MATHAYO 26:38 - Biblia Ilagho Jiboie Kwa Wandu Wose

³⁸ Niko aho ukawizera, “Nakaia na kuwawa kubaa ngolonyi kwapo kuvikia kufwa. Kaienyi aha mchereshe andwamweri nani.”

MATHAYO 26:38 Referans Kwoze

JOHANE 12:27

“Idana ngolo yapo yaja wasi. Nighora wada? Niaghora, ‘Aba kunikire na ihi ngelo?’ Ii hata, nedecha kwa wundu ghwa ihi ngelo.

1 PETRO 3:18

Angu Kristo wori orefueghe kwa wundu ghwa kaung'a indo jimweri tua; mundu wa hachi, kwa wundu ghwa wandu wiseko na hachi; eri upate kudireda kwa Mlungu; mumbi ghukabwaghwa, ela roho ikakaishwa moyo.

1 PETRO 2:24

Kristo moni oreridukieghe kaung'a redu mumbinyi kwake aighu ya mudi, eri dipate kufwa cha kaung'enyi, na kukaia moyo cha hachinyi. Kwa makabo ghake, moreombochologhe.

WAGALATIA 3:13

Kristo oredikombueghe kufuma kwa njowe ya Sharia, kwa kuwuya njowe uo moni; angu yaandikilo, “Ndewado ni njowe kula mundu unyonyoreshwagha mudinyi”,

ISAYA 53:10

BWANA waghamba, “Erekoghe ni lukundo lwapo kumvonua, na kumngira wasinyi; ingelo orekufunyagha uo moni kizongona kwa wundu ghwa kaung'a, nao uchawona kivalwa chake, na kudua moyo matuku mengi, lukundo lwapo luchakatishwa kwa chia yake uo;

1 PETRO 4:7

Uko kutua kwa maza rose kwalighisa; kwa huwo kaienyi na akili na kukumazira eri mpate kulomba Mlungu.

2 WAKORINTHO 5:21

Kristo ndereichii kaung'a, ela Mlungu orem'bonyereghe kukaia kaung'a kwa wundu ghodu, eri isi dipate kukaia hachi ya Mlungu andenyi kwake.

WAROMA 8:32

Uo useremmbonieghe wughoma Mwana wake moni, ela ukamfunya kwa wundu ghodu isi diwose, uchalegha wada kudineka vindo vose andwamweri nao?

MATHAYO 25:13

Kwa huwu chereshenyi, angu ndemjimanyire ituku hata saa anduangi.

ISAYA 53:3

Oremenyeroghe na kuleghwa ni wandu, mundu wa wasi uichi kutirirwa, na sa mundu useko ozighanwa ni wandu, oremenyeroghe, hata wandu ndeweremtalieghe kukaia kindo chingi anduangi.

ZABURI 116:3

Kwa chia rose nedeeka ndengonyi ya kufwa; wowa ghwa kaburi ghorenipatireghe; ngachulwa ni wowa na kukambwa ni chongo.

ZABURI 42:5

Kwaki nijagha wasi huwu na kusumbuka? Nichawika isuwirio japo kwa Mlungu, nani nichamkasa sena Mkiri wapo na Mlungu wapo.

ISAYA 53:12

Kwa huwo nichammbaghia ifungu jake chiaimweri na wabaa, nao uchawaghanya vilambo uvidwae wunyika, chiaimweri na awo wiwadie ndighi; angu orefunyireghe irangi jake hata kifwa, na kutalwa andwamweri na wakosi; ela oredukieghe kaung'a ra wandu wengi, na kuwilombia wakosi.”

MARKO 14:34

Ukawizera, “Ngolo yapo yaja wasi nandighi kuvikia kufwa. Kaienyi aha mchereshe.”

LUMBO 5:3

Nameria kurua nguwo, niwuyarwa wada sena? Nameria kuoghosha maghu, niwuyaghilusha wada sena?