MATHAYO 24:42 - Biblia Ilagho Jiboie Kwa Wandu Wose

⁴² Kwa huwu chereshenyi, angu ndemmanyire ni ituku jiao Bwana onyu uchaacha anduangi.

MATHAYO 24:42 Referans Kwoze

LUKA 21:36

Ela chereshenyi ngelo rose mkilomba, mpate kukaia nandighi rekia maza iri rose richagha, sena mdime kukaia kimusi imbiri ya Mwana wa Mdamu.”

1 WATHESALONIKE 5:6

Kwa huwo disakelala seji wazima wilalagha, ela dichereshe na kukaia na akili.

MATHAYO 25:13

Kwa huwu chereshenyi, angu ndemjimanyire ituku hata saa anduangi.

WUFUNUO 16:15

(“Ola niacha sa kitoi! Warasimilwa uo uchereshagha na kurilindia nguwo rake, usecheghenda duu na kuwoneka wuduu ghwake.”)

1 WAKORINTHO 16:13

Chereshenyi, mangenyi kwa irumirio jenyu; mkaie na ngolo na kufunga ndighi.

MATHAYO 24:36

“Ela ituku na saa ija, mndungi ndeimanyagha; hata weke malaika wiko mlungunyi, hata Mwana, ela Aba moni.

WAROMA 13:11

Chiaimweri na agho, inyo mwamanya ihi ni ngelo ifwane wada; kukaia ni ngelo yavika ya inyo kuwuka kufuma dilonyi. Angu kukia koko kaavui kodu idana kuchumba ngelo iyo derezoeghe kurumiria.

MATHAYO 24:44

Kwa huwu inyo wori, kaienyi nicha, angu Mwana wa Mdamu uchacha ngelo mseimanyagha anduangi.

1 PETRO 5:8

Kaienyi na akili mchereshe. M'maiza onyu, uo Ibilisi, waawuyamara-mara sa shimba irurumagha ikimlola mndungi ipate kumja.

1 PETRO 4:7

Uko kutua kwa maza rose kwalighisa; kwa huwo kaienyi na akili na kukumazira eri mpate kulomba Mlungu.

MATHAYO 24:43

Ela manyenyi ilagho iji: angu ngera mundu wa nyumba odemanya ni ngelo iao ya nakio uchelwagha ni kitoi, kumangu orechereshagha; hata ndereisighagha nyumba yake ibaro ni vitoi anduangi.

MATHAYO 25:10

Ela iji werefumieghe kwendaghua, uja bwana arusi ukacha, na waja werekoghe tayari wikangianya nao cha karamunyi ya arusi, mnyango ghukarughwa.

LUKA 21:34

“Mkulindie, ngolo renyu risechechulwa ni lwafuo, kuwongia, na maza ra irangi iji; Ituku ijo jichemchea ghafla msemanyagha.