MATHAYO 22:3 - Biblia Ilagho Jiboie Kwa Wandu Wose

³ ukawiduma wadumiki wake wiwiwange awo werekaribishiroghe kwa iyo karamu ya arusi, ela wikalegha kucha.

MATHAYO 22:3 Referans Kwoze

WUFUNUO 22:17

Uo Roho, na uo mwai ulowolwagha waghamba, “Choo.” Na uo mundu usikiragha ndeghambe, “Choo.” U mundu uomagha ndeche; uo ukundagha, ndeghiwuse machi gha irangi duu.

WAROMA 10:21

Ela kwa wundu ghwa Waisraeli waghamba, “Dime dii nawighoruya mikonu yapo wandu wileghagha wisesikiragha.”

JOHANE 5:40

nenyo mwalegha kucha kwapo mpate irangi.

MABONYO GHA WADUMI 13:45

Ela iji Wayahudi wajiwona izungu ja wandu wikachulwa ni iriso, wikaghikana malagho gherekoghe ghikighorwa ni Paulo na kumdukana.

LUKA 19:27

Ela awa wamaiza wapo wiserekundieghe niwibonyere nguma, wiredenyi aha muwibwaghe imbiri kwapo.’”

LUKA 15:28

Nao ukajokwa ni machu ukalegha kungia mzinyi. Niko ndee ukafuma na kumvoya ungie.

LUKA 13:34

“Ee Jerusalemu, Jerusalemu, kubwaghagha walodi na kuwilasa na magho awa widumwagha kwako, ni kalinga neretimieghe kuwikwanya wana wako sa iji nguku ikwanyagha vana vake aisi ya mawawa ghake kukalegha!

MATHAYO 23:37

“Ee Jerusalemu, Jerusalemu, kubwaghagha walodi na kuwilasa na magho awo widumwagha kwako. Ni kalinga neretimieghe kuwikwanya wana wako, seji nguku ivikwanyagha vana vake aisi ya mawawa ghake, ela kukalegha.

MATHAYO 3:2

ukighamba, “Heenyi angu wuzuri ghwa Mlungu ghwavika kaavui.”

ZEFANIA 1:7

Ituku ja BWANA jetanya jameria kuvika. Kwa huwo nyamenyi kima. BWANA waboisire kizongona, na kuwiwika waghenyi wake tayari.

HOSEA 11:7

Wandu wapo wachuria kughaluka na kunilegha. Wichalila kwa wundu ghwa ghongolo iko kwawo, ela ndekuwadie mndungi uchaaiinja kufuma kwawo.

HOSEA 11:2

Seji koni nerekoghe ngimmbanga, niko orechurieghe kughenda kula nani. Wandu wapo wikam'bwaghia Baali vizongona, na kuifukiria milimu marumba.

JEREMIA 35:15

Nadumie wadumiki wapo walodi wose konyu sena na sena ngimzera kula umu onyu ughaluke kufuma kwa chia rake mbiwi, m'boise mighendo yenyu. Msakenugha milungu mizima na kuidumikia, nenyo mchakaia isangenyi neremnekieghe inyo na weke ndeyo. Ela ndemdeghie madu kusikira, hata kusikira ndemusikire.

JEREMIA 25:4

Ndemcheesikira hata kudegha kudu konyu wei msikire, hata ngera BWANA wafungie ndighi kumdumia wadumiki wake walodi ngelo kwa ngelo;

ISAYA 30:15

Angu Bwana MLUNGU, uo Mweli wa Israeli waghambie huwu, “Mkanighalukia na kukusaghika na ini, mchakia; nenyo mchakia na kukaia banana.” Ela mwaleghie,

ZABURI 68:11

BWANA orefunyireghe momu, na awo wereereshereghe malagho gharo, werekoghe wengi nandighi;

1 SAMUELI 9:13

Mkameria kungia mzinyi mchammbona imbiri usejokie mghondinyi kwendaja vindo; angu wandu ndewijagha usechee, kwa kukaia ni suti urasimie icho kizongona, ima awo wandu wikaribishiro wije. Idana jokenyi shwa-shwa, nenyo mchammbona.”

WAEBRANIA 12:25

Manyenyi msemleghe uo ughoragha nenyo. Angu ikakaia wiserekirieghe awo weremleghieghe uo orewiwonyereghe ndoenyi, isi dichakia wada dikamlegha uo udiwonyeragha kufuma mlungunyi?

MATHAYO 21:34

Hata iji kimu cha makuwido chavika, ukawiduma wadumiki wake kwa walimi upate ifungu jake ja makuwido.

MATHAYO 9:15

Jesu ukawitumbulia, “Welee, awa wiwangwagha arusinyi wadima kukaia na wasi iji bwana arusi ukwanye nawo? Hata! Ela ngelo bwana arusi wainjwa kwawo, ngelo iyo niko wichaafunga.

WAEBRANIA 9:15

Kwa huwo, Jesu nuo mpatanishi wa ijo ilaghano iwishi; eri awo wiwangilo, wipate kujiwusa ijo ifwa ja kala na kala jilaghirilo; kwa kukaia kifwa chapatikie, icho chiwikombuagha wandu kufuma makosenyi ghaja gherebonyeroghe ngelo ya ilaghano ja imbiri.