MATHAYO 23:34 - Biblia Ilagho Jiboie Kwa Wandu Wose

³⁴ Kwa huwu nichamdumia walodi na wandu wa hikima na walimu, ela wamu wawo mchawibwagha na kuwisulubisha, na wazima mchawikaba na viboko andenyi ya masunagogi ghenyu na kuwitirira muzi kwa muzi.

MATHAYO 23:34 Referans Kwoze

MATHAYO 13:52

Nao ukawizera, “Niko huwu, kula mwalimu wa Sharia uwuyagha mnughi wa wuzuri ghwa mlungunyi, oofwanana na mundu wa nyumba, ufunyagha kwa mali rake vilambo viwishi na va kala.”

WAKOLOSAI 1:28

Uo dawuyamchila dikiwonyera, na kumfundisha kula mundu kwa hikima yose, eri dimrede kwa Mlungu kula mundu wameria kuzoghua andenyi ya Kristo.

MABONYO GHA WADUMI 13:1

Andenyi ya Ikanisa ja Antiokia korekoghe na walodi wamu na walimu; nawo ni Barnaba, Simoni uwangwagha Mwachilu, Lukio kufuma Kurene, Manaeni uo oreleleloghe andwamweri na Herode m'baa wa isanga, na Sauli.

MATHAYO 10:23

“Iji wandu wamtirira andenyi ya muzi ghumu, mughughendie muzi mzima. Namghoria loli, ndemchaameria mizi yose ya Israeli, imbiri Mwana wa Mdamu usechee.

WUFUNUO 11:10

Na wandu wa ndoenyi wichaboilwa kwa wundu ghwa kubwaghwa kwawo, nawo wichabonya maseko na kuenjerana manosi; angu awo walodi wawi wedeeka matiriro kwa wandu ndoenyi.

WAEBRANIA 11:37

Werelasiroghe na magho, weredumbuloghe na misumeno, werebwaghiloghe kwa lufu, werekoghe wikimara-mara wikirwa mirongo ya ng'ondi na ya mburi; werekoghe wakiwa, wandu wa wasi, wikorongelo.

1 WAKORINTHO 3:10

Ini sa m'baa wa waaghi, karakara na seji niwikilo kwa mvono ghwa Mlungu, naaghie msingi, na mundu mzima uaagha aighu yaro. Kula mundu ndemanye seji uaghagha aighu yaro.

1 WAKORINTHO 2:6

Elaima daghoragha na hikima kwa awa wizoghue kiroho, si hikima ya ngelo iri, angu ya wabonyi nguma wa ngelo iri wiidagha anduangi.

MABONYO GHA WADUMI 15:32

Na wokoni Juda na Sila angu werekoghe walodi, werewihoreshereghe ngolo wanidu kwa malagho mengi na kuwifungisha ndighi.

MABONYO GHA WADUMI 14:19

Ela werechieghe Wayahudi wamu kufuma Antiokia na Ikonio, wikawighalusa wandu ngolo, wikawada kumlasa Paulo na magho; wikamkurudua shighadi ya muzi, wikighesha wei wameria kufwa.

MABONYO GHA WADUMI 12:2

Ukam'bwagha Jakobo mruna Johane kwa lufu.

MABONYO GHA WADUMI 11:27

Matuku ghaja gheni, walodi wamu wereserieghe kufuma Jerusalemu wikacha Antiokia.

MABONYO GHA WADUMI 5:40

wikawiwanga wadumi wingie, wikawikaba na kuwilaghira wiseghore ilagho jingi kwa irina ja Jesu, wikawisigha wighende.

MABONYO GHA WADUMI 1:8

Ela mchapata ndighi, iji Roho Mweli wamchea aighu konyu; nenyo mchakaia washahidi wapo andenyi ya Jerusalemu, Judea kose, Samaria, na hata kutua kwa ndoenyi.”

JOHANE 20:21

Jesu ukawizera sena, “Sere ndeikaie konyu. Sa iji koni Aba orenidumieghe ini, niko koni namduma inyo.”

JOHANE 16:2

Wandu wichammbinga sunagoginyi rawo, sena ngelo iacha uo ose ucham'bwagha inyo, uchaghesha wei, uamdumikia Mlungu.

LUKA 24:47

Mbari rose ripate kuchililwa kuhea na kulekwa kaung'a rawo kwa irina jake kuzoya Jerusalemu.

MAKATANISHO 11:30

Mabonyo gha mhachi ghadareda irangi; kulegha sharia kwadareda kifwa.

1 WATHESALONIKE 2:16

kwa kudighiria isi diseghore na wandu wa mbari zima, wichepata kukia; eri wipate kuchichura kipimo cha kaung'a rawo sa matuku ghose. Ela kutua, wamerie kuchelwa ni machu gha Mlungu.

2 MALAGHO GHA NGELO 24:21

Ela wikam'bonya Zekaria njama, na kwa momu ghwa mzuri, wikamlasa na magho wazenyi ya Hekalu.

JEREMIA 26:8

Jeremia uendameria kughora malagho ghose orelaghiriloghe ni BWANA kwa wandu wose, wakohani, na walodi, na wandu wose, wikammbwada wikighamba, “Kuchafwa!

JEREMIA 36:26

Nao mzuri ukafunya momu kwa mwana wake Jerahimeeli, na Seraia mwana wa Azrieli, na Shelemia, mwana wa Abdeeli, winiwade chiaimweri na uja muandiki Baruku, ela BWANA ukadivisa.

MATHAYO 23:31

Huwo mwakushuhudia inyo mmbeni kukaia wana wa awo wandu wiwibwaghie walodi!

2 WAZURI 21:10

Nao BWANA ukawizera wadumi wake walodi,