MATHAYO 24:7 - Biblia Ilagho Jiboie Kwa Wandu Wose

⁷ Angu mbari ichabonya wuda aighu ya mbari na wuzuri aighu ya wuzuri, kuchakaia na njala na misughusiko andu kuzima kuzima.

MATHAYO 24:7 Referans Kwoze

LUKA 21:11

kuchakaia na misughusiko mibaa ndoenyi, njala na saka rizamie andu kuzima kuzima, kuchakaia na maza mbaa reobosha riwonekagha mawingunyi.

WUFUNUO 6:8

Ngawona farasi ya fusifusi, na uo oreijokieghe, irina jake orewangiloghe Kifwa, na Andu Kwa Wafu korenughaneghe nao; nawo werenekeloghe nguma aighu ya ifungu ja kana ja ndoenyi; wibwaghe kwa lufu, na kwa njala, na kwa saka izamie, na kwa nyamandu ra isakenyi ra ndoenyi.

ISAYA 19:2

BWANA waghamba, “Nichawinyavurisha Wamisri, nawo wichalwa weni na weni, wichalwa mundu na mruna, na mundu na mmbao. Muzi kwa muzi na wuzuri kwa wuzuri.

ZEKARIA 14:13

Ngelo iyo, BWANA uchawibonya wilaghalo ni akili; wichangilwa ni kiture hata wiwoke kulwa weni na weni.

MABONYO GHA WADUMI 11:28

Na umu wawo uwangwagha Agabo, ukawuka na kuloda kwa ndighi ra Roho seji njala mbaa ichaabuka wurumwengu ghose. Na njala io, erebukieghe iji Klaudio orekoghe ukibonya nguma.

2 MALAGHO GHA NGELO 15:6

Wandu werewaghikieghe mbari ikilwa na mbari, na muzi ghukilwa na muzi; angu Mlungu orekoghe ukiwisumbua na wasi ghwa kula mbari.

WUFUNUO 6:12

Hata iji uo Mwana wa Ng'ondi oreghufungueghe ugho muhuri ghwa karandadu, nerezighanireghe, nao ola korekoghe na msughusiko m'baa ghwa ndoe; iruwa jikawuya ja chilu sa nguwo ya igunia, na mori ghukawuya ghwa ngundu sa bagha,

WAEBRANIA 12:27

Malagho agha “Indo jimu sena,” ghiawonyera kuinjwa kwaro ivo visughuswagha sa vilambo viumbilo, eri ivo visedimikagha kusughuswa, vipate kusigharika.

EZEKIELI 21:27

Kunona, kunona, nichaghunona ugho muzi hata ghusesigharike andu komanyisha wei ghorekoghe, hata wameria kucha mundu waro moni, nani nichamneka ugho muzi.

EZEKIELI 14:21

Bwana MLUNGU waghamba huwu, “Welee, maza rizama saki ngaghudumia muzi ghwa Jerusalemu makabo ghapo ana; wuda ghwa lufu, njala, nyamandu rizamie, na saka izamie, eri nipate kubwagha mdamu na nyamandu!

MABONYO GHA WADUMI 2:19

Nani nichawiwonyera mashiniko aighu mlungunyi, na alama aisi ndoenyi; kuchakaia na bagha, modo, na mosi ghwa ikungughu.

ISAYA 29:6

kuchachelwa ni BWANA wa majeshi, kukuvuvua kwa lukuwa na msughusiko ghwa ndoe; na lwaka lubaa, na kikulughulu na kiremba; na lumu lwa modo lukoragha.

WUFUNUO 6:5

Hata iji uo Mwana wa ng'ondi oreghufungueghe ugho muhuri ghwa kadadu, neresikireghe iyo nyamandu iko moyo ya kadadu ikighamba “Choo”. Ngawona farasi ya chilu, na uo oreijokieghe orekoghe na ratili mkonunyi kwake.

WUFUNUO 6:6

Ngasikira sa lwaka aghadi ya iro nyamandu riko moyo inya lukighamba, “Pishi imweri ya ngano kwa dinari na pishi idadu ra shairi kwa dinari; ela mavuda na divei kusakevibonya ilagho jingi.”