MATHAYO 21:22 - Biblia Ilagho Jiboie Kwa Wandu Wose

²² Na ijo jose mlombagha, ngera mwakaia na irumirio mchajipata.”

MATHAYO 21:22 Referans Kwoze

MATHAYO 7:7

“Lombenyi, nenyo mchanekwa; lolenyi, nenyo mchawona; kongodenyi, nenyo mcharughuilwa.

MARKO 11:24

Niko namzera, vilambo vose muvilombagha, rumirienyi angu mwavipata, nenyo mchanekwa.

1 JOHANE 3:22

Nesi dikalomba kilambo icho chose diapata kufuma kwake; angu dawuyaiwadia memu yake, na kubonya seji ukunde.

MATHAYO 18:19

Sena namghoria inyo, ngera wawi wenyu wapatana ndoenyi kulomba ilagho jingi, Aba wa mlungunyi uchawibonyera ilagho ijo.

JAKOBO 5:16

Kwa huwo rumirianenyi kaung'a renyu mmbeni na mmbeni, na kulombiana; mlombiane, mpate kuboiswa. Malombi gha mundu wa hachi ghabonyagha kazi kwa ndighi nyingi.

JOHANE 14:13

Icho chose mchaalomba kwa irina japo, nicham'bonyera; Aba upate kukaswa andenyi ya Mwana.

JOHANE 16:24

Jingi ndemlombie kilambo chingi kwa irina japo. Lombenyi, nenyo mchapata; kuboilwa konyu kukate.

JOHANE 15:7

Mkakaia andenyi kwapo, na malagho ghapo ghikakaia andenyi konyu, mchalomba icho chose mkundagha nenyo mchanekwa.

MATHAYO 7:11

Ikakaia inyo muko wawiwi mwaichi kuwineka wana wenyu vilambo viboie, Ndeyo onyu uko mlungunyi ndechaachumba kuwineka mecha ghose awo wamlombagha anguwada?