MATHAYO 26:39 - Biblia Ilagho Jiboie Kwa Wandu Wose

³⁹ Nao ukaghenda imbiri katini, ukaghwa kiwushu-wushu ukalomba, “Aba ngera kudimika kikombe ichi cha wasi ndechiniide; ela isekaie seji nikundagha ini, ela ikaie seji kukundagha oho.”

MATHAYO 26:39 Referans Kwoze

JOHANE 6:38

Angu serechieghe kufuma mlungunyi kubonya lukundo lwapo anduangi; ela kubonya lukundo lwake Uo orenidumieghe.

WAFILIPI 2:8

Nao ukiwoneka na fwana ya mdamu, orekuserieghe moni, ukakaia msikiri hata kufwa; hata icho kifwa cha msalaba.

MATHAYO 26:42

Nao ukaghenda sena indo ja kawi ukalomba, “Aba ikakaia ndeidimikagha ichi kikombe chiniide, lukundo lwako lubonyeke.”

WAEBRANIA 5:7

Matuku gha Jesu ukikaia mumbinyi, oremlombieghe Mlungu uo udimagha kumkira na kifwa, kwa lwaka lubaa lwa kuvoya na kudikwa ni mbori, nao ukasikirwa angu orekoghe na kuja kuobua kwa Mlungu.

JOHANE 5:30

“Sidimagha kubonya ilagho jingi kwa nguma yapo ini moni anduangi; ela nadatanya sa iji nisikiragha kwa Aba, na kutanya kwapo ni kwa hachi, kwa kukaia silolagha lukundo lwapo ini moni anduangi, ela lukundo lwake uo orenidumieghe.

JOHANE 14:31

Ela yafwane wurumwengu ghumanye angu namkunde Aba, niko nawuyabonya sa iji koni orenilaghirieghe. Wukenyi difume aha.

JOHANE 18:11

Jesu ukamzera Petro, “Wunja lufu lwako kiwonyi kwaro. Welee, kuamanya icho kikombe Aba uninekie sichinywagha?”

JOHANE 11:41

Nao wikajiinja igho. Jesu ukazighana noko ighu ukaghamba, “Nakuneka chawucha Aba, angu kwanisikira,

MATHAYO 20:22

Ela Jesu ukamtumbulia, “Inyo ndemmanyire ichi mwawuyalomba. Mwadima kunywa kikombe nichaachinywa ini?” Wikatumbulia, “Dadima.”

MITALO 16:22

Musa na Haruni wikaghwa kijimijimi wikaghamba, “Ee Mlungu, kuko Mlungu wa roho ra mimbi yose, wele mundu umweri ukakosa, kuajibonyera machu izungu jose?”

MATHAYO 24:24

Angu wichawuka weke Kristo wa tee na walodi wa tee; wichawonyera weke mwakilimbiti wengi na mashiniko; wipate kuwilaghasha ngera idimika hata awo wasaghulwa.

EZEKIELI 1:28

Sa lusenge lwa vua luko mawingunyi ngelo ya vua kunya, niko uko kung'ala-ng'ala kwaro korekoghe kwammara chia rose. Kuwoneka uko kodefwanana na wubaa ghwa BWANA. Nani iji nerehuwonieghe ugho wubaa, nereghueghe andonyi kiwushu-wushu, ngasikira lwaka lwa mndumu udedagha.

2 SAMUELI 15:26

Da nako BWANA ukaghamba ndena kuboilwa kungi nani, ini nichasigha lukundo lwake lubonyeke.”

MITALO 14:5

Niko Musa na Haruni wikaghwa kijimijimi imbiri ya jija izungu jose ja wandu wa Israeli.

WUFUNUO 19:10

Niko ngaghwa kijimijimi maghunyi kwa uo malaika nipate kumtasa; ela uo ukanizera, “Kusakebonya huwo! Ini ne mdumiki sa kumoni, na sa awo wanyinyu wiwadie wushuhuda ghwa Jesu. Mtase Mlungu.” Angu ugho wushuhuda ghwa Jesu, niyo roho ya wulodi.

1 MALAGHO GHA NGELO 21:16

Daudi ukawusira meso ghake ukammbona uo malaika wa BWANA, uko kimusi ghadi na ghadi ya mlungunyi na ndoenyi uko na lufu mkonunyi walughorua aighu ya Jerusalemu. Daudi na waghosi wirwae nguwo ra magunia wikaghwa kiwushu-wushu.

KUZOYA 17:3

Abramu ukaghwa kiwushu-wushu na Mlungu ukamzera,

MABONYO GHA WADUMI 10:25

Hata iji Petro wangia, Kornelio ukammara, ukaghwa maghunyi kwake na kumtasa.

LUKA 17:16

ukaghwa kiwushu-wushu maghunyi kwake Jesu, na kumfunyira chawucha. Nao orekoghe Msamaria.

MARKO 13:22

Angu wichawuka weke Kristo wa tee, na walodi wa tee; wichawonyera wandu alama na mashiniko, kwa kuwilaghasha; hata ngera kudimika, na waja wasaghulwa wori.

ISAYA 50:5

Bwana MLUNGU wanifungue madu ghapo, ngasikira; nani sereleghieghe, hata serewurieghe nyuma anduangi.

ISAYA 53:12

Kwa huwo nichammbaghia ifungu jake chiaimweri na wabaa, nao uchawaghanya vilambo uvidwae wunyika, chiaimweri na awo wiwadie ndighi; angu orefunyireghe irangi jake hata kifwa, na kutalwa andwamweri na wakosi; ela oredukieghe kaung'a ra wandu wengi, na kuwilombia wakosi.”

JOHANE 5:19

Nao Jesu ukawizera, “Namghoria loli, Mwana ndedimagha kubonya ilagho jingi uo moni anduangi, ela wadabonya karakara na agho ughiwonagha kwa Ndee. Angu agho ughibonyagha uja Aba, nigho gheni na Mwana ughibonyagha wokoni.