MATHAYO 23:9 - Biblia Ilagho Jiboie Kwa Wandu Wose

⁹ Sena msakemmbanga mndungi ‘Aba’ aha ndoenyi, angu Ndeyo onyu ni umweri uko mlungunyi.

MATHAYO 23:9 Referans Kwoze

1 JOHANE 3:1

Wonenyi ni lukundo lufwane wada uja Aba udikunde nalo, hata dikadima dawangwa wana wa Mlungu; nesi niko koni diko. Ihi niyo sababu wurumwengu ghusewuedimanya, kwa kukaia ndeghoremmanyireghe Uo.

WAEBRANIA 12:9

Chiaimweri na agho isi derekoghe na weke aba wa ndoenyi, werekoghe wikidikania, nesi dikawineka ishima. Welee, ndeidifwane dikusere kuchumba kwa Aba wa roho redu dipate kukaia moyo anguwada?

MALAKI 1:6

BWANA Uwadie-Ndighi-Rose wawizera wakohani, “Mwana wamnekagha ndee ishima na mdumiki wamnekagha bwana wake ishima. Ikakaia ini ne ndeyo, kwaki mseninekagha ishima? Na ikakaia ne bwana, kwaki mseninekagha ishima? Mwanimenyere; nenyo mwaawuyakotia, ‘Dakumenyere wada?’

MATHAYO 7:11

Ikakaia inyo muko wawiwi mwaichi kuwineka wana wenyu vilambo viboie, Ndeyo onyu uko mlungunyi ndechaachumba kuwineka mecha ghose awo wamlombagha anguwada?

1 WAKORINTHO 4:15

Angu hata ngera moko na waleli wengi andenyi ya Kristo, ela ndemmbwadie weke ndeyo wengi anduangi. Angu ini nawurie ndeyo andenyi ya Kristo Jesu kwa chia ya Ilagho Jiboie.

2 WAKORINTHO 6:18

Nani nichakaia ndeyo onyu, nenyo mchakaia wana wapo wa womi na wa waka; waghamba Bwana uwadie ndighi rose.”

MABONYO GHA WADUMI 22:1

“Wanidu na weke aba, sikirienyi nikudederie imbiri konyu.”

2 WAZURI 2:12

Elisha ukawona na kukema, “O aba ee, o aba ee! Mtesia na mlindiri wa Israeli!” Nao nderemmbonieghe sena anduangi. Elisha ukarashua nguwo rake kwa wasi.

MATHAYO 6:32

Angu wandu wa mbari zima wadasumbukia maza iro. Ela inyo, Ndeyo onyu wammanya angu moko na bea ya vilambo ivo vose.

2 WAZURI 13:14

Mlodi Elisha ukalwala wukongo ugho ghocheem'bwagha, na Jehoashi mzuri wa Israeli ukasea kummbona; ukamlilia ukighamba, “O aba ee, O aba ee! Mtesia na mlindiri wa Israeli!”

2 WAZURI 6:21

Mzuri wa Israeli uendawona ijo ijeshi ukamkotia Elisha, “Niwibwaghe mghosi? Niwibwaghe?”

MATHAYO 23:10

Hata msakewangwa ‘Bwana’, angu Bwana onyu ni umweri, nuo Kristo.