MATHAYO 23:23 - Biblia Ilagho Jiboie Kwa Wandu Wose

²³ “Ni bugha konyu inyo walimu wa Sharia na Mafarisayo, waji-kuwi! Angu mwafunya ifungu ja ikumi hata kwa mbogha ra malemba ghinukie nicha, na bizari, ela mwasigha agho malagho ghiko gha suti gha Sharia na hachi, na wughoma, na irumirio. Kumangu agha mwaghibonyere, chiaimweri na ghaja mazima wori.

MATHAYO 23:23 Referans Kwoze

LUKA 11:42

“Ela ni bugha konyu inyo Mafarisayo, angu mwafunya mafunyo gha malemba gha marumba mecha, na kula mbogha, ela mwaisigha hachi na lukundo lwa Mlungu. Maza iri eremfwanieghe muribonye, na iro zima wori mserisighe.

MIKA 6:8

Hata! BWANA wadimanyishire ijo jiko icha. Ijo BWANA ujikundagha kodu ni iji: Kubonya ijo jiko ja hachi, kukaia na lukundo lukatie, kukusera na kukaia na wungara na Mlungu odu.

HOSEA 6:6

Nadaboilwa ni lukundo lukatie kuchumba vizongona; nadaboilwa iji wandu wanimanya kuchumba kunifunyira vizongona vekora.

MATHAYO 9:13

Ghendenyi mkufundishe kutambua kwaro malagho agha: ‘Neekunda wughoma si kizongona kungi.’ Serechieghe kuwiwanga wandu wecha anduangi, ela wandu wa kaung'a.”

1 SAMUELI 15:22

Nao Samueli ukaghamba, “Kwani BWANA wadaboilwa ni mafunyo na vizongona vekora kuchumba seji uboilwagha ni kusikirwa? Ola kumsikira BWANA kwaboie kuchumba kizongona, na kusikira kwaboie kuchumba mavuda gha bauru.

MAKATANISHO 21:3

BWANA wadawirumiria awa wibonyagha hachi na loli, kuchumba kufunya kizongona.

WALAWI 27:30

“Ifungu ja ikumi ja vindo va mbuwenyi ikaiagha ni viro angu matunda, ni va BWANA.

LUKA 18:12

Nadafunga tumu mando awi kwa njumwa, nadafunya ifungu ja ikumi ja mapato ghapo ghose.’

MATHAYO 12:7

Na ngera modemanya kutambua kwaro malagho agha: Neekunda wughoma ela si kizongona kungi; ndamwawitanyagha wandu wiseko na makosa anduangi.

ISAYA 28:25

Nechi wei ukameria kuibubula ndoe wadaawa mbeu ra soko, na jira, na kuwa ngano kwa msitari, na shairi kwa wulalo ghwawo, na mbeu ra kula mbari.

JEREMIA 22:3

BWANA waghamba, m'bonye malagho gha loli na gha hachi, mmbunje kilambo cha uo usokelo ni mkorongi. Msebonye kiwiwi, angu kumkita mghenyi, angu mwana mkiwa, angu muka mkiwa, angu kudia bagha ya mundu usena ikosa andu aha.

MATHAYO 23:13

“Ni bugha konyu inyo walimu wa Sharia na Mafarisayo, waji-kuwi! Angu mwaghurugha mnyango ghwa Wuzuri ghwa mlungunyi; inyo mmbeni ndemngiagha, na awo wikundagha kungia mwawighiria. [