MATHAYO 24:24 - Biblia Ilagho Jiboie Kwa Wandu Wose

²⁴ Angu wichawuka weke Kristo wa tee na walodi wa tee; wichawonyera weke mwakilimbiti wengi na mashiniko; wipate kuwilaghasha ngera idimika hata awo wasaghulwa.

MATHAYO 24:24 Referans Kwoze

MARKO 13:22

Angu wichawuka weke Kristo wa tee, na walodi wa tee; wichawonyera wandu alama na mashiniko, kwa kuwilaghasha; hata ngera kudimika, na waja wasaghulwa wori.

MATHAYO 24:11

Wichawuka walodi wa tee wengi, nawo wichawilaghasha wandu wengi.

MATHAYO 7:15

“Mkulindie na walodi wa tee. Awo wadacha wikiwoneka sa ng'ondi, ela kondenyi kwawo weeka sa vikwau vibirie.

MATHAYO 24:5

Angu wengi wichacha kwa irina japo wikighamba, ‘Ini nuo Kristo,’ nawo wichawilaghasha wengi.

2 PETRO 3:17

Kwa huwo inyo wakundwa, mkimanya maza iri kiimbiri, mkulindie msechelaghashwa ni ijo ikosa ja wandu wileghagha, mchelaghalwa ni uko kumanga konyu.

WUKUMBUSO 13:1

“Mlodi ungi, angu mtambushiri ndodo ukawuka aghadi konyu, nao ubonye mwakilimbiti angu alama,

WUFUNUO 19:20

Iyo nyamandu ikawadwa chiaimweri na uja mlodi wa tee, uo orebonyereghe weke mwakilimbiti imbiri ya iyo nyamandu; kwa awo, orewikalieghe awo wandu werepatireghe ija alama ya iyo nyamandu, na awo wereghutasireghe ugho mlimu ghwake. Awa wawi, werekumbiloghe wimoo andenyi ya ndiwa ya modo ghuakagha kwa kibiriti.

1 JOHANE 5:18

Isi damanya angu mndungi uvalo ni Mlungu ndebonyagha kaung'a, kwa kukaia Mwana wa Mlungu wadamlindia; na Uja Mmbiwi ndem'bonyagha ilagho jingi anduangi.

2 TIMOTHEO 2:19

Ela msingi ghwa Mlungu ghwamange, nagho ghwawadie mhuri ughu: “Bwana wawimanya awo wiko wake,” sena, “Uo ose ujighoragha irina ja Bwana, suti utane na wuwiwi.”

JOHANE 6:39

Na lukundo lwake Uo orenidumieghe nilo ulu: niselaghashe hata umweri wa awo oreninekieghe, ela niwirukishe Ituku ja kutua mbai.

JOHANE 6:37

Awo wose Aba uninekagha wichacha kwapo; na uo uchagha kwapo, na jingi sichaammbinga anduangi.

1 PETRO 1:5

inyo mlindilwagha ni ndighi ra Mlungu, kwa chia ya irumirio; mpate kuvikia kukia kuko tayari kufunukulwa ngelo ya kutua.

WAGALATIA 4:15

Morekoghe mkato, mwachewonaki sena? Angu ini neko na wushuhuda ghonyu kukaia ngera yadadimika, kumangu moreghikueghe meso ghenyu na kunineka.

WAROMA 12:18

Timenyi seji mdimagha kukaia na sere na wandu wose.

MABONYO GHA WADUMI 20:16

Paulo orewonieghe udambe kwa bahari na kuida Efeso eri usechemeria ngelo ingi Asia, angu orekoghe ukishashira uvike Jerusalemu, ikadimika ituku ja Pentekosto.

ISAYA 9:15

Mghosi unekelo ishima nuo chongo, na mlodi ulodagha malagho gha tee nuo mkomba.

MATHAYO 22:14

Angu awo wiwangwagha ni wengi, ela awa wisaghulwagha ni watini.”

MATHAYO 24:22

Na ngera agho matuku ghiserepunguziroghe, kumangu mndungi ndekiagha anduangi; elaima kwa wundu ghwa awo wasaghulwa, Mlungu uchaghipunguza matuku agho.

MATHAYO 24:25

Olenyi namghoria kiimbiri.

MATHAYO 24:31

nao uchawiduma weke malaika wake na lwaka lubaa lwa tarumbeta, kuwikwanya wasaghulwa wake kufuma mbembe inya ra wurumwengu, kufuma kutua uku hata kutua kuja kwa mlungunyi.

LUKA 18:7

Welee, na Mlungu nao ndechaawitanyira hachi wasaghulwa wake wimliliagha kio na dime anguwada? Loli uchamuka kuwitesia?

JOHANE 4:48

Jesu ukamzera, “Msaawona weke mwakilimbiti na mashiniko ndemdimagha kurumiria anduangi.”

1 JOHANE 2:18

Wanake, ni ngelo ya kutua; na seji koni msikire kukaia M'maiza wa Kristo uchacha, ni huwo koni idana wamaiza wa Kristo wengi wamerie kucha; niko isi damanya angu ni ngelo ya kutua.

1 JOHANE 2:22

Uo uko mtee nani, useeka ni uja mundu ukanagha kukaia Jesu ni Kristo? Mundu uo ni M'maiza wa Kristo, uo umkanagha uja Aba na uja Mwana.