MATHAYO 20:2 - Biblia Ilagho Jiboie Kwa Wandu Wose

² Nao umeria kupatana nawo malipo gha dinari kwa ituku, ukawighenja kwa mbuwa ya mizabibu.

MATHAYO 20:2 Referans Kwoze

WUFUNUO 6:6

Ngasikira sa lwaka aghadi ya iro nyamandu riko moyo inya lukighamba, “Pishi imweri ya ngano kwa dinari na pishi idadu ra shairi kwa dinari; ela mavuda na divei kusakevibonya ilagho jingi.”

2 TIMOTHEO 3:15

na seji kumanyire Maandiko Ghielie kufuma wanake ghwako, agho ghidimagha kukuneka mafundisho ghiredagha kukia kwa chia ya irumirio jiko kwa Kristo Jesu.

LUKA 10:35

Ituku ja kawi, ukafunya pesa dinari iwi, ukamneka uja mundu wa nyumba ukighamba, ‘Mrwarishe mundu uhu, na icho chose kuchaatumia kuchumba aighu yake, ngelo ya kuwuya kwapo nichalipa.’

LUKA 1:15

angu uchakaia m'baa imbiri ya Bwana, ndechaanywa divei hata kilambo chingi chewongera anduangi. Uchachulwa ni Roho Mweli kufuma kifunyi kwa mae,

MATHAYO 22:19

Niwonyerenyi iyo pesa ilipwagha kodi.” Nao wikamredia.

MATHAYO 20:13

Niko uja mundu wa nyumba ukamtumbulia umu wawo ukighamba, ‘Mghenyi wapo, sikukosere ilagho jingi, dedepatana nikulipe dinari imweri.

MATHAYO 18:28

“Ela uja mdumiki ukafuma ukamkua umu wa wadumiki wambao uko na sile yake ya dinari ighana jimweri; ukammbwada ukawoka kumnyora ukighamba, ‘Nilipe sile yapo.’

MCHILI 12:1

Kwa huwo kumkumbuke Muumbi wako ngelo kuko mdawana; imbiri matuku na miaka ya wasi isechee; ingelo kuchaaghora “Siwueboilwa ni irangi.”

2 MALAGHO GHA NGELO 34:3

Mwaka ghwa wunyanya ghwa kubonya nguma kwake, orezoeghe kumlola Mlungu wa ndee Daudi uko mwana wokoni; na mwaka ghwa ikumi na iwi, ukazoya kuielesha Juda na Jerusalemu kwa kuinja andu kotasira mighondinyi, na fwana ra mlungu ghwa waka Ashera, na fwana rewacha na rechana.

1 WAZURI 18:12

Na nyuma ya kukusigha, Roho wa BWANA uchakudwa andu nisekumanyagha. Ahabu ukacha na kukusowa ngelo namzera wei koko aha, uchanibwagha. Kumbuka ini mdumiki wako ne mtasi Mlungu kufuma wanake ghwapo.

1 SAMUELI 3:21

BWANA ukachuria kukufunukua sena aho Shilo, angu orekoghe wakufunukua kwa Samueli kwa chia ya ilagho jake.

1 SAMUELI 3:1

Ngelo iro, uo mwana Samueli, orekoghe ukimdumikia BWANA aisi ya Eli. Na ilagho ja Mlungu jerekoghe jahora modo nandighi matuku agho; kwa kukaia ndekorekoghe na mawono ghangi shwa kwa shwa.

1 SAMUELI 2:26

Uja mwana Samueli ukachuria kuzoghua ukikundwa ni BWANA na wandu.

1 SAMUELI 2:18

Uja mwana Samueli orerushiroghe naivera ya kitani, ukakaia ukidumika imbiri ya BWANA.

MATHAYO 9:37

Ukawizera wanughi wake, “Mvono ni mungi, ela wabonyi kazi ni watini.

MATHAYO 20:1

“Angu wuzuri ghwa mlungunyi ghwafanana na mundu wa nyumba uko na mbuwa ya mizabibu, orefumieghe nakesho kuandika wandu wa kibarua.

MATHAYO 20:3

Ukafuma saa idadu ra nakesho, ukawiwona wandu wamu wiko kimusi sokonyi wiseko na kazi ingi.

MARKO 12:15

Dilipe angu disakelipa?” Ela Jesu ukimanya seji wiko waji-kuwi, ukawizera, “Kwaki munitimagha? Niredienyi pesa niiwone.”

LUKA 20:24

“Niwonyerenyi pesa. Welee, maandiko agha na fwana ihi ni vani?” Wikatumbulia, “Ni va Kaisari.”

MATHAYO 20:9

Iji wacha waja wa saa ikumi na imweri, werelipiloghe dinari imweri kula mundu.