

Ela chereshenyi ngelo rose mkilomba, mpate kukaia nandighi rekia maza iri rose richagha, sena mdime kukaia kimusi imbiri ya Mwana wa Mdamu.”

WUFUNUO 16:15

(“Ola niacha sa kitoi! Warasimilwa uo uchereshagha na kurilindia nguwo rake, usecheghenda duu na kuwoneka wuduu ghwake.”)

1 WAKORINTHO 16:13

Chereshenyi, mangenyi kwa irumirio jenyu; mkaie na ngolo na kufunga ndighi.

1 PETRO 5:8

Kaienyi na akili mchereshe. M'maiza onyu, uo Ibilisi, waawuyamara-mara sa shimba irurumagha ikimlola mndungi ipate kumja.

1 WAKORINTHO 10:13

Ndekuwadie itimo jingi jimpatire, iseeka ni ijo jeni jiwipatagha wandu wose. Mlungu ni mloli, nao ndechaamsigha mtimo kuchumba ndighi renyu; ela chiaimweri na jija itimo, uchaboisa chia ejifuma, eri mdime kujirumaghia.

2 PETRO 2:9

Kwa huwo, Bwana waichi kuwivuvua na matimo awo wimuobuagha Mlungu, na kuwiwika wakosi wifungie hata Ituku ja Kutanywa;

MATHAYO 24:42

Kwa huwu chereshenyi, angu ndemmanyire ni ituku jiao Bwana onyu uchaacha anduangi.

WUFUNUO 3:10

Kwa kukaia kwajiwadie ijo ilagho ja kurumaghia luma kwapo, nani nichakulindia ngelo iyo ighucheagha wurumwengu ghose kuwitima awo wikaiagha ndoenyi.

1 PETRO 4:7

Uko kutua kwa maza rose kwalighisa; kwa huwo kaienyi na akili na kukumazira eri mpate kulomba Mlungu.

LUKA 22:40

Hata iji wameria kuvika, Jesu ukawizera wanughi wake, “Lombenyi msechengia matimonyi.”

WAGALATIA 5:24

Na awo wiko wa Kristo Jesu wamerie kughusulubisha mumbi chiaimweri na mirudo yaro na bea raro.

1 WAKORINTHO 9:27

ela naghubwaghishira mumbi ghwapo na kughumazira; isechekaia nyuma ya kuwichilia wazima, ini moni nilegho.

MATHAYO 25:13

Kwa huwu chereshenyi, angu ndemjimanyire ituku hata saa anduangi.

ZABURI 119:32

Nichaghiwadia malaghiro ghako kwa kufunga ndighi, kwa kukaia oho kuchachuria kunitambushira.

MATHAYO 26:38

Niko aho ukawizera, “Nakaia na kuwawa kubaa ngolonyi kwapo kuvikia kufwa. Kaienyi aha mchereshe andwamweri nani.”

ZABURI 119:1

Warasimilwa awo wisewadie ikosa jingi, widuagha moyo kwa kunugha sharia ya BWANA.

WAROMA 8:3

Angu agho ghiseredimikieghe kwa Sharia, kwa kukaia erekoghe isewadie ndighi kwa wundu ghwa mumbi, Mlungu kwa kumduma Mwana wake moni uko na fwana ya mumbi ghwa kaung'a, ukaie kizongona kwa wundu ghwa kaung'a, waitanyire kaung'a mumbinyi.

LUKA 11:4

kudileke kaung'a redu angu na isi wori dadawilekia awo widikoseragha; kusakedikumba matimonyi.’”

LUKA 8:13

Iri rerepotokieghe maghonyi, ni sa wandu wijisikiragha ilagho na kujiwusa kwa kuboilwa, ela kwa kukaia wisewadie miri ingi, ngelo ya matimo wadawuya nyuma.

ZABURI 119:117

Niwadie, nipate kukaia banana; niritale sharia rako tuli tuli.

ZABURI 119:115

Injikenyi kwapo inyo wabonyi kiwiwi, nipate kughiwadia malaghiro gha Mlungu wapo.