MATHAYO 22:4 - Biblia Ilagho Jiboie Kwa Wandu Wose

⁴ Ukaduma wadumiki wazima sena ukighamba, ‘Wizerenyi awo wandu werekaribishiroghe, Olenyi nawika vindo vapo tayari, njau na ngache ribandie rameria kubwaghwa, na kula kilambo cheko tayari; choonyi arusinyi.’

MATHAYO 22:4 Referans Kwoze

MABONYO GHA WADUMI 13:46

Hata huwo saki, Paulo na Barnaba wikaghora kwa wuwana wikighamba, “Erekoghe suti ilagho ja Mlungu jighoro konyu kande. Idana angu mwajilegha, na kukutanya inyo mmbeni kukaia wandu msefwane irangi ja kala na kala, olenyi diaghenda kwa wandu wa mbari zima.

MATHAYO 21:36

Ukaduma wadumiki wamu sena wengi kuchumba waja wa imbiri. Nawo weni wikawibonyera wokoni.

WAROMA 8:32

Uo useremmbonieghe wughoma Mwana wake moni, ela ukamfunya kwa wundu ghodu isi diwose, uchalegha wada kudineka vindo vose andwamweri nao?

MABONYO GHA WADUMI 1:8

Ela mchapata ndighi, iji Roho Mweli wamchea aighu konyu; nenyo mchakaia washahidi wapo andenyi ya Jerusalemu, Judea kose, Samaria, na hata kutua kwa ndoenyi.”

LUKA 14:17

Nao iji ngelo ya karamu yavika, ukamduma mdumiki wake ukawizera waja werewangiloghe, ‘Choonyi, vindo vose vakaia tayari.’

MATHAYO 22:8

Ukawizera wadumiki wake, ‘Karamu ya arusi eko tayari ela awa werekaribishiroghe ndewichefwana.

LUMBO 5:1

Nangia mbuwenyi kwapo wangolo, bibi arusi wapo niwaye manemane na vilungo vapo; nije wuki na mando ghapo gha choki; ninyo divei na mariwa ghapo. Jenyi wakundwa munyo; Nyonyi hata mmbongero ni lukundo.

ZABURI 86:5

Oho koko mucha kufuyagha wughoma ee BWANA; kwadua na lukundo lukatie kwa wose wikuwangiagha.

NEHEMIA 9:17

Wereleghieghe kusikira; wikaliwa agho ghose kuwibonyere; wikaliwa awo weke mwakilimbiti korewibonyereghe; wikakusaghuya kilongozi owiwunja Misri kwa lukaso lwawo, wipate kuwuya wuzumbenyi. Ela oho ko Mlungu wa wughoma, kuchuagha mvono na lukundo, kusebonyagha machu shwa-shwa. Wughoma ghwako ni m'baa, hata ndekorewileghieghe anduangi.

MAKATANISHO 15:17

Ni baa kuja mbogha ra malemba kukikaia na lukundo, kuchumba kuja manori gha ng'ombe kukikaia kuzamilo.

MATHAYO 22:5

Ela awo wandu ndeweretalieghe, wikaghibonya malagho ghake ghiangue wikaghenda chia rawo, umu mbuwenyi kwake, na mzima kwa kazi rake.