MATHAYO 26:10 - Biblia Ilagho Jiboie Kwa Wandu Wose

¹⁰ Ela Jesu ukimanya agho ukaghamba, “Kwaki mumsumbuagha uhu muka? Uo wanibonyera ilagho icha.

MATHAYO 26:10 Referans Kwoze

TITO 3:8

Ilagho iji ni ja loli. Nakunde malagho agho kughighore kwa ndighi, eri awo wimerie kurumiria kwa Mlungu wikufunye kwa kubonya kazi ndicha; naro raboie na kukaia na fwaida kwa wandu.

WAEBRANIA 13:21

ndemkatishe kwa vilambo vose vicha, mpate kubonya lukundo lwake; ukibonya andenyi konyu icho chim'boiagha uo, kwa chia ya Jesu Kristo; kwake uo, ndeghukaie wubaa kwa kala na kala. Amen.

TITO 3:14

Na wandu wedu wikufundishe kukufunya kwa kubonya kazi ndicha, eri widime kutesia maza rakundika kwa shwa-shwa, wisekaie wisene mabonyo.

TITO 3:1

Kuwikumbuse wandu wikusere kwa wabaa, na awo wibonyagha nguma; wikaie wesikira, na kukaia tayari kubonya kazi iyo yose iko ndicha.

TITO 2:14

Uo orekufunyireghe moni kwa wundu ghodu, upate kudikombua kufuma kwa makosa ghose, na kukueleshera moni wandu wake, awo wifungagha ndighi kwa mabonyo mecha.

TITO 1:16

Waghamba wei wamwichi Mlungu, ela waawuyamkana kwa mabonyo ghawo; ni wandu wizamie, wileghagha, wisefwanagha kwa kazi ingi ndicha.

2 TIMOTHEO 2:21

Ngera mndungi wakuelesha moni na iro maza mbiwi, uchakaia chombo cha ishima, chiwikilo wakfu, chimfwanagha mundu wa nyumba, kwa wundu ghwa kula kazi ndicha.

1 TIMOTHEO 5:10

Ukaie ushuhudilo kwa mabonyo ghake mecha ghelela wana, kukaribisha waghenyi, kuoghosha waeli maghu, kuwitesia awo wiko na wasi, na kukufunya moni kubonya nicha kwa kula chia.

1 TIMOTHEO 3:1

Ilagho iji ni ja loli; ngera mndungi wakunda kazi ya wuzighaniri ghwa ikanisa, wakunda kazi ndicha.

2 WATHESALONIKE 2:17

ndemhoreshe ngolo renyu na kurimangisha kwa kula ilagho, na kazi ndicha.

WAKOLOSAI 1:10

Mkaie na irangi jimfwanagha Bwana, jim'boiagha putu, mkibonya kazi ndicha kwa kula chia, na kuchurikia kwa kummanya Mlungu.

WAEFESO 2:10

Angu nuo udibonyere, ukadiumba andenyi ya Kristo Jesu, kwa wundu ghwa mabonyo mecha; agho Mlungu oreghiboisireghe kufuma imbiri, dipate kughibonyaghaa.

WAGALATIA 6:17

Kufuma idana mndungi usakenijisha wasi, angu naawuyadwa vilema va Jesu mumbinyi kwapo.

WAGALATIA 5:12

Awo wandu wawuyamjisha wasi huwo, ndewikudemaa-dema weni!

WAGALATIA 1:7

Si angu wei jeko ilagho jiboie jingi izima, ela weko wandu wamu wawuyamjisha wasi na kukunda kujighalua Ilagho Jiboie ja Kristo.

2 WAKORINTHO 9:8

Na Mlungu wadima kumneka inyo kula irasimio kwa wungi, eri ngelo rose mkaie na kukatwa ni kula kindo, mpate kufunya kwa wungi kwa wundu ghwa kula kazi ndicha.

MARKO 14:6

Ela Jesu ukawizera, “Mlekenyi; kwaki mumjishagha wasi, nao wanibonyera ilagho jiboie?

AYUBU 13:7

Muadeda kiwiwi kwa wundu ghwa Mlungu, na kughora malagho gha tee kwa wundu ghwake?

NEHEMIA 2:18

Ngawighoria seji Mlungu wapo orekoghe andwamweri nani ukanitesia, na agho nizerelo ni mzuri. Nawo wikarumiria wikighamba, “Ndedizoye kuagha.” Wikakaia tayari kuzoya kazi.

1 PETRO 2:12

Mkaie na tabia ndicha aghadi ya wandu wa mbari zima; eri wikakaghora aighu yenyu wei mo wabonyi kiwiwi, wiriwone kazi renyu riboie, na kumkasa Mlungu ijo Ituku uchagha.

MATHAYO 26:9

Agha mavuda ghadima kuuzwa kwa zoghori mbaa, na iro pesa rineko wakiwa.”

MATHAYO 26:11

Mokwanye na wakiwa matuku ghose, ela ini sichakaianya na inyo matuku ghose anduangi.

LUKA 8:49

Nao iji orekoghe ukideda, ukacha mundu umu kufuma nyumbenyi kwa uja m'baa wa sunagogi, ukamzera, “Mwai wako wameria kufwa, kusesindemjisha Mwalimu wasi.”