MATHAYO 22:22 - Biblia Ilagho Jiboie Kwa Wandu Wose

²² Nao iji weresikireghe agho wikashinika, wikamsigha wikaghenda chia rawo.

MATHAYO 22:22 Referans Kwoze

MARKO 12:12

Nao vilongozi va Wayahudi wikakunda kummbwada, kwa kukaia weremanyireghe angu mfwano ugho ni kwa wundu ghwawo. Ela wikaobua izungu, wikamsigha na kughenda chia rawo.

WAKOLOSAI 4:6

Madedo ghenyu ghikaie gha mvono ngelo rose, sa vindo vilungilo na munyu, mpate kumanya seji imfwane kumtumbulia kula mundu.

MABONYO GHA WADUMI 6:10

Ela Roho oremnekieghe Stefano hikima eghora hata ndeweredimieghe kusimana nao anduangi.

MATHAYO 22:46

Aho ndekorekoghe na mndungi oredimieghe kumtumbulia ilagho jingi. Na kufuma ituku ijo mndungi nderemkotereghe ilagho jingi sena anduangi.

MATHAYO 22:33

Nao iji izungu wasikira agho, wikaghishinikia mafundisho ghake.

MATHAYO 10:16

“Idana ini niamduma sa ng'ondi aghadi ya vikwau, mkaie na akili sa choka, na wa mboa sa mbughi.

LUKA 21:15

angu ini nichamneka malagho na hikima, hata mndungi usechaadima kumtangala anduangi.

MATHAYO 8:10

Jesu uendasikira agho, ukashinika ukawizera wandu werekoghe wikimnugha, “Namghoria loli, jingi siwonie mndungi kwa Israeli uko na irumirio sa iji anduangi.