MATHAYO 26:13 - Biblia Ilagho Jiboie Kwa Wandu Wose

¹³ Nani namghoria loli, andu kose wurumwengunyi jichaachilwa ijo Ilagho Jiboie, na iji najo wajibonya muka uhu, jichaghorwa kwa kumkumbuka.”

MATHAYO 26:13 Referans Kwoze

MARKO 14:9

Namghoria loli, kula andu kose jichaachilwa Ilagho Jiboie wurumwengunyi kose, iji najo wajibonya muka uhu jichaghorwa kwa kumkumbuka.”

MATHAYO 24:14

Na iji Ilagho Jiboie ja Wuzuri jichachilwa wurumwengunyi kose kukaia wushuhuda kwa wandu wose; aho niko kutua kuchacha.

ZABURI 112:6

Mhachi ndechaanyavurika jingi; uchakumbukwa kwa kala na kala.

WAEBRANIA 6:10

Si angu wei Mlungu oosowa hachi, hata uleghe kuritala kazi renyu na lukundo muko nalo, ulo moreluwonyereghe kwa wundu ghwake kwa chia ya kuwidumikia waeli, sa iji koni mduagha mkibonya.

ISAYA 52:9

Wusirenyi chwaka m'bore chiaimweri, inyo maghacho gha Jerusalemu; kwa kukaia BWANA wawihoresha wandu wake, waghukombua muzi ghwa Jerusalemu.

1 SAMUELI 2:30

Ini BWANA Mlungu wa Israeli nerelaghirieghe kukaia oho na kivalwa chako chichanidumikia kwa wukohani matuku ghose; ela idana, naghamba agho sichaaghibonya putu; kwa kukaia nadawitala awa winitalagha, na kuwimenya awo winimenyagha.

WUFUNUO 14:6

Niko ngawona malaika umu ukiburuka mbeonyi, uko na Ilagho Jiboie ja kala na kala; upate kuwichilia awo wikaiagha ndoenyi wa kula mbari, kichuku, kiteto, na wandu;

1 TIMOTHEO 2:6

uo orekufunyireghe moni ukaie wukomboli kwa wundu ghwa wandu wose, nagho ni wushuhuda ghufunyiro kwa ngelo yaro.

WAKOLOSAI 1:23

Elaima yamfwana mduo andenyi ya jija irumirio, mmangishiro, msenyavurikagha, hata kujisigha ijo isuwirio ja Ilagho Jiboie ijo morejisikireghe; najo jachililo kwa kula mundu wurumwengunyi kose, na kwa wundu ghwaro, ini Paulo nawurie mdumiki waro.

WAKOLOSAI 1:6

jerechieghe konyu, sa iji koni loli jawuyaera wurumwengunyi kose jikiva matunda na kuzoghua. Huwo koni, na aghadi konyu, kufuma morejisikireghe na kutambukilwa ni ugho mvono ghwa Mlungu andenyi ya loli,

2 WAKORINTHO 10:18

Angu mundu nderumirilwagha kwa kukukasa uo moni anduangi, ela uarumirilwa kwa kukaswa ni Bwana.

WAROMA 15:19

kwa ndighi ra weke mwakilimbiti na mashiniko, na kwa ndighi ra Roho Mweli. Huwu namerie kujichila Ilagho Jiboie ja Kristo kufuma Jerusalemu hata Iluriko.

WAROMA 10:18

Ela niakotia, da loli ndewisikire? Loli wasikire putu, angu: “Chwaka rawo rasikirikie ndoenyi kose na madedo ghawo ghaerie hata kutua kwa ndoenyi.”

LUKA 24:47

Mbari rose ripate kuchililwa kuhea na kulekwa kaung'a rawo kwa irina jake kuzoya Jerusalemu.

MARKO 16:15

Nao ukawizera, “Ghendenyi wurumwengunyi kose, chilenyi Ilagho Jiboie kwa wadamu wose.

MARKO 13:10

Ela imbiri ya iro, suti Ilagho Jiboie jichilo kwa mbari rose.

MATHAYO 28:19

Idana ghendenyi m'bonye wandu wa mbari rose wikaie wanughi, mkiwibaputiza kwa irina ja Aba, na ja Mwana, na ja Roho Mweli;

MABONYO GHA WADUMI 10:4

Nao ukamkuya meso ukiobua na kughamba, “Ni wada Bwana?” Ukamzera, “Malombi ghako na makuwio ghako ghajoka na kukaia lukumbuso imbiri ya Mlungu.